richa gaikwad advice to girls on dignity : मराठी टेलिव्हिजनवर आपल्या दमदार अभिनयाने प्रेक्षकांची मने जिंकणारी ऋचा गायकवाड (richa gaikwad) पुन्हा एकदा चर्चेत आली आहे. अभिनयासोबतच सोशल मीडियावर ती सातत्याने सक्रिय राहते आणि आपल्या विचारांमधून चाहत्यांपर्यंत सकारात्मक संदेश पोहोचवते. नुकत्याच तिने शेअर केलेल्या रीलमध्ये ऋचाने महिलांच्या कपड्यांच्या निवडीबद्दल बोलत एक मोलाचा सल्ला दिला असून तो सध्या सोशल मीडियावर चर्चेचा विषय ठरला आहे.
या रीलमध्ये ऋचा म्हणताना दिसते, “तुला जे घालायचंय ते घाल, पण जेव्हा तू बाहेर पडतेस आणि लोक तुझ्याकडे बघतात, तेव्हा तुला कसं वाटतं हे स्वतःला विचार.” ती पुढे सांगते, “आपल्याला जेव्हा लोक आपल्या डोळ्यांकडे किंवा चेहऱ्याकडे पाहतात तेव्हा ते चांगलं वाटतं, पण जेव्हा कुणी अस्वस्थपणे बघतं तेव्हा आपणच अस्वस्थ होतो. त्यामुळे कपडे काहीही असले तरी, त्यातून आपली डिग्निटी टिकून राहिली पाहिजे.”
ऋचाने पुढे सांगितले की, “आपण लोकांना दोष देतो, पण त्याचवेळी आपणही आपल्या वर्तनाची आणि पोशाखाची जबाबदारी घेतली पाहिजे. कारण डिग्निटी ही फक्त इतरांसाठी नाही, तर ती आपल्या स्वतःसाठी असते.” तिच्या या विचारांनी अनेकांना विचार करायला भाग पाडले आहे.
या रीलवर नेटिझन्सकडून विविध प्रतिक्रिया उमटताना दिसत आहेत. अनेकांनी ऋचाच्या प्रगल्भ विचारांचं कौतुक केलं आहे. काहींनी तिच्या धैर्याचं आणि प्रामाणिक दृष्टिकोनाचंही कौतुक करत “आजच्या मुलींना असाच दृष्टिकोन हवा” अशा प्रतिक्रिया दिल्या आहेत.
अभिनयाच्या क्षेत्रात ऋचाने स्वतःची वेगळी ओळख निर्माण केली आहे. ‘शेतकरीच नवरा हवा’ या मालिकेतून ती प्रत्येक घराघरात पोहोचली आणि तिच्या अभिनयाचं भरभरून कौतुक झालं. त्यानंतर ‘छोट्या बयोची मोठी स्वप्न’मध्ये ती एका महत्त्वपूर्ण भूमिकेत झळकली होती. सध्या ती झी मराठीवरील लोकप्रिय मालिकेत ‘तुला जपणार आहे’मध्ये खलनायिकेच्या भूमिकेत दिसत आहे आणि प्रेक्षकांचं लक्ष वेधून घेत आहे.
हे पण वाचा.. धक्कादायक ट्विस्ट! ‘ठरलं तर मग’ मालिकेत मधुभाऊ उघड करणार सायलीच्या भूतकाळाचं सत्य
असं म्हणता येईल की, ऋचा गायकवाड केवळ अभिनेत्री म्हणून नव्हे, तर एक विचारशील व्यक्तिमत्त्व म्हणूनही प्रेक्षकांच्या मनात स्थान मिळवत आहे. तिचा हा ड्रेसिंगबद्दलचा संदेश आजच्या तरुण पिढीसाठी प्रेरणादायी ठरतो आहे.
हे पण वाचा.. लग्नानंतर होईलच प्रेम फेम अनुष्का पिंपुटकर लग्नबंधनात अडकणार; फक्त ६ दिवस शिल्लक, Bride To Be पार्टीचे फोटो व्हायरल
