veen doghantali hi tutena swapnil joshi samar swanandi date : ‘वीण दोघांतली ही तुटेना’ ही झी मराठीवरील लोकप्रिय मालिका सातत्याने वेगवेगळे प्रयोग करत प्रेक्षकांचे मनोरंजन करत आहे. नुकताच या मालिकेचा संवादांशिवाय सादर करण्यात आलेला विशेष भाग प्रेक्षकांच्या पसंतीस उतरला होता. या प्रयोगानंतर आता मालिकेत आणखी एक खास प्रसंग दाखवण्यात येणार असून, त्यामध्ये रोमँटिक क्षणांसोबत रंगभूमीचीही सुंदर झलक पाहायला मिळणार आहे.
आगामी भागात समर आपल्या पत्नी स्वानंदीसाठी खास डेटचं नियोजन करतो. मात्र ही डेट नेहमीप्रमाणे रेस्टॉरंट किंवा चित्रपटगृहात नसून थेट नाट्यगृहात रंगणार आहे. दोघे मिळून लोकप्रिय ‘लग्नपंचमी’ हे नाटक पाहण्यासाठी जाणार आहेत. त्यामुळे मालिकेच्या कथानकात एक वेगळा आणि सकारात्मक बदल पाहायला मिळणार आहे.
नाटक सुरू झाल्यानंतर समर पूर्णपणे त्या कथेत रंगून जातो. रंगमंचावर सुरू असलेल्या रोमँटिक प्रसंगांमध्ये तो स्वतःला आणि स्वानंदीला पाहू लागतो. या क्षणांमुळे दोघांमधील नातं अधिक भावनिक आणि जवळचं होत असल्याचं प्रोमोमध्ये दाखवण्यात आलं आहे. त्यामुळे आगामी भागात समर आणि स्वानंदीच्या नात्याला नवं वळण मिळणार असल्याचे संकेत मिळत आहेत.
या विशेष भागातील आणखी एक आकर्षण म्हणजे लोकप्रिय अभिनेता स्वप्नील जोशी याची उपस्थिती. ‘लग्नपंचमी’ या नाटकातील प्रमुख कलाकार म्हणून तो झळकत असून, समर आणि स्वानंदी नाटक पाहण्यासाठी आल्याचं कळताच तो त्यांना खास भेटण्यासाठी बोलावतो. स्वप्नील जोशीला प्रत्यक्ष भेटण्याचा आनंद स्वानंदीच्या चेहऱ्यावर स्पष्टपणे दिसतो. त्यानंतर दोघेही नाटकातील कलाकारांशी संवाद साधताना दिसतात. हा प्रसंग मालिकेला एक वेगळाच रंग देणार आहे.
विशेष म्हणजे, ‘लग्नपंचमी’ या नाटकाचं लेखन आणि ‘वीण दोघांतली ही तुटेना’ मालिकेचं लेखन एकाच लेखिका मधुगंधा कुलकर्णी यांनी केलं आहे. त्यामुळे मालिका आणि नाटक यांच्यातील हा सुंदर संगम प्रेक्षकांसाठी खास ठरणार आहे. सध्या या नाटकात स्वप्नील जोशीसोबत अभिनेत्री विदुला चौगुले प्रमुख भूमिकेत दिसत आहे.
हे पण वाचा .. Video: ‘तारिणी’मध्ये मोठा ट्विस्ट! जेजे २ कोटींची लाच स्वीकारणार का? पद्मिनीच्या ऑफरने वाढली मालिकेची उत्सुकता
दरम्यान, या प्रोमोला सोशल मीडियावर मोठा प्रतिसाद मिळत आहे. अनेक प्रेक्षकांनी समर-स्वानंदीच्या या रोमँटिक डेटचं कौतुक करत मालिकेने सकारात्मक आणि वेगळा ट्रॅक निवडल्याबद्दल आनंद व्यक्त केला आहे. कारस्थानांपेक्षा अशा हलक्याफुलक्या आणि भावनिक प्रसंगांना प्राधान्य दिल्यामुळे मालिकेचं कौतुक होत आहे.
‘वीण दोघांतली ही तुटेना’ मालिकेचा हा विशेष भाग ४ ऑगस्ट रोजी सायंकाळी ४ वाजता झी मराठीवर प्रसारित होणार आहे. समर, स्वानंदी आणि स्वप्नील जोशी यांची ही खास भेट प्रेक्षकांसाठी नक्कीच संस्मरणीय ठरणार आहे.
हे पण वाचा.. शशांक केतकरचं दमदार कमबॅक! ‘कमळी’ मालिकेत साकारणार ‘रितेश सरपोतदार’ची भूमिका; प्रोमोने वाढवली उत्सुकत
