kabaddi sathi ketaki kulkarni preparation : टीव्हीवरील लोकप्रिय मालिका ‘कमळी’ अल्पावधीतच प्रेक्षकांच्या मनात घर करून बसली आहे. मालिकेतील पात्रांमधील संघर्ष, मैत्री आणि स्पर्धा यामुळे कथा अधिक रंगतदार होत आहे. सध्या मालिकेत कबड्डी स्पर्धेचा ट्रॅक दाखवला जात असून, यामुळे उत्सुकता अधिक वाढली आहे. यात अनिका ही भूमिका साकारणारी अभिनेत्री Ketaki Kulkarni खास तयारी करत असल्याचं समजतं.
केतकीने एका मुलाखतीत सांगितलं की, या ट्रॅकसाठी ती रोज सराव करत आहे. कबड्डीचा जास्त अनुभव नसतानाही प्रॅक्टिसमुळे तिला खेळाच्या अनेक बारकाव्या शिकायला मिळाल्या आहेत. “मी कबड्डीचे नियम शिकले आहेत. प्रोफेशनल सामन्यांचे व्हिडीओ पाहून त्यातील तंत्र आणि शैली समजून घेण्याचा प्रयत्न करत आहे,” असं ती म्हणाली.
तिच्या मते, कोणत्याही खेळात फिटनेस आणि स्टॅमिना महत्त्वाचे असतात. त्यामुळे ती दररोज वॉर्मअप, जॉगिंग आणि वर्कआउट्स करून शरीर तंदुरुस्त ठेवते. त्यासोबतच Ketaki Kulkarni डाएटबाबतही काळजी घेते. “मी जंक फूड आणि साखर टाळते. नेहमी स्वतःला हायड्रेट ठेवते. उन्हात खेळताना लिंबूपाणी किंवा इलेक्ट्रोलाइट घेत राहते,” असं ती सांगते.
हे पण वाचा.. “१ वर्ष ५ महिन्यांचा प्रवास… आता ‘Lakhat Ek Amcha Dada’ मालिका बंद अभिनेत्रीच्या भावूक पोस्टने वाढवल्या चर्चा
‘कमळी’ मालिकेत अनिका आणि कमळी यांच्यातील स्पर्धा नेहमीच चर्चेत असते. आता कबड्डीच्या सामन्यात या दोन्ही पात्रांच्या टीम आमनेसामने येणार आहेत. कोणती टीम विजयी होणार, हा प्रश्न प्रेक्षकांच्या उत्सुकतेला चांगलाच पेटवून गेला आहे.
केतकीच्या मेहनतीमुळे तिची ऑन-स्क्रीन परफॉर्मन्स अधिक प्रभावी ठरेल, अशी अपेक्षा व्यक्त होत आहे. प्रेक्षक मात्र आतुरतेने पुढील भागांची वाट पाहत आहेत.
हे पण वाचा.. “‘वहिनी आल्या का?’ नेटकऱ्यांचा प्रश्न; शेजारी उभी ‘ती’ कोण Suraj Chavanचा फोटो व्हायरल”
