sanai chaughade serial new entry anita date : ‘सनई चौघडे’ ही झी मराठीवरील मालिका अल्पावधीतच प्रेक्षकांच्या पसंतीस उतरली आहे. कौटुंबिक नातेसंबंध, प्रेम, संघर्ष आणि दोन वेगवेगळ्या कुटुंबांमधील विचारसरणी याभोवती फिरणारी ही कथा सध्या प्रेक्षकांमध्ये चांगलीच चर्चेत आहे. मालिकेतील प्रत्येक पात्राला प्रेक्षकांकडून भरभरून प्रतिसाद मिळत असून आता कथानकात आणखी एक मोठा ट्विस्ट येण्याची शक्यता निर्माण झाली आहे.
मालिकेत परब आणि खानोलकर अशी दोन कुटुंबे दाखवण्यात आली आहेत. परब कुटुंब हे साधं, मध्यमवर्गीय आणि संस्कारांना महत्त्व देणारं आहे. पमा आणि सुभाष परब आपल्या चार मुलींना चांगलं आयुष्य मिळावं यासाठी मेहनत घेताना दिसतात. दुसरीकडे खानोलकर कुटुंब हे श्रीमंत आणि उद्योगविश्वात नावाजलेलं आहे. तेजस्विनी खानोलकर ही प्रभावशाली व्यावसायिक महिला असून तिचा मोठा मुलगा जय व्यवसाय सांभाळतो. जय आपल्या कुटुंबासाठी समर्पित असला तरी त्याचा स्वभाव कठोर दाखवण्यात आला आहे.
सध्या मालिकेतील गौतम आणि असावरी यांच्या नात्यामुळे कथानक अधिक रंगतदार बनलं आहे. असावरीवर प्रेम करणारा गौतम तिचं दुसरीकडे लग्न ठरत असल्याने मानसिकदृष्ट्या खचलेला दिसत आहे. त्यांच्या प्रेमाची माहिती आता जय आणि शर्वरीलाही मिळाली असून पुढे काय घडणार याबाबत प्रेक्षकांची उत्सुकता वाढली आहे.
याचदरम्यान झी मराठीने सोशल मीडियावर शेअर केलेल्या एका नव्या प्रोमोने सर्वांचे लक्ष वेधून घेतले आहे. या व्हिडीओमध्ये एक साडी नेसलेली महिला जय खानोलकरच्या ऑफिसमध्ये येताना दिसते. तिचा चेहरा पूर्णपणे दाखवलेला नसला तरी तिची स्टाईल आणि व्यक्तिमत्त्व पाहून अनेकांनी अंदाज बांधायला सुरुवात केली आहे.
वाहिनीने या प्रोमोसोबत “झी मराठीवरील प्रेक्षकांची आवडती बिझनेस वुमन जय खानोलकरच्या भेटीला येत आहे” अशी कॅप्शन दिली आहे. त्यानंतर सोशल मीडियावर कमेंट्सचा अक्षरशः पाऊस पडला. अनेकांनी ही अभिनेत्री ‘माझ्या नवऱ्याची बायको’ मालिकेतील राधिका असल्याचा अंदाज व्यक्त केला आहे. काहींनी थेट अभिनेत्री अनिता दातेचं नाव घेतलं, तर काहींनी “राधिका मसालेवाले परत येतेय” अशा प्रतिक्रिया दिल्या.
हे पण वाचा.. मुरंबा मालिकेत मोठा ट्विस्ट! अक्षयसाठी रमा-रेवामध्ये झाली धक्कादायक डील, पुढे काय घडणार?
sanai chaughade serial new entry anita date
विशेष म्हणजे ‘माझ्या नवऱ्याची बायको’ या मालिकेतील राधिकाचं पात्र आजही प्रेक्षकांच्या लक्षात आहे. तिचं दमदार व्यक्तिमत्त्व आणि यशस्वी व्यावसायिक महिलेची भूमिका प्रचंड लोकप्रिय ठरली होती. त्यामुळे आता ‘सनई चौघडे’मध्ये तीच एन्ट्री घेणार का, याबाबत चाहत्यांमध्ये कमालीची उत्सुकता निर्माण झाली आहे.
हे पण वाचा.. १४ तास प्रसूती वेदना सहन केल्यानंतर झालं सीझर; ‘कमळी’ फेम सई कल्याणकरने सांगितला मातृत्वाचा भावनिक प्रवास
मात्र या नव्या पात्रामागे खरंच अनिता दाते आहे की वाहिनी आणखी एखादा मोठा सरप्राईज देणार आहे, हे आगामी भागांमध्ये स्पष्ट होणार आहे. सध्या तरी या प्रोमोमुळे ‘सनई चौघडे’ पुन्हा एकदा चर्चेच्या केंद्रस्थानी आली आहे.
