Disha Pardeshi मराठी टेलिव्हिजन जगतात आपल्या अभिनयाने प्रेक्षकांच्या मनावर राज्य करणारी अभिनेत्री दिशा परदेशी पुन्हा एकदा चर्चेत आली आहे. पण यावेळी कारण तिचं काम नसून, सोशल मीडियावर झालेला एक अप्रिय अनुभव आहे. अलीकडेच दिशाने आपल्या इन्स्टाग्रामवर काही ग्लॅमरस फोटो शेअर केले होते. त्यातील बिकिनी फोटो पाहून एका नेटकऱ्याने अत्यंत अश्लील आणि अपमानास्पद कमेंट केली.
त्या कमेंटमध्ये त्या व्यक्तीने “महाराष्ट्रात राहायची लायकी नाही”, “हिंदू धर्म आणि मराठी संस्कृतीची वाट लावली” अशा प्रकारच्या शब्दांत दिशाचा अपमान केला. मात्र, दिशाने हा विषय दुर्लक्षित न करता थेट त्या कमेंटचा स्क्रीनशॉट काढून आपल्या इन्स्टाग्राम स्टोरीवर शेअर केला. या पोस्टसोबत तिने लिहिलं, “या महाशयांना काय उत्तर द्यावं हेच समजत नाहीये… पण जर कोणाला काही योग्य वाटत असेल तर जरूर सांगा.” Disha Pardeshi Troll
दिशाच्या या प्रतिक्रियेनंतर सोशल मीडियावर तिचं मोठ्या प्रमाणात कौतुक होत आहे. अनेकांनी तिच्या धैर्याचं आणि शांतपणे दिलेल्या उत्तराचं स्वागत केलं आहे. या घटनेनंतर संबंधित नेटकऱ्याने स्वतःची कमेंट डिलीट करून दिशाची माफी मागितल्याचंही समजतं.
सोशल मीडियावर प्रसिद्ध असलेल्या कलाकारांना अनेकदा अशा नकारात्मक टिप्पण्या आणि ट्रोलिंगचा सामना करावा लागतो. परंतु दिशा परदेशीने ज्या पद्धतीने संयम राखत अशा ट्रोलर्सना उत्तर दिलं, त्याचं कौतुक करणारे हजारो चाहते तिच्या बाजूने उभे राहिले आहेत. दिशाच्या करिअरबद्दल बोलायचं झालं तर ती ‘लाखात एक आमचा दादा’ या मालिकेमुळे घराघरात पोहोचली होती. काही काळ आजारपणामुळे तिने मालिकेतून ब्रेक घेतला होता, मात्र आता ती पुन्हा नव्या जोमाने कामात सक्रिय झाली आहे. अभिनयाबरोबरच ती निर्मिती क्षेत्रातही पाऊल टाकत आहे.
दिशा परदेशीने सोशल मीडियावर घडलेल्या या घटनेचा सामना ज्या धाडसाने केला, त्यामुळे पुन्हा एकदा हे सिद्ध झालं की आजच्या पिढीतील कलाकार फक्त पडद्यावरच नव्हे तर वास्तव आयुष्यातही आपली भूमिका ठामपणे निभावत आहेत.
पवित्र रिश्ता: स्मिता शेवाळेने सांगितली हिंदी मालिकेच्या ऑडिशनमागची खरी गोष्ट
