dnyanada ramtirthkar harshad atmaram wedding update : मराठी मनोरंजनविश्वात सध्या अभिनेत्री ज्ञानदा रामतीर्थकर हिच्या लग्नाची जोरदार चर्चा रंगताना दिसत आहे. छोट्या पडद्यावर आपल्या अभिनयाने प्रेक्षकांची मनं जिंकणारी ज्ञानदा आता तिच्या आयुष्यातील नव्या पर्वाची सुरुवात करण्यासाठी सज्ज झाली आहे. काही महिन्यांपूर्वी साखरपुड्याची आनंदाची बातमी चाहत्यांसोबत शेअर केल्यानंतर आता तिच्या घरी लग्नपूर्व विधींना सुरुवात झाली असून नुकताच पार पडलेला मेहंदी सोहळा विशेष चर्चेत आला आहे.
‘ठिपक्यांची रांगोळी’ या मालिकेमुळे घराघरात लोकप्रिय झालेल्या ज्ञानदाने सोशल मीडियावर तिच्या मेहंदी समारंभाचा सुंदर व्हिडीओ शेअर केला आहे. या व्हिडीओमध्ये अभिनेत्रीच्या चेहऱ्यावरचा आनंद आणि लग्नाबद्दलचा उत्साह स्पष्टपणे दिसून येतो. पारंपरिक आणि साध्या लूकमध्ये ज्ञानदा अत्यंत मोहक दिसत असून तिच्या हातावर सजलेली हर्षदच्या नावाची मेहंदी सर्वांचे लक्ष वेधून घेत आहे.
ज्ञानदाचा होणारा पती हर्षद आत्माराम हा व्यवसायाने सिनेमॅटोग्राफर आहे. अनेक वर्षांच्या मैत्रीनंतर त्यांचं नातं प्रेमात बदललं आणि आता हे दोघे कायमचे एकमेकांचे होणार आहेत. जवळपास सहा ते सात वर्षे रिलेशनशिपमध्ये राहिल्यानंतर त्यांनी लग्नाचा निर्णय घेतला. त्यांच्या प्रेमकथेची सुरुवात एका शॉर्टफिल्मच्या शूटिंगदरम्यान झाली होती. त्या वेळी हर्षद मुंबईत कायम राहत नव्हता. तो केवळ कामानिमित्त शहरात यायचा. मात्र त्याच्यासोबत वाढलेली ओळख आणि संवाद हळूहळू खास नात्यात बदलत गेला.
काळाच्या ओघात दोघांची मैत्री अधिक घट्ट झाली. २०१९ हे वर्ष त्यांच्या नात्यासाठी महत्त्वाचं ठरलं. एका मित्राच्या लग्नसमारंभात हर्षदने ज्ञानदासमोर आपल्या भावना व्यक्त केल्या आणि त्यानंतर त्यांच्या प्रेमकहाणीला नवं वळण मिळालं. तेव्हापासून हे दोघे कायम एकमेकांच्या साथीत दिसत आले आहेत.
हे पण वाचा.. स्वानंदीच्या मनात अखेर उमटलं प्रेम; समर-किमयाच्या जवळीकीने ‘वीण दोघांतली ही तुटेना’ मालिकेत भावनिक ट्विस्ट
dnyanada ramtirthkar harshad atmaram wedding update
सोशल मीडियावर कायम सक्रिय असलेली ज्ञानदा तिच्या वैयक्तिक आयुष्यातील खास क्षण चाहत्यांसोबत शेअर करत असते. मेहंदी समारंभानंतर आता चाहत्यांना तिच्या लग्नसोहळ्याची उत्सुकता लागली आहे. अभिनेत्रीच्या या नव्या प्रवासासाठी चाहत्यांकडून आणि कलाकारांकडून शुभेच्छांचा वर्षाव होताना दिसत आहे. मनोरंजनविश्वातील आणखी एका लोकप्रिय अभिनेत्रीच्या लग्नाची रंगलेली ही लगबग सध्या चर्चेचा विषय ठरत आहे.
हे पण वाचा.. महाराष्ट्राची हास्यजत्रा’चा हटके अंदाज; मेट गालालाही टक्कर देणारे कलाकारांचे लूक चर्चेत!
