kamali kamini bet mahajan house big twist 10 days challenge : ‘कमळी’ मालिकेने सध्या प्रेक्षकांचे लक्ष वेधून घेतले आहे आणि येणारे काही भाग विशेषतः नाट्यमय ठरणार आहेत. कथानक आता अशा टप्प्यावर पोहोचले आहे जिथे प्रत्येक पात्राचे खरे रूप हळूहळू समोर येत आहे. विशेष म्हणजे, कमळी आणि कामिनी यांच्यातील संघर्ष आता उघडपणे समोर येणार असून, त्यातून मोठा ट्विस्ट निर्माण होणार आहे.
गेल्या काही दिवसांपासून अनिका निरागसपणाचा आव आणत कमळीला फसवत होती. तिच्या गोड बोलण्यामागे वेगळाच हेतू असल्याचे अखेर उघड झाले आहे. या सगळ्या घडामोडींमुळे कमळीवर कॉलेजमधून निलंबनाची वेळ आली होती. मात्र, हृषी आणि निंगीच्या मदतीने कमळीने संपूर्ण कटकारस्थानाचा पर्दाफाश केला आहे. अनिका आणि कामिनी मिळून कमळीला बदनाम करण्याचा डाव आखत असल्याचं स्पष्ट झाल्यावर कथेला वेगळंच वळण मिळालं आहे.
दरम्यान, महाजन कुटुंबाशी संबंधित एक मोठं गुपितही समोर येण्याच्या मार्गावर आहे. कमळी ही खरंतर महाजनांची नात असल्याचं सत्य फार थोड्या लोकांना माहीत आहे. अन्नपूर्णा आजींची तब्येत सुधारावी म्हणून राजनने हा सगळा प्लॅन आखला होता. पण आता हा प्लॅन कामिनी आणि तिच्या साथीदारांना समजल्यामुळे परिस्थिती अधिकच गंभीर बनली आहे.
कामिनीने कमळीसमोर थेट आव्हान उभं केलं आहे. पुढील १० दिवसांत ती कमळीचं सत्य सर्वांसमोर आणणार असल्याचा इशारा तिने दिला आहे. यावर कमळीनेही ठाम भूमिका घेतली असून, आजींच्या जीवासाठी ती काहीही करण्यास तयार असल्याचं स्पष्ट केलं आहे. या दोघींमध्ये आता सरळ पैज लागली आहे.
या पैजेचा निकाल काय लागणार, हे पाहणं उत्सुकतेचं ठरणार आहे. कामिनीचा उद्देश संपत्ती मिळवण्याचा आहे, तर कमळीचा हेतू फक्त कुटुंब वाचवण्याचा आहे. त्यामुळे या संघर्षात भावनिक आणि स्वार्थी अशा दोन भिन्न विचारांची टक्कर पाहायला मिळणार आहे.
हे पण वाचा.. Tharala Tar Mag : सायलीचा निर्धार ठाम! अर्जुनला निर्दोष सिद्ध करण्यासाठी उभी राहिली खंबीरपणे
kamali kamini bet mahajan house big twist 10 days challenge
यापुढे कमळीला महाजनांच्या घरातून बाहेर काढलं जाईल का? तिच्या आईशी तिची भेट होईल का? आणि सर्वात महत्त्वाचं म्हणजे, सत्य बाहेर आल्यानंतर कुटुंबाची प्रतिक्रिया काय असेल? या सर्व प्रश्नांची उत्तरं आगामी भागांत मिळणार आहेत.
हे पण वाचा.. ९ वर्षांचं नातं संपलं अन् आयुष्याने घेतला टर्न… बिग बॉसपूर्वी शिव ठाकरेच्या ब्रेकअपची कहाणी
प्रेक्षकांमध्येही या घडामोडींविषयी प्रचंड उत्सुकता निर्माण झाली असून, २० एप्रिल रोजी रात्री ९ वाजता प्रसारित होणारा विशेष भाग पाहण्यासाठी सगळेच आतुर झाले आहेत. ‘कमळी’ मालिकेत पुढे काय घडणार याकडे सध्या सगळ्यांचेच लक्ष लागले आहे.
