amchya ladkya naik bai navin tarikh vel star pravah : मराठी टेलिव्हिजन विश्वात सध्या ‘आमच्या लाडक्या नाईक बाई’ या नव्या मालिकेची जोरदार चर्चा सुरू आहे. अभिनेत्री ऐश्वर्या नारकर छोट्या पडद्यावर पुनरागमन करत असल्यामुळे या मालिकेबद्दल प्रेक्षकांमध्ये विशेष उत्सुकता निर्माण झाली आहे. मालिकेचे प्रोमो आणि पहिली झलक समोर आल्यानंतर अनेकांनी तिच्या कथानकाबरोबरच कलाकारांच्या निवडीचंही कौतुक केलं. मात्र, मालिका सुरू होण्याच्या काही दिवस आधीच स्टार प्रवाहने महत्त्वाचा निर्णय घेतल्यामुळे चाहत्यांचे लक्ष या अपडेटकडे वेधले गेले आहे.
सुरुवातीला ‘आमच्या लाडक्या नाईक बाई’ ही मालिका २० जुलैपासून सुरू होणार असल्याची घोषणा करण्यात आली होती. मात्र आता वाहिनीने अधिकृतरीत्या प्रसारणाच्या वेळापत्रकात बदल करत मालिकेची नवी तारीख जाहीर केली आहे. नव्या वेळापत्रकानुसार ही मालिका आता १० ऑगस्टपासून प्रेक्षकांच्या भेटीला येणार असून दररोज संध्याकाळी ६:३० वाजता तिचे भाग प्रसारित केले जातील.
या मालिकेची कथा एका साध्या पण खंबीर शिक्षिकेभोवती फिरणारी आहे. तिचं कुटुंब, मुली आणि आयुष्यातील संघर्ष यांचा भावनिक प्रवास या कथेतून उलगडणार आहे. ऐश्वर्या नारकर मुख्य भूमिकेत असल्यामुळे मालिकेकडून प्रेक्षकांच्या अपेक्षा आणखी वाढल्या आहेत. त्यांच्यासोबत अभिनेत्री अमृता धोंगडे देखील महत्त्वाच्या भूमिकेत दिसणार आहे. अनेक वर्षांनंतर ती पुन्हा मालिकाविश्वात पुनरागमन करत असल्याने तिच्या चाहत्यांमध्येही उत्सुकता आहे. याशिवाय पूजा ठोंबरे, अतुल काळे आणि शीतल शुक्ला यांच्याही या मालिकेत महत्त्वाच्या भूमिका असणार आहेत.
या बदलाचा परिणाम स्टार प्रवाहच्या विद्यमान मालिकांच्या वेळापत्रकावरही होणार आहे. सध्या संध्याकाळी ६:३० वाजता प्रसारित होणारी ‘वचन दिले तू मला’ ही मालिका आता दुपारी १ वाजता दाखवली जाणार आहे. त्यामुळे दुपारच्या स्लॉटमध्ये सध्या सुरू असलेल्या ‘हळद रुसली कुंकू हसलं’ या मालिकेच्या भवितव्याबाबत चर्चा सुरू झाली आहे.
वाहिनीकडून याबाबत अद्याप अंतिम घोषणा करण्यात आलेली नसली, तरी ‘हळद रुसली कुंकू हसलं’ ही मालिका प्रेक्षकांचा निरोप घेऊ शकते किंवा तिची वेळ बदलून दुपारी ३ वाजताच्या स्लॉटमध्ये हलवली जाऊ शकते, अशी शक्यता व्यक्त केली जात आहे. त्यामुळे येत्या काही दिवसांत स्टार प्रवाहच्या कार्यक्रमांच्या वेळापत्रकात आणखी काही बदल होण्याची शक्यता नाकारता येत नाही.
हे पण वाचा .. तारिणी मध्ये मोठा ट्विस्ट! जेजेने खांडेकर कुटुंबात केली दमदार एन्ट्री; तारिणीच्या एका जबाबामुळे युवराज अडचणीत
दरम्यान, ‘आमच्या लाडक्या नाईक बाई’ या मालिकेच्या नव्या प्रसारण तारखेनंतर प्रेक्षकांची उत्सुकता आणखी वाढली आहे. ऐश्वर्या नारकर यांच्या पुनरागमनासह दमदार कलाकारांची फळी आणि भावनिक कथानकामुळे ही मालिका प्रेक्षकांची पसंती मिळवेल, अशी अपेक्षा व्यक्त केली जात आहे. आता १० ऑगस्टपासून ही नवी मालिका प्रेक्षकांचे किती मनोरंजन करते आणि टीआरपीच्या शर्यतीत किती यशस्वी ठरते, हे पाहणे महत्त्वाचे ठरणार आहे.
हे पण वाचा.. तारिणी मध्ये मानसी कुलकर्णीची दमदार एन्ट्री; टीमची नवी बॉस ‘JJ’ कोण, जाणून घ्या तिच्या भूमिकेबद्दल
