Gaurav Chavan 
स्टार प्रवाहवरील “ठरलं तर मग” ( Tharala Tar Mag ) ही मालिका गेल्या दोन वर्षांपासून प्रेक्षकांच्या मनात स्थान मिळवत आहे. या मालिकेने टीआरपीचे उच्चांक गाठत लोकप्रियतेचा नवा इतिहास रचला आहे. उत्कृष्ट कथा आणि दमदार कलाकारांच्या सशक्त अभिनयामुळे ही मालिका सतत चर्चेत राहिली आहे. मुख्य भूमिकेत असलेल्या सायली आणि अर्जुनप्रमाणेच मालिकेतील इतर पात्रांनीही प्रेक्षकांची मने जिंकली आहेत. विशेष म्हणजे सायलीची सासू कल्पना सुभेदार हिच्या भूमिकेसाठी अभिनेत्री प्राजक्ता कुलकर्णीला ‘वर्ल्ड बेस्ट मम्मा’ हा पुरस्कार मिळाला असून, तिच्या या यशाची चर्चा सध्या सोशल मीडियावर मोठ्या प्रमाणात होत आहे.
Table of Contents
Abhijit Amkar gf “तू ही रे माझा मितवा” फेम अर्णवच्या आयुष्यातील खरी मितवा कोण?
कल्पनाच्या भूमिकेला मिळाला मोठा सन्मान
अभिनेत्री प्राजक्ता कुलकर्णीने तिच्या सोशल मीडिया अकाउंटवर या विशेष पुरस्काराची झलक शेअर करत आपल्या भावना व्यक्त केल्या आहेत. तिने पोस्टमध्ये लिहिले की, “प्रत्येक ट्रॉफी नव्या ऊर्जा देणारी असते! पण जेव्हा ती आपल्या लोकांकडून मिळते, तेव्हा त्याचा आनंद काही वेगळाच असतो. ‘कल्पना’ या भूमिकेसाठी मिळालेली ही पहिली ट्रॉफी आहे आणि ती माझ्यासाठी खूप खास आहे!” ( Tharala Tar Mag )
तिने पुढे चाहत्यांचे आभार मानत सांगितले की, “प्रत्येक कलाकार आपापल्या परीने मनापासून काम करतो. पण जेव्हा प्रेक्षक केवळ चाहत्यांपुरते मर्यादित न राहता ‘हितचिंतक’ बनतात, तेव्हा असे गोड क्षण घडतात. ही प्रेमाची ऊर्जाच मला उत्तम काम करण्यास प्रेरित करत राहील.”
मालिकेत नवे वळण – प्रियाच्या एन्ट्रीने वाढला सायलीचा संघर्ष Tharala Tar Mag
“ठरलं तर मग” ( Tharala Tar Mag ) मालिकेत सध्या नाट्यमय ट्विस्ट पाहायला मिळत आहे. नुकतेच सुभेदार कुटुंबाने प्रिया आणि अश्विनचे लग्न लावून दिले, ज्याला प्रतिमानेही पाठिंबा दिला. मात्र, या सर्व घडामोडींमध्ये सायलीला पूर्णतः अंधारात ठेवण्यात आले होते, त्यामुळे तिच्यासाठी हा मोठा धक्का ठरला.
लग्नानंतर प्रियाची सुभेदारांच्या घरात एन्ट्री झाली असून, तिच्या आगमनाने सायलीच्या आयुष्यात नव्या अडचणी निर्माण होऊ लागल्या आहेत. आता प्रिया घरात राहून महिपतला गुप्त माहिती पुरवण्याचे काम करत आहे, ज्यामुळे सायली आणि अर्जुनच्या नात्यात दुरावा निर्माण होण्याची शक्यता आहे. त्याचवेळी मधुभाऊंना प्रियाविषयी शंका येऊ लागली आहे – ती खरंच प्रतिमाची मुलगी आहे का? या प्रश्नावर येत्या भागांमध्ये मोठा खुलासा होण्याची शक्यता आहे.
प्राजक्ता कुलकर्णीचा दमदार अभिनय प्रवास
अभिनेत्री प्राजक्ता कुलकर्णी ही मराठी मनोरंजनसृष्टीतील प्रसिद्ध नाव आहे. तिने आपल्या अभिनय कारकिर्दीत अनेक दमदार भूमिका साकारल्या आहेत. तिने लक्ष्मीकांत बेर्डेसोबत “धडाकेबाज” चित्रपटात महत्त्वपूर्ण भूमिका निभावली होती. तसेच, “दामिनी”, “आग”, “पोर बाजार” यांसारख्या चित्रपटांतही तिने आपली छाप सोडली आहे.
प्राजक्ताच्या अभिनय कौशल्यामुळे तिने मालिकेत कल्पनाच्या भूमिकेला वेगळा आयाम दिला आहे. या भूमिकेमुळे तिला प्रेक्षकांकडून आणि समीक्षकांकडूनही मोठ्या प्रमाणावर कौतुक मिळत आहे. त्यामुळे, आगामी भागांमध्ये कल्पनाच्या व्यक्तिरेखेत आणखी काय ट्विस्ट पाहायला मिळतो, हे पाहणे उत्सुकतेचे ठरणार आहे.
“ठरलं तर मग” ( Tharala Tar Mag ) मालिकेतील पुढील घडामोडींसाठी प्रेक्षक उत्सुक असून, प्रियाच्या आगमनानंतर सायलीला कोणत्या नव्या अडचणींचा सामना करावा लागणार, याची उत्कंठा सर्वांना लागली आहे.
