veen doghantali hi tutena ajiche apaharan samar swanandi twist : ‘वीण दोघांतली ही तुटेना’ या झी मराठीवरील लोकप्रिय मालिकेने अल्पावधीतच प्रेक्षकांच्या मनात खास स्थान निर्माण केले आहे. भावनिक नात्यांसोबतच रहस्य, कौटुंबिक संघर्ष आणि अनपेक्षित घडामोडींमुळे ही मालिका सतत चर्चेत असते. आता या मालिकेच्या आगामी भागात आणखी एक धक्कादायक ट्विस्ट पाहायला मिळणार असून त्याचा थेट परिणाम समर आणि स्वानंदीच्या आयुष्यावर होणार आहे.
मालिकेतील समर राजवाडे हा आपल्या कुटुंबासाठी जगणारा आणि प्रत्येक नात्याची जबाबदारी जपणारा व्यक्ती म्हणून दाखवण्यात आला आहे. आयुष्यातील अनेक दुःखद प्रसंगांचा सामना करूनही त्याने आपल्या कुटुंबाला एकत्र ठेवण्याचा प्रयत्न केला आहे. विशेषतः आपल्या आजीबद्दल त्याला असलेला जिव्हाळा आणि आदर प्रेक्षकांनी अनेकदा पाहिला आहे. मात्र आता याच आजीवर मोठं संकट कोसळणार असल्याचं नव्या प्रोमोमधून स्पष्ट झालं आहे.
दुसरीकडे, मल्लिका काकू आणि तिची मुलं अंशुमन व अर्पिता सतत समरविरोधात योजना आखताना दिसतात. संपत्तीवर डोळा ठेवून ते समरला अडचणीत आणण्याचा प्रयत्न करत असतात. तसेच समर आणि स्वानंदी यांच्या नात्यात दुरावा निर्माण करण्यासाठीही ते विविध डावपेच रचतात. त्यामुळे घरातील तणाव कायम वाढताना दिसतो.
आता सोशल मीडियावर समोर आलेल्या नव्या प्रोमोमध्ये प्रेक्षकांना अत्यंत थरारक प्रसंग पाहायला मिळतो. आजी एकट्या बाहेर गेल्यानंतर अचानक त्यांच्यासमोर दोन महिला मदतीच्या बहाण्याने येतात. सुरुवातीला त्या मदत करण्यासाठी पुढे आल्याचा भास निर्माण करतात. मात्र काही क्षणांतच त्या आजींना जबरदस्तीने एका व्हॅनमध्ये बसवतात आणि त्यांना बेशुद्ध करून घेऊन जातात. या घटनेमुळे मालिकेत मोठा सस्पेन्स निर्माण झाला आहे.
हे पण वाचा.. ऐश्वर्या नारकरांच्या ‘आमच्या लाडक्या नाईक बाई’ मालिकेच्या प्रसारणात मोठा बदल; नवी तारीख आणि वेळ जाहीर
यानंतर समरला एक अज्ञात फोन येतो. समोरची व्यक्ती आजी त्यांच्या ताब्यात असल्याचं सांगत तब्बल २५ लाख रुपयांची खंडणी मागते. एवढंच नाही तर पैसे न दिल्यास आजीचा जीव धोक्यात येईल, अशी धमकीही दिली जाते. हा फोन ऐकताच समर हादरून जातो, तर स्वानंदीलाही मोठा धक्का बसतो. अचानक आलेल्या या संकटातून बाहेर पडण्यासाठी दोघे काय निर्णय घेणार, याची उत्सुकता वाढली आहे.
या प्रोमोमुळे आता अनेक प्रश्न उपस्थित झाले आहेत. आजीचं अपहरण नेमकं कोणी केलं? या कटामागे घरातीलच कोणाचा हात आहे का? समर वेळेत आजीची सुटका करू शकेल का? आणि स्वानंदी या संपूर्ण परिस्थितीत त्याला कशी साथ देणार? या सर्व प्रश्नांची उत्तरं आगामी भागांमध्ये मिळणार आहेत.
हे पण वाचा.. तारिणी मध्ये मोठा ट्विस्ट! जेजेने खांडेकर कुटुंबात केली दमदार एन्ट्री; तारिणीच्या एका जबाबामुळे युवराज अडचणीत
दरम्यान, ‘वीण दोघांतली ही तुटेना’ मालिकेच्या या नव्या ट्विस्टमुळे प्रेक्षकांची उत्सुकता आणखी वाढली आहे. भावनिक नात्यांसोबत आता थरार आणि सस्पेन्सचीही भर पडल्याने पुढील भाग अधिक रंजक ठरणार, यात शंका नाही.
