mumbai bmc election samadhan sarvankar with tejaswini lonari : राज्यात सध्या मुंबईसह इतर महापालिकांच्या निवडणुकांचा जोरदार माहोल तयार झाला आहे. विशेषतः मुंबई महापालिकेची निवडणूक ही राजकीयदृष्ट्या अत्यंत प्रतिष्ठेची मानली जाते. त्यामुळे सर्वच प्रमुख राजकीय पक्षांनी या निवडणुकीसाठी आपली पूर्ण ताकद पणाला लावली आहे. याच पार्श्वभूमीवर शिंदे गटाच्या शिवसेनेनेही आपले उमेदवार जाहीर करत राजकीय हालचालींना वेग दिला आहे.
शिंदे गटाचे नेते सदानंद सरवणकर यांचे चिरंजीव समाधान सरवणकर आणि कन्या प्रिया सरवणकर गुरव यांना पक्षाकडून उमेदवारी देण्यात आली आहे. आज या दोघांनीही अधिकृतपणे उमेदवारी अर्ज दाखल केला. समाधान सरवणकर यांनी प्रभादेवी-दादर परिसरातील वॉर्ड क्रमांक १९४ मधून निवडणूक लढवण्याची तयारी दाखवली आहे. अर्ज दाखल करताना त्यांनी निवडणूक प्रक्रियेतील एबी फॉर्म सादर केला.
या महत्त्वाच्या दिवशी समाधान सरवणकर यांच्यासोबत त्यांची पत्नी आणि मराठी अभिनेत्री Tejaswini Lonari उपस्थित होती. सकाळची सुरुवात त्यांनी सिद्धिविनायक मंदिरात दर्शन घेऊन केली. त्यानंतर अर्ज भरण्यासाठी ते गेले असता, समर्थकांची मोठी गर्दी पाहायला मिळाली. या वेळी समाधान सरवणकर यांनी शक्तिप्रदर्शन करत आपली राजकीय ताकद दाखवून दिली. त्यांच्या या संपूर्ण प्रवासात Tejaswini Lonari खांद्याला खांदा लावून त्यांच्यासोबत असल्याचं चित्र दिसून आलं.
Tejaswini Lonari ही मराठी मनोरंजन विश्वातील परिचित आणि लोकप्रिय अभिनेत्री आहे. तिने अनेक गाजलेल्या मालिका आणि चित्रपटांमध्ये काम केलं असून ‘बिग बॉस मराठी’मुळे तिला विशेष ओळख मिळाली. अभिनयासोबतच ती निर्माती म्हणूनही कार्यरत आहे. त्यामुळे तिची उपस्थिती केवळ वैयक्तिक नाही, तर सामाजिक आणि सार्वजनिक पातळीवरही लक्षवेधी ठरली आहे. पतीच्या राजकीय प्रवासात ती सक्रियपणे सहभागी होत असल्याने अनेकांनी तिचं कौतुक केलं आहे.
दरम्यान, समाधान सरवणकर हे अनेक वर्षांपासून राजकारणात सक्रिय असून स्थानिक पातळीवर त्यांचा चांगला संपर्क असल्याचं सांगितलं जातं. ४ डिसेंबर रोजी Tejaswini Lonari आणि समाधान सरवणकर यांचा विवाह पार पडला होता. त्यांच्या लग्नाचे फोटो आणि व्हिडीओ सोशल मीडियावर मोठ्या प्रमाणात व्हायरल झाले होते. आता लग्नानंतर लगेचच आलेल्या या निवडणुकीमुळे सरवणकर कुटुंब पुन्हा एकदा चर्चेत आलं आहे.
हे पण वाचा.. मी सावित्रीबाई ज्योतिराव फुले मालिकेच्या सेटचं भव्य अनावरण; संघर्ष, विचार आणि इतिहासाचा जिवंत अनुभव
मुंबई महापालिकेच्या या निवडणुकीत समाधान सरवणकर यांचा प्रवास किती यशस्वी ठरणार, आणि Tejaswini Lonari यांची साथ त्यांना कितपत बळ देणार, हे पाहणं औत्सुक्याचं ठरणार आहे.
हे पण वाचा.. सावळा रंग आणि न्यूनगंड लोकप्रिय मराठी अभिनेत्री धनश्री काडगांवकरने सांगितला बालपणीचा अनुभव
