chetan vadnere lapandav navi malika : मराठी मालिकाविश्वात आपली वेगळी छाप सोडलेला अभिनेता Chetan Vadnere पुन्हा एकदा प्रेक्षकांसमोर नव्या भूमिकेतून येत आहे. ‘ठिपक्यांची रांगोळी’ या मालिकेत झळकल्यानंतर दीड वर्षांहून अधिक काळ तो पडद्यापासून दूर राहिला. या काळात त्याने तब्बल दहा मालिकांना नकार दिला. त्यामागचं कारण सांगताना चेतन म्हणतो की, “एकाच धाटणीच्या भूमिका करणं मला मान्य नव्हतं. प्रेक्षकांना जर सारखंच पात्र दिसलं, तर माझ्या कामाची ओळखच संपेल.”
त्याने स्पष्ट केलं की ‘ठिपक्यांची रांगोळी’नंतर मिळालेल्या बहुतांश मालिकांमध्ये त्याला सारख्याच धाटणीचे रोल ऑफर होत होते. काही ठिकाणी फक्त लुक किंवा परिस्थितीत थोडा फरक होता, मात्र व्यक्तिरेखेचा गाभा तोच होता. त्यामुळे अशा भूमिका स्वीकारण्यापेक्षा थांबणं योग्य असल्याचं त्याने ठरवलं. “लोकांना असं वाटू नये की मी तेच तेच करतो. म्हणून मी संयमाने वेगळ्या कामाची वाट पाहिली,” असं तो म्हणाला.
आता तो ‘स्टार प्रवाह’वरील ‘लपंडाव’ या नव्या मालिकेत दिसत आहे. मालिकेतील भूमिकेबद्दल बोलताना Chetan Vadnere म्हणतो, “प्रोमोमध्ये दिसणाऱ्या पात्रापेक्षा मालिकेतलं माझं काम वेगळं आहे. त्यामुळे हा रोल मला खूप आवडला.”
नकार देणं सोपं नसतं, याबाबत विचारलं असता चेतनने स्पष्ट सांगितलं की, “नाही म्हणणं खरं तर अवघड असतं, कारण प्रत्येक वेळी आर्थिक गोष्टींचाही विचार करावा लागतो. माझं खर्चिक जीवन नाही, काटकसर करून मी जगतो. नुकतंच घर घेतल्यामुळे थोड्या जबाबदाऱ्या वाढल्या आहेत. तरीही मी इतकी बचत करतो की काही महिन्यांपर्यंत काम नसलं तरी माझं सगळं सुरळीत पार पडेल.”
हे पण वाचा.. ‘कॉन्स्टेबल मंजू’ मालिकेचा अनपेक्षित शेवट; दीड वर्षांतच बंद, चाहत्यांमध्ये नाराजी
या मालिकेत चेतनसोबत अभिनेत्री कृतिका देव आणि रूपाली भोसले महत्त्वाच्या भूमिकेत आहेत. सोमवार ते शनिवार दुपारी दोन वाजता प्रसारित होणारी ही मालिका प्रेक्षकांसाठी वेगळा अनुभव ठरणार असल्याचं संकेत मिळत आहेत.
मराठी मनोरंजनविश्वात संयम, मेहनत आणि योग्य निवडीमुळे कलाकाराचं करिअर घडतं हे पुन्हा एकदा Chetan Vadnere ने दाखवून दिलं आहे.
हे पण वाचा.. स्पृहा जोशी झाली मावशी; भाच्याचं नाव जाहीर करत खास पोस्ट Spruha Joshi
