sanjay dutt afzal khan look scared disha paradeshi on raja shivaji set : रितेश देशमुख दिग्दर्शित आणि अभिनित “राजा शिवाजी” हा चित्रपट सध्या प्रेक्षकांच्या पसंतीस उतरला असून बॉक्स ऑफिसवरही दमदार कमाई करताना दिसत आहे. अवघ्या काही दिवसांत चित्रपटाने ५० कोटी रुपयांचा टप्पा पार केल्याने संपूर्ण टीम आनंदात आहे. ऐतिहासिक विषय, भव्य सादरीकरण आणि कलाकारांच्या प्रभावी अभिनयामुळे या चित्रपटाची जोरदार चर्चा रंगली आहे. विशेष म्हणजे, चित्रपटातील कलाकारांच्या अभिनयाचंही प्रेक्षकांकडून मोठं कौतुक होत आहे.
या चित्रपटात अफजलखानच्या बेगमची भूमिका साकारणारी अभिनेत्री दिशा परदेशी सध्या चर्चेत आली आहे. नुकत्याच दिलेल्या मुलाखतीत तिने चित्रपटाच्या शूटिंगदरम्यानचे काही खास अनुभव सांगितले. विशेषतः अभिनेता संजय दत्त यांच्यासोबत काम करतानाचे क्षण तिच्यासाठी संस्मरणीय ठरल्याचं तिने नमूद केलं.
दिशाच्या म्हणण्यानुसार, संजय dत्त सेटवर अत्यंत शांत आणि संयमी स्वभावाचे असतात. ते आपलं काम पूर्ण एकाग्रतेने करतात आणि शॉट संपल्यानंतर शांतपणे बाजूला जाऊन बसतात. अभिनय करताना एखादी गोष्ट सुधारण्याची गरज भासल्यास ते समोरच्या कलाकाराला अतिशय प्रेमाने मार्गदर्शन करतात. “ते मला नेहमी ‘बेटा’ म्हणत समजावून सांगायचे. त्यामुळे त्यांच्यासोबत काम करताना खूप काही शिकायला मिळालं,” असं दिशाने सांगितलं.
मात्र, चित्रपटासाठी तयार करण्यात आलेला त्यांचा ‘अफजलखान’ अवतार पाहिल्यानंतर आपण अक्षरशः घाबरल्याचंही तिने कबूल केलं. संजय दत्त यांचा दमदार लूक, त्यांची देहबोली आणि पडद्यावरची उपस्थिती इतकी प्रभावी होती की त्यांच्या समोर उभं राहतानाही भीती वाटत होती, असं दिशा म्हणाली.
चित्रपटातील एका महत्त्वाच्या दृश्याबद्दल बोलताना दिशाने आणखी एक अनुभव शेअर केला. एका सीनमध्ये अफजलखान तिच्या पात्राचा गळा दाबतो. हा प्रसंग अधिक वास्तववादी वाटावा यासाठी शूटिंगदरम्यान संजय दत्त यांनी खऱ्यासारखाच गळा दाबल्याचं तिने सांगितलं. मात्र शॉट पूर्ण होताच त्यांनी लगेच तिची विचारपूस केली आणि माफीही मागितली. त्यांच्या नम्र आणि संवेदनशील स्वभावामुळे आपण प्रभावित झाल्याचं दिशाने स्पष्ट केलं.
हे पण वाचा.. राकेश बापट–तेजश्री प्रधान लग्न..?; अभिनेता आणि कुटुंबाचा मोठा खुलासा
sanjay dutt afzal khan look scared disha paradeshi on raja shivaji set
तिने चित्रपटातील स्वतःच्या मृत्यूच्या दृश्याबद्दलही खुलासा केला. हा सीन करताना कोणत्याही प्रकारचा डुप्लिकेट कलाकार, VFX किंवा AI तंत्रज्ञानाचा आधार घेण्यात आला नाही. संपूर्ण दृश्य नैसर्गिक पद्धतीने चित्रित करण्यात आलं. दिग्दर्शक रितेश देशमुख यांनी दाखवलेल्या विश्वासामुळे कठीण प्रसंगही सहज साकारता आले, असं ती म्हणाली.
हे पण वाचा.. दीपज्योती मालिकेत सुलु आत्याची वधू परीक्षा; प्रीतीवर एकामागोमाग एक कठीण कसोट्या!
“राजा शिवाजी”मध्ये कलाकारांची मोठी फौज पाहायला मिळते. रितेश देशमुख यांनी छत्रपती शिवाजी महाराजांची भूमिका साकारली आहे, तर जिनिलीया देशमुख राणी सईबाईंच्या भूमिकेत दिसत आहे. संजय दत्त यांनी अफजलखान साकारला असून विद्या बालन, भाग्यश्री, अभिषेक बच्चन, बोमन इराणी, अमोल गुप्ते, फरदीन खान, जितेंद्र जोशी आणि सचिन खेडेकर यांच्याही महत्त्वपूर्ण भूमिका चित्रपटात आहेत. ऐतिहासिक कथानक आणि भव्य मांडणीमुळे “राजा शिवाजी” प्रेक्षकांच्या पसंतीस उतरताना दिसत आहे.
