vallari viraj daily diet routine no eating after 7 fitness secret : मराठी टेलिव्हिजन इंडस्ट्रीमध्ये अभिनयासोबत फिटनेस आणि सौंदर्यामुळे चर्चेत असणाऱ्या अभिनेत्रींपैकी एक म्हणजे वल्लरी विराज. आपल्या साध्या पण शिस्तबद्ध जीवनशैलीमुळे ती अनेकांसाठी प्रेरणास्थान ठरते आहे. नुकत्याच दिलेल्या एका मुलाखतीत तिने तिच्या दैनंदिन दिनचर्येबद्दल आणि आहारशैलीबद्दल सविस्तर माहिती दिली, जी सध्या चर्चेचा विषय ठरत आहे
शूटिंगचे अनियमित तास आणि सततचा व्यस्त दिनक्रम असूनही वल्लरी तिच्या आरोग्याकडे विशेष लक्ष देते. दिवसाची सुरुवात ती हेल्दी ड्रिंकने करते. सकाळी उठल्यावर बीट, गाजर आणि डाळिंबाचा ताजा ज्यूस पिणे हा तिच्या दिनक्रमाचा महत्त्वाचा भाग आहे. हा ज्यूस शरीराला आवश्यक पोषण देतो आणि दिवसाची ऊर्जा टिकवून ठेवण्यास मदत करतो. त्याचबरोबर ती गरम पाणी पिण्याची सवयही पाळते, जी सकाळी आणि रात्री झोपण्यापूर्वीही कायम असते.
व्यायामानंतर तिचा नाश्ता प्रोटीनयुक्त असतो. अंडी, ऑम्लेट किंवा हाफ फ्राय यांसारख्या पदार्थांसोबत ती कधीकधी अव्हाकाडो टोस्ट किंवा सँडविच खाते. फळांमध्ये केळ तिचं विशेष आवडतं असल्याचं ती सांगते. सकाळचा नाश्ता तिच्यासाठी अत्यंत महत्त्वाचा आहे, कारण ती संध्याकाळी ७ नंतर काहीच खात नाही. त्यामुळे दिवसाची सुरुवात भरपूर आणि पौष्टिक अन्नाने करण्यावर तिचा भर असतो.
हे पण वाचा.. “खुशबू तावडे”ने लेक राधीसोबत शेअर केले गोड फोटो; ‘जस्ट टू गर्ल्स’ कॅप्शनची चर्चा
शूटिंगदरम्यानही ती तिच्या आहारात संतुलन राखते. सकाळच्या नाश्त्यानंतर काही वेळाने भूक लागल्यास ती ड्रायफ्रुट्स, कुकीज किंवा एखादं फळ खाते. दुपारच्या जेवणात भाजी, भाकरी, दही आणि सॅलड असं संतुलित जेवण असतं. दही हा तिच्या जेवणाचा अविभाज्य भाग आहे. प्रोटीनसाठी ती अंडी किंवा चिकनचा समावेश करते.
दुपारी किंवा संध्याकाळच्या सुमारास ती ब्लॅक कॉफी किंवा डार्क चॉकलेट घेते. मात्र, तिच्या दिनचर्येतील सर्वात महत्त्वाचा नियम म्हणजे संध्याकाळी ७ वाजेपर्यंतच जेवण संपवणे. त्या वेळी ती थालीपीठ, पराठे किंवा ज्वारीचे पदार्थ खाते. ७ नंतर ती कोणताही घन पदार्थ घेत नाही, फक्त गरम पाणी पिते.
हे पण वाचा.. रुमानी खरे – स्तवन शिंदे यांच्या लग्नाचे ‘Unseen’ फोटो समोर; श्रेया डफळापूरकरने शेअर केले खास क्षण
vallari viraj daily diet routine no eating after 7 fitness secret
वल्लरीचा हा शिस्तबद्ध आहार आणि नियमित दिनक्रम तिच्या फिटनेसचं रहस्य आहे. व्यस्त जीवनशैलीतही आरोग्याची काळजी कशी घ्यावी, याचं उत्तम उदाहरण तिच्या या सवयींमधून दिसून येतं. त्यामुळेच ती आज अनेक तरुणांसाठी फिटनेस आयकॉन बनली आहे.
