priyanka tendolkar tharala tar mag priya track update : ‘ठरलं तर मग’ ही स्टार प्रवाहवरील लोकप्रिय मालिका सध्या अतिशय रंजक टप्प्यावर पोहोचली आहे. गेली अनेक वर्ष प्रेक्षकांच्या पसंतीस उतरलेली ही मालिका आता मोठ्या वळणावर आली असून कथानकातील अनेक गुपितं एकामागोमाग उघड होताना दिसत आहेत. विशेष म्हणजे मालिकेतील प्रिया या पात्राभोवती सध्या मोठी चर्चा रंगली आहे. तिची कारस्थानं घरातील सदस्यांसमोर येऊ लागल्याने आता प्रिया मालिकेतून बाहेर पडणार का, असा प्रश्न चाहत्यांच्या मनात निर्माण झाला होता. अखेर यावर अभिनेत्री प्रियांका तेंडोलकरने स्वतः प्रतिक्रिया दिली आहे.
मालिकेच्या अलीकडील भागांमध्ये सायली आणि अर्जुन यांनी प्रियाच्या विरोधातील पुरावे शोधून काढण्यास सुरुवात केल्याचं दाखवण्यात आलं. अनेक वर्ष तन्वी असल्याचा बनाव करून प्रिया सुभेदार आणि किल्लेदार कुटुंबाला फसवत असल्याचं कथानकात दाखवण्यात आलं होतं. मात्र आता तिच्या प्रत्येक योजनेचं सत्य समोर येत असल्याने मालिकेतील वातावरण अधिकच तणावपूर्ण बनलं आहे. सायलीने तिच्या मैत्रिणींच्या मदतीने प्रियाविरोधात भक्कम पुरावे गोळा केले आणि तिचं खरं रूप घरच्यांसमोर आणण्यात यश मिळवलं.
या सर्व घडामोडींमुळे सोशल मीडियावरही प्रिया या पात्राबद्दल मोठ्या प्रमाणात चर्चा सुरू झाली. अनेक चाहत्यांनी मालिकेतून प्रिया हे पात्र काढू नये अशी विनंती केली. कारण मालिकेत नकारात्मक भूमिका असूनही प्रियाने कथानकाला वेगळी रंगत दिली आहे. तिच्या कारस्थानांमुळेच सायली आणि अर्जुन यांच्या पात्रांना अधिक प्रभावीपणे सादर करता आलं, असं मत प्रेक्षक व्यक्त करताना दिसत आहेत.
दरम्यान, प्रिया म्हणजेच अभिनेत्री प्रियांका तेंडोलकर हिने एका मुलाखतीत या चर्चांवर भाष्य केलं. तिने स्पष्ट सांगितलं की, प्रियाचा ट्रॅक संपत नाहीये. मालिकेत तिच्या पात्राला शिक्षा होणार असली तरी त्यानंतर कथानकात आणखी अनेक रंजक घडामोडी घडणार आहेत. प्रिया अजूनही अश्विन सुभेदारची पत्नी असल्याने तिचं पात्र इतक्यात संपणार नसल्याचंही तिने स्पष्ट केलं.
हे पण वाचा.. सनई चौघडे मालिकेमध्ये होणार अनिता दातेची एन्ट्री? झी मराठीच्या नव्या प्रोमोने वाढवली उत्सुकता
priyanka tendolkar tharala tar mag priya track update
प्रियांकाच्या या खुलाशानंतर चाहत्यांमध्ये पुन्हा उत्सुकता वाढली आहे. आगामी भागांमध्ये प्रियाला कोणती शिक्षा मिळणार आणि त्यानंतर ती कोणतं नवं पाऊल उचलणार, याकडे आता प्रेक्षकांचं लक्ष लागलं आहे. ‘ठरलं तर मग’च्या पुढील भागांमध्ये आणखी नाट्यमय ट्विस्ट पाहायला मिळणार असल्याची चर्चा सध्या चाहत्यांमध्ये रंगली आहे.
हे पण वाचा.. मुरंबा मालिकेत मोठा ट्विस्ट! अक्षयसाठी रमा-रेवामध्ये झाली धक्कादायक डील, पुढे काय घडणार?
