vishal nikam love life hint latest updates : छोट्या पडद्यावरील लोकप्रिय अभिनेता विशाल निकम (Vishal Nikam) सध्या ‘स्टार प्रवाह’वरील येड लागलं प्रेमाचं या मालिकेतील आपल्या रायाच्या भूमिकेमुळे प्रेक्षकांच्या विशेष पसंतीस उतरला आहे. मालिकेत राय आणि मंजिरीचा सुरु असलेला प्रेमप्रवास घराघरात पोहोचत असताना, नुकत्याच दिलेल्या एका मुलाखतीत विशाल निकम ने मात्र आपल्या खऱ्या आयुष्यातील प्रेमाबद्दल केलेला उल्लेख सध्या चर्चेचा विषय ठरत आहे.
मालिकेतील त्याचा सहकलाकार पूजा बिरारीसोबत विशाल निकम आणि पूजा यांनी काही दिवसांपूर्वी एकत्र मुलाखत दिली. त्यामध्ये चित्रिकरणापासून प्रवासापर्यंत अनेक मजेदार गोष्टींवर चर्चा झाली. याच दरम्यान विशाल निकम ला त्याच्या वास्तविक आयुष्यातील ‘मंजिरी’बद्दल, म्हणजेच त्याची प्रेयसी कोण आणि नातं कसं सुरू झालं याबद्दल विचारण्यात आलं. या प्रश्नावर विशाल निकम ने दिलेली प्रतिक्रिया चाहत्यांना भलतीच उत्सुकता लावणारी ठरली.
अभिनेता म्हणाला, “आमच्यामध्ये सगळं अगदी सहज जुळून आलं. कोणतीही घाई नाही, कोणताही ताण नाही… सगळ्या गोष्टी अगदी नैसर्गिकरीत्या घडत गेल्या. वरूनच कदाचित साता जन्माच्या गाठी बांधल्या असाव्यात.” त्याच्या या वक्तव्यामुळे चाहत्यांमध्ये चर्चा आणखी रंगू लागल्या आहेत.
सोशल मीडियावर विशाल निकम अनेकदा अभिनेत्री अक्षया हिंदलकरसोबतचे फोटो आणि व्हिडिओ शेअर करताना दिसतो. दोघांनी ‘साता जन्माच्या गाठी’ या मालिकेत एकत्र काम केले असल्याने त्यांच्यात काहीतरी सुरू असल्याच्या चर्चा आधीपासूनच रंगत होत्या. विशाल ने मात्र कधीही थेटरीत्या काहीही जाहीर केलेलं नसल्यामुळे उत्सुकता अधिकच वाढलेली आहे.
दुसरीकडे मालिकेतील मंजिरीची भूमिका साकारणारी पूजा बिरारीही स्वतःच्या वैयक्तिक आयुष्यामुळे चर्चेत आहे. सोहम बांदेकरसोबत तिच्या लग्नाच्या चर्चांना उधाण आलं असून गणपती उत्सवात सोहमच्या घरी तिची उपस्थिती लक्षणीय ठरली होती. यावरही विशाल निकम ने मुलाखतीदरम्यान हलक्याफुलक्या शैलीत प्रतिक्रिया दिली.
राया आणि मंजिरीची ऑनस्क्रीन केमिस्ट्री प्रेक्षकांना भावत असली तरी दोघांचं वैयक्तिक आयुष्यही तितकंच प्रकाशझोतात आहे. त्यांच्या या नैसर्गिक अभिनयाची आणि साधेपणाची लोकप्रियता दिवसेंदिवस वाढत आहे. मालिकेतून पहिल्यांदाच एकत्र काम करणारे Vishal आणि पूजा हे दोघेही मराठी मालिकांच्या विश्वातील महत्त्वाचे चेहरे बनले आहेत.
हे पण वाचा.. तुला जपनार आहे मालिकेत मंजिरीच्या अंधकारमय योजनेत वेदाचा जीव धोक्यात!
विशाल निकम कडून मिळालेल्या या प्रेमजीवनातील संकेतांमुळे चाहत्यांची उत्सुकता आणखी प्रचंड वाढली असून पुढे तो कोणाबद्दल अधिक खुलेपणाने बोलतो का, याकडे सर्वांचे लक्ष लागलेले आहे.
हे पण वाचा.. मला माझीच साथ जास्त आवडते – मुक्ता बर्वेचं मनमोकळं वक्तव्य चर्चेत
