anushka pimputkar after marriage family photos : ‘लक्ष्मी निवास’ मालिकेतून घराघरांत पोहोचलेला अभिनेता मेघन जाधव आणि अभिनेत्री Anushka Pimputkar हे गेल्या महिन्यात लग्नबंधनात अडकले. १६ नोव्हेंबरला अतिशय पारंपरिक आणि साध्या सोहळ्यात झालेल्या त्यांच्या लग्नाला लहान पडद्यावरील अनेक कलावंतांनी उपस्थित राहून दोघांवर शुभेच्छांचा वर्षाव केला होता. दोघांच्या चाहत्यांसाठी ही जोडी नेहमीच खास राहिली असून, आता विवाहित आयुष्यातील पहिली झलक स्वतः अनुष्काने दाखवली आहे.
लग्नानंतर काही दिवसांनीच जाधव कुटुंबात सत्यनारायण पूजेचं आयोजन करण्यात आलं. या पूजेदरम्यानचे सुंदर क्षण Anushka Pimputkar हिने नुकतेच इन्स्टाग्रामवर शेअर केले. हे फोटो विशेष ठरले कारण लग्नानंतर पहिल्यांदाच तिने आपल्या सासरच्या सर्व सदस्यांसोबतचे फोटो सार्वजनिक केले. फोटोंमध्ये तिचे सासू-सासरे, मेघनचा भाऊ मंदार जाधव, त्याची पत्नी, त्यांचा मुलगा आणि नवविवाहित जोडी—हे सर्व एकत्र दिसत आहेत. नवीन नवरी म्हणून अनुष्काने हिरव्या रंगाची पारंपरिक साडी, नथ आणि साधा दागिना परिधान केला असून तिच्या सौंदर्यात नववधूचा तेज स्पष्ट जाणवत आहे.
मेघन आणि अनुष्का यांची प्रेमकहाणीही तितकीच गोड आहे. ‘रंग माझा वेगळा’ मालिकेच्या चित्रीकरणादरम्यान त्यांची ओळख झाली आणि हळूहळू ही ओळख प्रेमात बदलली. तब्बल अडीच वर्षांच्या रिलेशनशिपनंतर दोघांनी लग्नाचा निर्णय घेतला. काही आठवड्यांपूर्वीच दोघांनी सोशल मीडियावर प्रेमाची खुली कबुली देत एकत्र फोटो शेअर केले होते, आणि तेव्हापासूनच चाहत्यांकडून दोघांवर शुभेच्छांचा वर्षाव सुरू झाला.
लग्नाआधी ‘लक्ष्मी निवास’ मालिकेच्या टीमनेही त्यांचे केळवण केले होते. मालिकेतील संपूर्ण कलाकारवर्ग या प्रसंगी उपस्थित होता. अनुष्का आणि मेघन यांनी त्या क्षणांचे व्हिडीओ आणि फोटो शेअर करत चाहत्यांना आपल्या आनंदात सहभागी करून घेतले होते.
हे पण वाचा.. लक्ष्मीच्या पाऊलांनी मध्ये मोठा उलगडा! अद्वैतला कळलं कलाच्या मृत्यूचं खरं कारण
दरम्यान, मेघन जाधव सध्या ‘लक्ष्मी निवास’ मालिकेत खलनायकाची भूमिका साकारत असून त्याच्या अभिनयाला मोठ्या प्रमाणावर प्रेक्षकांचा प्रतिसाद मिळत आहे. अशातच Anushka Pimputkar हिने शेअर केलेले नवीन फोटो पाहून चाहत्यांना दोघांच्या नव्या आयुष्याची गोड झलक मिळाली आहे.
हे पण वाचा.. प्राजक्ता गायकवाडचा रॉयल विवाहसोहळा चर्चेत; शंभुराजसोबत नव्या आयुष्याची सुंदर सुरुवात!
