Mandar Jadhav दिवाळीचा सण आणि आनंदाचे क्षण हे नेहमीच खास असतात. यंदा अनेक मराठी कलाकारांनी नवीन घरं, गाड्या आणि प्रोजेक्ट्स घेत आनंद साजरा केला. या यादीत आता छोट्या पडद्यावरील लोकप्रिय अभिनेता मंदार जाधव याचं नावही जोडले गेलं आहे. वडिलांच्या वाढदिवशी मंदारनं आपल्या कुटुंबाला एक खास गिफ्ट देत नवीन गाडी घेतली आहे.
सोशल मीडियावर मंदारने फॅमिली फोटो शेअर करत ही आनंदवार्ता चाहत्यांपर्यंत पोहोचवली. “मेरे डॅड की मारुती” असं कॅप्शन देत त्यानं वडिलांना वाढदिवसाच्या शुभेच्छा दिल्या. या पोस्टमध्ये मंदारसोबत त्याची पत्नी, मुलं, आई-वडील आणि भाऊ असे सर्वजण एकत्र दिसत आहेत. संपूर्ण कुटुंबाच्या चेहऱ्यावरचं समाधान आणि आनंद फोटोतून स्पष्ट जाणवतं.
विशेष म्हणजे या फोटोत मंदारचा भाऊ मेघन जाधव सुद्धा दिसून आला आहे. सध्या मेघन ‘स्टार प्रवाह’वरील ‘लक्ष्मी निवास’ या मालिकेत जयंतची भूमिका साकारत असून, त्याच्या दमदार अभिनयामुळे तो प्रेक्षकांच्या पसंतीस उतरला आहे. नुकत्याच पार पडलेल्या ‘झी मराठी पुरस्कार’ सोहळ्यात त्याला अभिनयासाठी सन्मानित करण्यात आलं, याचा आनंदही चाहत्यांनी व्यक्त केला आहे.
मंदार जाधव Mandar Jadhav सध्या ‘स्टार प्रवाह’वरील ‘कोण होतीस तू, काय झालीस तू’ या मालिकेत प्रमुख भूमिकेत झळकत आहे. त्याचा अभिनय आणि गंभीर व्यक्तिमत्व प्रेक्षकांना भावतंय. या मालिकेचं प्रसारण दररोज रात्री ११ वाजता होतं आणि मंदारचा अभिनय हा या मालिकेचा मुख्य आकर्षण बनला आहे.
नव्या गाडीच्या खरेदीमुळे मंदारच्या घरात उत्साहाचं वातावरण आहे. वडिलांच्या वाढदिवसाचा हा अनोखा सरप्राईज पाहून नेटकऱ्यांनी अभिनेत्याला शुभेच्छांचा वर्षाव केला आहे. “तुझ्या वडिलांना खूप खूप शुभेच्छा आणि तुमच्या नव्या गाडीला हार्दिक अभिनंदन!” अशा कमेंट्स चाहत्यांनी केल्या आहेत.
अभिनेता म्हणून आपली वेगळी ओळख निर्माण करणारा Mandar Jadhav मंदार जाधव केवळ पडद्यावरच नव्हे तर वास्तव जीवनातही कुटुंबप्रेमी मुलगा म्हणून चाहत्यांच्या मनात स्थान मिळवत आहे. त्याच्या या खास क्षणाने सोशल मीडियावर सध्या चांगलीच चर्चा रंगली आहे.
