harshada khanwilkar wants to return to theatre after 26 years : मराठी मनोरंजन विश्वात आपल्या दमदार अभिनयामुळे वेगळी ओळख निर्माण करणाऱ्या “हर्षदा खानविलकर” सध्या छोट्या पडद्यावर झळकत असल्या, तरी त्यांच्या मनात पुन्हा रंगभूमीवर काम करण्याची तीव्र इच्छा जागी झाली आहे. नुकत्याच त्यांनी सोशल मीडियावर शेअर केलेल्या एका व्हिडीओमधून ही भावना व्यक्त केली असून, त्यांच्या या वक्तव्याने चाहत्यांचे लक्ष वेधून घेतले आहे.
सध्या “हर्षदा खानविलकर” ‘लक्ष्मी निवास’ या मालिकेत लक्ष्मीच्या भूमिकेत दिसत आहेत. त्यांच्या या व्यक्तिरेखेला प्रेक्षकांकडून भरभरून प्रतिसाद मिळत आहे. मालिकेत कुटुंब एकत्र ठेवण्यासाठी झगडणारी आणि प्रत्येक परिस्थितीत धीराने उभी राहणारी लक्ष्मी ही भूमिका प्रेक्षकांच्या मनात घर करून बसली आहे.
मात्र, या यशाच्या शिखरावर असतानाच “हर्षदा खानविलकर” यांनी त्यांच्या एका व्हिडीओतून मनातील एक खास इच्छा व्यक्त केली. त्या म्हणाल्या की, नुकताच त्यांनी एक लाइव्ह स्टेज परफॉर्मन्स पाहिला आणि त्या अनुभवाने त्यांना जुन्या आठवणींमध्ये नेले. प्रेक्षकांसमोर थेट सादरीकरण करण्याचा जो थरार असतो, तो त्यांनी खूप वर्षांपासून अनुभवलेलाच नाही, याची त्यांना प्रकर्षाने जाणीव झाली.
“हर्षदा खानविलकर” यांनी सांगितले की, त्यांनी शेवटचे नाटक १९९९ साली केले होते. त्यानंतर मालिकांमध्ये सातत्याने काम करत राहिल्यामुळे पुन्हा रंगभूमीकडे वळण्याची संधी मिळाली नाही. “तो योगच आला नाही,” असे त्या स्पष्टपणे म्हणाल्या. पण आता मात्र त्यांना पुन्हा नाटकात काम करण्याची तीव्र इच्छा आहे.
या व्हिडीओत त्यांनी ‘मॅनिफेस्टेशन’वर विश्वास असल्याचेही सांगितले. सोशल मीडियाच्या माध्यमातून आपली इच्छा व्यक्त केल्याने ती योग्य लोकांपर्यंत पोहोचेल, असा त्यांचा विश्वास आहे. प्रेक्षकांनी हा व्हिडीओ पाहून त्यांच्या या स्वप्नासाठी प्रार्थना करावी, अशी भावनिक विनंतीही त्यांनी केली.
हे पण वाचा.. पूजा सावंतचा संताप; महिला सुरक्षा आणि प्राण्यांवरील अत्याचाराविरोधात कडक कायद्यांची मागणी
तसेच, हा संदेश नाट्यनिर्माते, दिग्दर्शक किंवा लेखकांपर्यंत पोहोचून त्यांना एखाद्या नाटकासाठी “हर्षदा खानविलकर” यांचा विचार करावा, अशी आशाही त्यांनी व्यक्त केली. त्या सध्या एका उत्तम संहितेची आणि योग्य संधीची वाट पाहत असल्याचेही त्यांनी नमूद केले.
हे पण वाचा.. ‘कमळी’ फेम “विजया बाबर”चीओडिशातील ऐतिहासिक कोणार्क सूर्यमंदिराला खास भेट
harshada khanwilkar wants to return to theatre after 26 years
दरम्यान, त्यांच्या या व्हिडीओवर अनेक कलाकार आणि चाहत्यांनी सकारात्मक प्रतिक्रिया दिल्या आहेत. लवकरच त्यांना रंगभूमीवर पाहायला मिळेल, असा विश्वासही अनेकांनी व्यक्त केला आहे. आता “हर्षदा खानविलकर” पुन्हा नाटकाच्या माध्यमातून प्रेक्षकांसमोर येणार का, याकडे सर्वांचे लक्ष लागले आहे.
