झी मराठीवरील लोकप्रिय मालिका ठरलं तर मग सातत्याने प्रेक्षकांच्या मनाचा ठाव घेत आहे. रोजच्या भागांमध्ये प्रेक्षकांना वेगवेगळे ट्विस्ट पाहायला मिळत आहेत. विशेषतः Tharala Tar Mag 27 September चा भाग अनेक रहस्यांचा उलगडा करणारा ठरणार आहे. आतापर्यंत प्रिया फक्त खोटं बोलणारी, लोकांना गुंगारा देणारी अशी दाखवली गेली होती. मात्र या भागानंतर तिच्या आयुष्याचं आणखी काळं सत्य समोर येणार असल्याचं स्पष्ट होत आहे.
भागाच्या सुरुवातीला अस्मिता आणि कल्पना अर्जुन-सायलीच्या खोलीत नकळत पोहोचतात. सायलीला डोहाळे लागलेत असा गैरसमज त्यांच्या मनात होतो. खरंतर, सायलीने अर्जुनला चिंच-बोरं मागितल्याने हा गैरसमज होतो. अस्मिता आणि कल्पनाचा हा किस्सा थोडासा हलकाफुलका रंग भरतो, पण पुढे कथानक पूर्णपणे गंभीर होतं.
दुसरीकडे प्रिया मात्र स्वतःच्या डावपेचात गुंतलेली आहे. नागराज खरंच तिच्या बाजूला आहे की महिपतशी हातमिळवणी करत आहे, याबद्दल ती गोंधळलेली आहे. प्रियाला वाटतं, नागराजने तिची मदत का केली? त्याच्या वागण्यावरून तिला शंका येते की तो महिपतसोबत हातमिळवणी करून काहीतरी खेळी करत आहे.
याच दरम्यान महिपत पाटील एका हवालदाराला लाच देतो. उद्देश एकच – प्रियाच्या बालपणाचा मागोवा घेणं. 20-25 वर्षांपूर्वी हरवलेल्या मुलींच्या तक्रारींचा तपास करण्याची जबाबदारी तो त्या हवालदाराला देतो. अर्जुनलाही याच तपासात रस असतो, कारण त्याला असं वाटतं की, प्रियाचा खरा भूतकाळ सायलीशी निगडीत आहे. Tharala Tar Mag 27 September.
सावंत इन्स्पेक्टर अर्जुनला मदत करण्यासाठी पुढाकार घेतो. तोही हवालदाराला एका लहान मुलीचा फोटो देतो आणि तपास करण्यास सांगतो. हवालदाराच्या हातात आलेले दोन्ही फोटो एकाच मुलीचे असतात, हे पाहून तो चकित होतो. तपासादरम्यान त्याला प्रियाविरोधात बालपणी झालेल्या चोरीच्या तक्रारीचे दस्तऐवज सापडतात. म्हणजेच प्रियाने लहानपणी चोरी केली होती किंवा चोरीच्या टोळीशी तिचा संबंध होता.
याच वेळी दुसरा हवालदार सांगतो की, काही वर्षांपूर्वी एक बाई लहान मुलांना चोरीसाठी वापरत असे. कदाचित प्रिया देखील त्या टोळीसोबत होती. ही माहिती महिपतपर्यंत पोहोचते, पण अर्जुन आणि सावंत यांच्यापासून तो ती गोष्ट लपवतो. मात्र हवालदाराच्या हातातून फाईल पडते आणि प्रियाच्या भूतकाळाचा पुरावा खाली येतो.
या सर्व घडामोडींमुळे मालिकेत पुढील भागांमध्ये खळबळ उडणार हे निश्चित आहे. प्रियाचा खरा चेहरा समोर आल्यानंतर तिचं रहस्य महिपत आणि अर्जुनसमोर उघड होईल का, हा प्रश्न प्रेक्षकांना पडला आहे. प्रतिमाशी तिचा खरा नातेसंबंध काय आहे, आणि तिचे आईवडील कोण हे रहस्य अखेर उलगडणार का, याची उत्सुकता अधिकच वाढली आहे.
Tharala Tar Mag 27 September चा हा भाग पाहून प्रेक्षकांना निश्चितच धक्का बसेल. प्रियाचं खोटं, तिचे कारस्थान आणि आता समोर येणारा चोरीचा आरोप – या सगळ्यामुळे कथानकात जबरदस्त रंगत येणार आहे.
