cannes 2026 ashok saraf nivedita saraf marathi culture red carpet : फ्रान्समध्ये सुरू असलेल्या “Cannes 2026” या प्रतिष्ठित फिल्म फेस्टिव्हलमध्ये यंदा मराठी कलाकारांनी खास छाप पाडली आहे. जागतिक स्तरावर चर्चेत असलेल्या या सोहळ्यात ज्येष्ठ अभिनेते अशोक सराफ आणि अभिनेत्री निवेदिता सराफ यांनी पारंपरिक मराठी संस्कृतीचं दर्शन घडवत रेड कार्पेटवर दमदार उपस्थिती नोंदवली. त्यांच्या मराठमोळ्या अंदाजाची सध्या सोशल मीडियावर जोरदार चर्चा रंगली आहे.
कान्सच्या रेड कार्पेटवर अनेक कलाकार ग्लॅमरस आणि वेस्टर्न लूकमध्ये दिसतात. मात्र अशोक सराफ आणि निवेदिता सराफ यांनी आपल्या संस्कृतीशी नाळ जपणारा साधा पण आकर्षक लूक निवडला. त्यामुळे भारतीय चाहत्यांसह परदेशी उपस्थितांचंही लक्ष त्यांच्याकडे वेधलं गेलं. मराठी कलाविश्वातील हे लोकप्रिय दाम्पत्य रेड कार्पेटवर येताच कॅमेऱ्यांची नजर त्यांच्यावर खिळून राहिली.
अशोक सराफ यांनी पांढऱ्या रंगाचा एलिगंट सूट आणि काळ्या रंगाची पँट असा साधा पण रुबाबदार पेहराव केला होता. त्यांच्या व्यक्तिमत्त्वाला साजेसा हा लूक चाहत्यांच्या पसंतीस उतरला. दुसरीकडे निवेदिता सराफ यांनी पारंपरिक पैठणी परिधान करत मराठमोळ्या सौंदर्याची झलक दाखवली. केसांमध्ये गजरा, पारंपरिक दागिने आणि आकर्षक साडीमुळे त्यांचा संपूर्ण लूक अधिक उठून दिसत होता.
मात्र या सगळ्यात सर्वाधिक चर्चेत राहिली ती अशोकमामांची एक खास कृती. रेड कार्पेटवर प्रवेश करताच त्यांनी उपस्थितांना हात जोडून नमस्कार केला. त्यांच्या या साध्या आणि विनम्र स्वभावाने अनेकांची मनं जिंकली. सोशल मीडियावरही त्यांच्या या संस्कारपूर्ण कृतीचं कौतुक होताना दिसत आहे. अनेक चाहत्यांनी “हीच खरी मराठी संस्कृती” अशा प्रतिक्रिया देत अभिमान व्यक्त केला.
“Cannes 2026” मध्ये यंदा मराठी कलाकारांची उपस्थिती विशेष ठरली आहे. अशोक सराफ आणि निवेदिता सराफ यांच्यासोबत अभिनेत्री प्राजक्ता माळी आणि सोशल मीडिया इन्फ्लुएंसर अंकिता वालावलकर हेदेखील या सोहळ्यात सहभागी झाले आहेत. प्राजक्ता माळीने नऊवारी साडीत रेड कार्पेटवर हजेरी लावत मराठमोळ्या परंपरेचं सुंदर प्रतिनिधित्व केलं. तिच्या पारंपरिक अंदाजाने चाहत्यांची मनं जिंकली.
हे पण वाचा.. हृता दुर्गुळेच्या सासूबाईंची ‘आनंदी’ मालिकेत एन्ट्री; साकारणार खलनायिकेची भूमिका!
cannes 2026 ashok saraf nivedita saraf marathi culture red carpet
तर ‘कोकण हार्टेड गर्ल’ म्हणून ओळखली जाणारी अंकिता वालावलकर हिनेही आपल्या लूकमधून कोकणातील संस्कृती आणि परंपरेची झलक दाखवली. जागतिक मंचावर मराठी संस्कृतीचा ठसा उमटवणाऱ्या या कलाकारांचं सध्या सर्वत्र कौतुक होत आहे.
हे पण वाचा.. राजा शिवाजी” पाहायचं राहून गेलं… अभिनेत्री दिशा परदेशीने वडिलांच्या आठवणींना दिला उजाळा
“Cannes 2026” मध्ये मराठी कलाकारांनी केलेली ही उपस्थिती केवळ फॅशनपुरती मर्यादित न राहता मराठी संस्कृतीचा अभिमान जगासमोर मांडणारी ठरली आहे. विशेषतः अशोक सराफ यांच्या साधेपणाने आणि नम्रतेने पुन्हा एकदा चाहत्यांची मनं जिंकून घेतली आहेत.
