Kaun Banega Crorepati Farmer Won 50 Lakh : देशातील लोकप्रिय क्विझ शो ‘कौन बनेगा करोडपती’ हा नेहमीच चर्चेत राहतो. या शोमधून अनेकांनी आपल्या ज्ञानाच्या जोरावर मोठ्या रकमांची कमाई केली आहे. प्रेक्षकांना ज्ञान आणि मनोरंजनाचा मेळ घालणारा हा कार्यक्रम आजवर असंख्य स्पर्धकांना आपल्या स्वप्नांच्या जवळ घेऊन गेला आहे. या शोचं वैशिष्ट्य म्हणजे वेगवेगळ्या क्षेत्रांतील लोक हॉट सीटवर बसून आपलं नशीब आजमावताना दिसतात. यावेळी नांदेड जिल्ह्यातील एका शेतकऱ्याने आपली बुध्दीमत्ता दाखवत थेट ५० लाखांची कमाई केली आहे.
नांदेडमधील कैलास रामभाऊ कुंटेवाद हे मंगळवारी प्रसारित झालेल्या भागात हॉट सीटवर विराजमान झाले. सुरुवातीपासून आत्मविश्वास दाखवत त्यांनी सलग १४ प्रश्नांची अचूक उत्तरं दिली आणि Kaun Banega Crorepati Farmer Won 50 rs Lakh या प्रवासात त्यांनी दमदार कामगिरी सादर केली. त्यांच्या या यशस्वी खेळामुळे सूत्रसंचालक अमिताभ बच्चन यांनीही उभं राहून कौतुक केलं. Kaun Banega Crorepati Farmer Won 50 Lakh
५० लाखांची रक्कम मिळाल्यानंतर त्यांच्यासमोर एक कोटी रुपयांचा प्रश्न आला. त्यांनी या प्रश्नासाठी ‘व्हिडीओ कॉल अ फ्रेंड’ आणि ‘५०:५०’ या लाइफलाइनचा वापर केला, परंतु योग्य उत्तराबद्दल अजूनही संभ्रम राहिला. धोका न पत्करता त्यांनी खेळ थांबवण्याचा निर्णय घेतला आणि आतापर्यंतची जिंकलेली रक्कम सुरक्षित ठेवली.
या एका कोटीच्या प्रश्नात राष्ट्रपती भवनात असलेल्या ‘इन्व्हेन्शन ऑफ द प्रिंटिंग प्रेस’ या चित्रातील व्यक्तीची ओळख विचारण्यात आली होती. पर्यायांमध्ये योहान फुस्त, विल्यम कॅक्स्टन, जोहान्स आणि रिचर्ड एम अशी नावे होती. याचे बरोबर उत्तर ‘विल्यम कॅक्स्टन’ हे होतं. इंग्लंडमध्ये छापखान्याची सुरुवात करून इंग्रजी साहित्य सर्वसामान्यांपर्यंत पोहोचवण्याचं श्रेय कॅक्स्टन यांना जातं.
कैलास यांचा प्रवास केवळ रकमेपुरता मर्यादित नाही. ते साधं जीवन जगणारे शेतकरी असून महिन्याला केवळ तीन हजार रुपयांची कमाई करतात. क्रिकेटचे ते मोठे चाहते असून आपल्या दोन मुलांना व्यावसायिक क्रिकेटपटू बनवण्याचं त्यांचं स्वप्न आहे. आतापर्यंत आर्थिक अडचणींमुळे योग्य प्रशिक्षण देता आलं नव्हतं, पण आता मिळालेल्या पैशातून ते मुलांना क्रिकेट अकॅडमीत दाखल करणार आहेत.
शेतकरी कुटुंबातून आलेल्या या स्पर्धकाने दाखवून दिलं की मेहनत, धैर्य आणि ज्ञान यांच्या जोरावर कुणीही मोठं स्वप्न पूर्ण करू शकतो. Kaun Banega Crorepati Farmer Won 50 Lakh ही बातमी केवळ त्यांच्या आयुष्याला नवी दिशा देणारी ठरली नाही, तर देशभरातील शेतकऱ्यांसाठीही प्रेरणादायी ठरली आहे. अमिताभ बच्चन आणि प्रेक्षकांकडून झालेलं कौतुक हेच त्यांच्या या यशाचं खरं पारितोषिक म्हणता येईल.
“ईशा संजयचा ग्लॅमरस अवतार; नारकर कुटुंबाची होणारी सून सोशल मीडियावर चर्चेत!”
