veen doghantali hi tutena samar swanandi surprise romantic twist : ‘वीण दोघांतली ही तुटेना’ या झी मराठीवरील मालिकेत समर आणि स्वानंदीची जोडी सध्या प्रेक्षकांच्या विशेष पसंतीस उतरत आहे. दोघांनी एकमेकांवरील प्रेम व्यक्त केल्यानंतर त्यांच्या नात्यातील गोडवा आणखी वाढला आहे. या दोघांना वेगळं करण्यासाठी मल्लिका काकू, अंशुमन आणि अर्पिता यांनी अनेक प्रयत्न केले, मात्र प्रत्येक अडचणीवर मात करत समर आणि स्वानंदी एकमेकांच्या आणखी जवळ येताना दिसले.
आता मालिकेच्या आगामी भागात या जोडीच्या चाहत्यांसाठी आणखी एक खास क्षण पाहायला मिळणार आहे. समर आपल्या लाडक्या पत्नीला खूश करण्यासाठी चक्क घरातच एका खास सरप्राइजची तयारी करतो. यासाठी त्याने घराचा परिसर आकर्षक पद्धतीने सजवला असून, रंगीबेरंगी दिवे, फुलांची सजावट आणि सुंदर रोषणाईने वातावरण अधिकच खास केलं आहे. या छोट्याशा सेलिब्रेशनसाठी त्याने एका जागेला ‘वेलकम टू समर कॅफे’ असं नावही दिलं आहे.
समरने केलेली ही तयारी पाहून स्वानंदी अक्षरशः भारावून जाते. विशेष म्हणजे, या प्रसंगासाठी स्वानंदीचा लूकही नेहमीपेक्षा वेगळा पाहायला मिळणार आहे. गुलाबी रंगाच्या लाँग वनपीसमध्ये ती समोर येते आणि तिच्या या आधुनिक अंदाजाने समरचंही लक्ष वेधून घेतलं जातं. स्वानंदीचा हा नवा लूक पाहून मालिकेच्या चाहत्यांमध्येही उत्सुकता निर्माण झाली आहे.
या खास क्षणी स्वानंदी आपल्या मनातील भावना समरसमोर व्यक्त करते. आयुष्यात अशा सुखाचे क्षण येतील, अशी कल्पनाही तिने कधी केली नव्हती, मात्र समर तिच्या आयुष्यात आल्यापासून सगळंच बदललं असल्याचं ती सांगते. आपल्या आयुष्यात आणि नशिबात सकारात्मक बदल घडवून आणल्याबद्दल ती समरचे आभार मानते. प्रेम व्यक्त करताना स्वानंदी भावूक झाल्याचंही प्रोमोमध्ये पाहायला मिळतं.
समर आणि स्वानंदीमधील हा सुंदर क्षण सोशल मीडियावर शेअर होताच चाहत्यांनी त्यावर प्रतिक्रिया देण्यास सुरुवात केली आहे. दोघांची जोडी किती सुंदर दिसते, समरने केलेलं सरप्राइज किती गोड आहे, अशा प्रतिक्रिया नेटकऱ्यांकडून पाहायला मिळत आहेत. काही चाहत्यांनी तर या ‘समर कॅफे’मध्ये आपल्यालाही यायचं असल्याची मजेशीर इच्छा व्यक्त केली आहे.
हे पण वाचा .. Video: ‘कृष्णाईच्या लेकी’मध्ये कमळीची धडाकेबाज एन्ट्री; आईसाठी थेट पंचायतमध्ये पोहोचली, इंदूराणीला दिलं सडेतोड उत्तर
दरम्यान, ‘वीण दोघांतली ही तुटेना’ मालिकेत समर आणि स्वानंदीच्या नात्याला आतापर्यंत अनेक अडथळे आले आहेत. मात्र प्रत्येक संकटानंतर त्यांचं नातं अधिक मजबूत होत गेलं. त्यामुळे आता या रोमँटिक क्षणानंतर त्यांच्या वैवाहिक आयुष्यात आणखी कोणतं वळण येणार, याची उत्सुकता आहे. ‘वीण दोघांतली ही तुटेना’ ही मालिका झी मराठीवर दररोज सायंकाळी ७:३० वाजता प्रसारित केली जाते.
हे पण वाचा.. Video: ‘सावळ्याची जणू सावली’मध्ये मोठा ट्विस्ट! ओवीचं होणार अपहरण; संकटात सावलीच्या मदतीला कोण धावणार?
