cbse results class 10th cbse board : CBSE बोर्डाच्या दहावी व बारावीच्या परीक्षांचे निकाल या आठवड्यात कोणत्याही दिवशी जाहीर होण्याची शक्यता आहे. देशभरातील 44 लाखांहून अधिक विद्यार्थी या निकालाची आतुरतेने वाट पाहत आहेत.
सविस्तर मुद्दे
केंद्रीय माध्यमिक शिक्षण मंडळ (CBSE) कडून 2025 साली घेण्यात आलेल्या दहावी व बारावीच्या बोर्ड परीक्षांचे निकाल या आठवड्यात कधीही जाहीर होऊ शकतात, असा अंदाज वर्तवला जात आहे. अधिकृत घोषणा अद्याप करण्यात आलेली नसली तरी, CBSE ने आपला निकाल जाहीर करण्याचा पूर्वीचा पॅटर्न पाहता, यावेळीही 11 मे ते 15 मे दरम्यान निकाल प्रकाशित होण्याची शक्यता आहे.
यंदा दहावीची परीक्षा 18 मार्च 2025 रोजी संपली, तर बारावीची परीक्षा 4 एप्रिल 2025 रोजी संपुष्टात आली होती. दरवर्षी प्रमाणे, CBSE परीक्षेनंतर साधारणतः 4 ते 6 आठवड्यांच्या आत निकाल जाहीर करतं. या वेळापत्रकानुसार, निकाल आता केवळ काही दिवसांवर येऊन ठेपला आहे. cbse results class 10th cbse board
यंदा एकूण 44 लाखांहून अधिक विद्यार्थ्यांनी CBSE च्या परीक्षा दिल्या आहेत. त्यात 24.12 लाख विद्यार्थ्यांनी दहावीच्या परीक्षेला हजेरी लावली असून, 84 विषयांमध्ये त्यांची परीक्षा झाली. बारावीच्या परीक्षेसाठी 17.88 लाख विद्यार्थी उपस्थित होते आणि एकूण 120 विषयांची परीक्षा घेण्यात आली. त्यामुळे या निकालांकडे सर्वांचे लक्ष लागून राहिले आहे.
cbse results class 10th cbse board निकाल कसा पाहायचा?
CBSE बोर्ड निकाल जाहीर झाल्यानंतर विद्यार्थी अधिकृत वेबसाइटवर जाऊन आपला निकाल पाहू शकतात. बोर्डच्या cbse.gov.in आणि cbseresults.nic.in या वेबसाइट्सवर निकालाची लिंक ॲक्टिव्ह केली जाईल. विद्यार्थ्यांना आपला रोल नंबर, शाळेचा क्रमांक, अॅडमिट कार्ड आयडी व जन्मतारीख टाकून निकाल पाहता येणार आहे. त्यानंतर निकाल डाउनलोड करून भविष्यासाठी साठवून ठेवता येईल.
डिजिलॉकरवर उपलब्ध होणार डिजिटल मार्कशीट
डिजिटल इंडिया उपक्रमांतर्गत CBSE कडून विद्यार्थ्यांना डिजिलॉकर प्लॅटफॉर्मवर डिजिटल मार्कशीट व सर्टिफिकेट्स मिळतील. यासाठी विद्यार्थ्यांनी https://cbseservices.digilocker.gov.in/activatecbse या लिंकवर जाऊन आपली CBSE आयडी अॅक्टिवेट करावी लागेल. शाळेकडून मिळालेली माहिती आणि अॅक्सेस कोड टाकून, मोबाईल नंबरच्या माध्यमातून OTP द्वारे खातं तयार करता येईल. नंतर निकाल जाहीर झाल्यावर डिजिलॉकरमध्ये आपली मार्कशीट सहजपणे पाहता व डाउनलोड करता येईल.
इंटरनेट नसल्यास IVRS द्वारेही मिळणार निकाल
ज्या विद्यार्थ्यांकडे इंटरनेट उपलब्ध नाही, त्यांच्यासाठी CBSE IVRS (Interactive Voice Response System) चा पर्याय देणार आहे. यात फोनवर दिलेल्या सूचनांनुसार विद्यार्थी आपला रोल नंबर टाकून गुण ऐकू शकतील. IVRS संबंधित तपशील निकालाच्या आधी CBSE कडून प्रसिद्ध केला जाईल. cbse results class 10th cbse board
कंपार्टमेंट परीक्षा – अपयशाचे पर्याय
जर एखादा विद्यार्थी एक किंवा दोन विषयांत नापास झाला, तरी काळजी करण्याचं कारण नाही. अशा विद्यार्थ्यांना CBSE कडून दिली जाणारी कंपार्टमेंट परीक्षा देता येईल. ही परीक्षा जुलै महिन्यात घेतली जाणार असून तिचा निकाल ऑगस्ट 2025 मध्ये अपेक्षित आहे. मात्र, दोनपेक्षा अधिक विषयांत नापास झाल्यास विद्यार्थ्यांना पुन्हा संपूर्ण वर्ग शिकावा लागेल.
या वर्षी टॉपर्स लिस्ट नाही
महत्त्वाचं म्हणजे, मागील काही वर्षांप्रमाणे यंदाही CBSE कडून कोणतीही टॉपर्स लिस्ट जाहीर केली जाणार नाही. विद्यार्थ्यांमध्ये अनावश्यक स्पर्धा टाळण्यासाठी हा निर्णय बोर्डने घेतलेला आहे.
cbse results class 10th cbse board निकाल कधी जाहीर होणार?
2024 मध्ये CBSE ने दहावीचा निकाल 12 मे रोजी, तर बारावीचा निकाल 13 मे रोजी जाहीर केला होता. त्यामुळे यंदाही हाच ट्रेंड राहण्याची शक्यता आहे. CBSE कडून अधिकृत घोषणा झाली की निकालाची तारीख, वेळ व लिंक डिजिलॉकर, अधिकृत वेबसाइट आणि CBSE च्या X (पूर्वीचं ट्विटर) हँडलवर शेअर केली जाईल.
सर्व विद्यार्थ्यांनी अधिकृत वेबसाइट्सवर लक्ष ठेवणं आणि डिजिलॉकर अ‍ॅक्टिव्ह ठेवणं गरजेचं आहे, जेणेकरून निकाल उपलब्ध होताच लगेच पाहता येईल.
