rahul vaidya and disha parmar navyacha vadhdivas celebration social media viral : राहुल वैद्य आणि दिशा परमार ही लोकप्रिय जोडी नेहमीच चर्चेत असते. छोट्या पडद्यावरून प्रेक्षकांच्या मनावर राज्य करणारी दिशा आणि गोड आवाजाने नावाजलेला गायक राहुल, सोशल मीडियावर आपले वैयक्तिक क्षण चाहत्यांसोबत शेअर करत असतात. नुकतेच या दांपत्याने आपल्या लेकी नव्या वैद्यचा दुसरा वाढदिवस मोठ्या उत्साहात साजरा केला.
२० सप्टेंबर रोजी नव्या दोन वर्षांची झाली. या निमित्ताने आयोजित केलेल्या खास सेलिब्रेशनचे फोटो राहुल आणि दिशाने त्यांच्या इंस्टाग्रामवर शेअर करताच ते क्षण सोशल मीडियावर तुफान व्हायरल झाले. गुलाबी रंगाचा फ्रॉक, दोन वेण्या आणि निरागस हास्य यामुळे लहानशी नव्या अगदी गोंडस दिसत होती. कुटुंबीयांच्या उपस्थितीत झालेल्या या सेलिब्रेशनचा आनंद प्रत्येकाच्या चेहऱ्यावर झळकत होता.
फोटोंमध्ये दिशा परमार ऑलिव्ह ग्रीन ड्रेसमध्ये देखणी दिसत होती तर राहुल वैद्य साध्या पण आकर्षक अंदाजात झळकत होता. विविध पोझमध्ये काढलेले फोटो पाहून चाहत्यांनी नव्याला शुभेच्छांचा वर्षाव केला. विशेष आकर्षण ठरला तो नव्याचा वाढदिवसाचा केक – रंगीत आणि सुंदर डिझाइनमुळे सर्वांच्या नजरा त्याच्याकडे खिळल्या.
हे पण वाचा.. ‘बॅड्स ऑफ बॉलिवूड’मधील विडंबनावर क्रांती रेडकरची प्रतिक्रिया; म्हणाली – “ही गंमत नव्हे तर गंभीर बाब आहे”
राहुल वैद्य आणि दिशा परमार यांच्या वैयक्तिक आयुष्याबद्दल बोलायचं झालं तर राहुलनं बिग बॉस १४ च्या घरातच दिशाला प्रपोज केलं होतं. त्यानंतर १६ जुलै २०२१ रोजी दोघांनी मुंबईत शाही पद्धतीने विवाह केला. या लग्नसोहळ्याला बॉलिवूड आणि टीव्ही इंडस्ट्रीतील अनेक नामांकित कलाकार उपस्थित होते.
आज राहुल आणि दिशा सोशल मीडियावर कायम सक्रिय राहतात. चाहत्यांसाठी ते केवळ स्टार्स नाहीत तर आयुष्याचा आनंद कसा साजरा करावा, याचं उदाहरण आहेत. त्यांच्या लेकी नव्याचा वाढदिवस हेच दाखवून देतो की प्रसिद्धी असो वा नसो, आपल्या प्रिय व्यक्तीं सोबतचे क्षण साजरे करणं हेच सर्वात महत्त्वाचं आहे.
हे पण वाचा.. “‘दशावतार’ पाहून हादरले आदित्य ठाकरे; म्हणाले – पडद्यावर दिसतंय ते आपल्या अवतीभोवती घडतंय!”
