kamali malika aaji santap kamali baher kadhli : कमळी या लोकप्रिय मालिकेत सध्या कथा अत्यंत नाट्यमय टप्प्यावर येऊन पोहोचली आहे. प्रेक्षकांच्या उत्सुकतेला शिगेला पोहोचवणारा एक धक्कादायक प्रोमो नुकताच समोर आला असून, त्यात कमळीच्या आयुष्यात मोठं वादळ येणार असल्याचं स्पष्ट दिसत आहे.
कथानकानुसार, कमळीच्या भोवती फिरणारे खोटेपणाचे जाळं आता उलगडण्याच्या मार्गावर आहे. अनिका, कामिनी आणि रागिणी या तिघी मिळून कमळीविरोधात कट रचतात. कमळी महाजन कुटुंबातील मोठी नात असल्याचं नाटक करतेय, असा आरोप त्या अन्नपूर्णा आजीसमोर करतात. या सगळ्या प्रकरणात राजनही स्वतःची चूक मान्य करतो, ज्यामुळे परिस्थिती अधिकच गंभीर बनते.
या घडामोडींमुळे अन्नपूर्णा आजी पूर्णपणे हादरते. ती थेट कमळीला तिच्या ओळखीबाबत प्रश्न विचारते. मात्र, कमळी तिच्या तोंडून नकारार्थी उत्तर देते आणि त्यानंतर आजीचा संताप अनावर होतो. भावनिक क्षणात आजी कमळीला चापट मारते, हा प्रसंग प्रोमोमध्ये पाहायला मिळतो. यानंतर अनिका कमळीला घराबाहेर काढते, ज्यामुळे प्रेक्षकांना मोठा धक्का बसला आहे.
खरंतर, कमळी हीच अन्नपूर्णाची खरी नात आहे, पण हे सत्य फार कमी लोकांना माहीत आहे. कमळीच्या आईने तिच्या सुरक्षिततेसाठी ही गोष्ट लपवून ठेवली होती. मात्र, त्याच गुपिताचा आता कमळीला फटका बसताना दिसतोय.
या संपूर्ण घडामोडींवर प्रेक्षकांनी सोशल मीडियावर तीव्र प्रतिक्रिया दिल्या आहेत. अनेकांनी मालिकेत दाखवलेलं कथानक वास्तवापासून दूर असल्याचं सांगत नाराजी व्यक्त केली आहे. “खरं सत्य लवकर दाखवा”, “कमळीच खरी नात आहे, हे कधी समजणार?” अशा प्रतिक्रिया मोठ्या प्रमाणावर उमटताना दिसत आहेत.
हे पण वाचा.. शिव ठाकरेचा विशाल कोटियनला जोरदार सपोर्ट; चाहत्यांना केलं खास आवाहन
kamali malika aaji santap kamali baher kadhli
दरम्यान, पुढील भागांमध्ये हे सत्य नेमकं कसं आणि केव्हा समोर येणार, याकडे सर्वांचे लक्ष लागले आहे. महाजन कुटुंबाने कमळीला घराबाहेर काढल्याची बातमी तिच्या आईपर्यंत पोहोचल्यावर काय होणार, हे पाहणंही रंजक ठरणार आहे.
हे पण वाचा.. लग्नानंतर होईलच प्रेम : मानिनीचे 2 गर्भपात, नंदिनीचा जबरदस्त कॉन्फिडन्स पाहून वसू आत्याची जळफळाट!
एकंदरीत, “कमळी” मालिकेतील हा ट्रॅक प्रेक्षकांच्या भावनांना हात घालणारा ठरत असून, पुढील भागांमध्ये आणखी मोठे ट्विस्ट पाहायला मिळणार आहेत.
