हार्दिक पांड्याच्या मैत्रिणीबद्दल चर्चा रंगली असून, ब्रिटीश गायक आणि अभिनेत्री jasmin walia ची IPL सामन्यातील उपस्थिती चाहत्यांचे लक्ष वेधून घेत आहे.
मुंबई इंडियन्सचा कर्णधार हार्दिक पांड्या (Hardik Pandya) आणि ब्रिटीश रिअॅलिटी स्टार जस्मिन वालिया (jasmin walia) यांच्या नात्याच्या चर्चांना नव्याने उधाण आले आहे. IPL 2025 मध्ये कोलकाता नाईट रायडर्सविरुद्ध मुंबई इंडियन्सच्या विजयाचा जल्लोष साजरा करण्यासाठी जस्मिन वालिया थेट स्टेडियममध्ये उपस्थित होती. विशेष म्हणजे, सामना संपल्यानंतर ती मुंबई इंडियन्सच्या टीम बसमध्ये जाताना दिसली, ज्यामुळे दोघांच्या कथित नात्याविषयी चर्चांना अधिक हवा मिळाली आहे.
सामन्यातून चर्चेत आलेले नाव jasmin walia
ही पहिली वेळ नाही, ज्या वेळी जस्मिन वालिया हार्दिक पांड्याच्या सामन्याला हजेरी लावताना दिसली आहे. काही आठवड्यांपूर्वी दुबईमध्ये पार पडलेल्या चॅम्पियन्स ट्रॉफी 2025च्या अंतिम सामन्यातही ती उपस्थित होती. त्या वेळी तिचा एक फोटो सोशल मीडियावर प्रचंड व्हायरल झाला होता, ज्यामध्ये ती पट्टेदार शर्ट आणि मोठ्या चष्म्यासह स्टेडियममध्ये बसलेली दिसली. त्यानंतरच हार्दिक आणि तिच्या नात्याच्या चर्चांनी जोर धरला होता.
यापूर्वीही, दोघे ग्रीसमध्ये सुट्टी घालवत असल्याचे संकेत मिळाले होते. चाहत्यांनी हार्दिक आणि जस्मिनने सोशल मीडियावर शेअर केलेल्या फोटोंमध्ये साम्य आढळले. बॅकग्राऊंड आणि लोकेशन पाहता, हे दोघे एकत्र असल्याची शक्यता वर्तवण्यात आली. जस्मिन आणि हार्दिकच्या पोस्टमुळे दोघांच्या कथित नात्यावर अधिक चर्चा सुरू झाली.
हे पण वाचा ..malaika arora and kumar sangakkara : IPL 2025 मध्ये चर्चा वाढवणार जोडपं?
हार्दिक पांड्याच्या वैयक्तिक आयुष्याचा टर्निंग पॉईंट
हार्दिक पांड्या आणि त्याची पत्नी नताशा स्टॅनकोविच यांनी गेल्या वर्षी जुलैमध्ये घटस्फोटाची घोषणा केली होती. चार वर्षांच्या सहजीवनानंतर त्यांनी आपले मार्ग वेगळे करण्याचा निर्णय घेतला. सोशल मीडियावर शेअर केलेल्या संयुक्त निवेदनात त्यांनी लिहिले होते, “एकमेकांसोबत राहून आम्ही सर्वोत्तम प्रयत्न केले, परंतु एकत्र राहण्याचा निर्णय योग्य ठरणार नाही, हे आम्हाला उमगले. आम्हाला याचा खूप दु:ख होत आहे, कारण आम्ही एकत्र छान क्षण घालवले, प्रेम आणि सन्मानाचा अनुभव घेतला आणि एक कुटुंब म्हणून वाढलो.”
यानंतर हार्दिकच्या वैयक्तिक आयुष्याबद्दल सतत उलट-सुलट चर्चा सुरू होत्या. जस्मिनसोबतचे त्याचे कथित नाते आणि तिची सामन्यांमध्ये उपस्थिती या दोन्ही गोष्टींनी त्या चर्चांना अधिक बळ दिले.
jasmin walia चे भारतीय चाहत्यांमधील वाढते आकर्षण
ब्रिटीश रिअॅलिटी शो The Only Way Is Essex (TOWIE) मधून प्रसिद्ध झालेली jasmin walia भारतात Bom Diggy Diggy या २०१७ च्या सुपरहिट गाण्यामुळे ओळखली जाते. झॅक नाइटसोबत गाऊन तिने प्रचंड लोकप्रियता मिळवली होती. त्यानंतरही तिने भारतीय संगीतप्रेमींसाठी काही गाणी सादर केली.
संगीताच्या दुनियेत यश मिळवल्यानंतर जस्मिनने बॉलिवूडशीही संबंध जोडण्याचा प्रयत्न केला. २०२२ मध्ये तिने बिग बॉस १३चा फाइनलिस्ट असीम रियाजसोबत Nights N Fights या म्युझिक व्हिडिओमध्ये काम केले होते, ज्याला चांगला प्रतिसाद मिळाला.
चर्चा केवळ अफवा की नाते प्रत्यक्षात?
Hardik Pandya आणि jasmin walia च्या नात्याबाबत दोघांनीही अधिकृतरित्या कोणतीही प्रतिक्रिया दिली नाही. मात्र, जस्मिनची सातत्याने हार्दिकच्या सामन्यांमध्ये उपस्थिती आणि त्यांच्या साम्य असलेल्या पोस्ट्स यामुळे त्यांच्या नात्याबाबत बरेच अंदाज बांधले जात आहेत.
हार्दिक पांड्या हा केवळ एक क्रिकेटपटूच नाही तर त्याच्या स्टाइल, अॅटिट्यूड आणि व्यक्तिमत्त्वामुळे तो चर्चेचा विषय ठरतो. जस्मिनसोबतचे त्याचे नाते फक्त अफवा आहे की यात काही तथ्य आहे, हे पाहणे पुढील काही महिन्यांत स्पष्ट होईल.
सध्यातरी, jasmin walia ची उपस्थिती आणि सोशल मीडियावर व्हायरल होणारे फोटो या दोघांच्या नात्याबाबत चाहत्यांची उत्सुकता वाढवत आहेत. हार्दिक पांड्याचा IPL मधील परफॉर्मन्स जितका चर्चेत आहे, तितकीच त्याच्या वैयक्तिक आयुष्याची ही गोष्टही चर्चेचा विषय बनली आहे.
