‘बिग बॉस १९’चा सध्या सोशल मीडियावर मोठ्या प्रमाणावर गाजावाजा सुरु आहे. या सीझनमध्ये सहभागी झालेला लोकप्रिय कॉमेडीयन Bigg Boss 19 Pranit More प्रेक्षकांच्या पसंतीस उतरला असून त्याला अनेक मराठी सेलिब्रिटींकडून जोरदार पाठिंबा मिळत आहे. गेल्या काही दिवसांत डॅनी पंडित, निक्की तांबोळी, धनंजय पोवार यांसारख्या कलाकारांनी प्रणितसाठी मतदान करण्याचं आवाहन केलं. आता या यादीत अभिनेत्री अंकिता वालावलकरचं नावही समोर आलं आहे.
प्रणित मोरेने ‘बिग बॉस’च्या घरात एन्ट्री घेतल्यापासून अल्पावधीतच आपली वेगळी छाप सोडली आहे. त्याच्या संवादशैलीमुळे, विनोदबुद्धीमुळे आणि शांत स्वभावामुळे तो प्रेक्षकांमध्ये लोकप्रिय ठरला. मात्र, घरात राहतानाच त्याचे काही सदस्यांशी, विशेषतः बसीर अली आणि अमाल मलिक यांच्याशी वाद झाले. त्या वादांदरम्यान प्रणितवर वैयक्तिक टीका झाली असली तरी त्याने त्या गोष्टींकडे दुर्लक्ष करून आपला खेळ सांभाळला.
तथापि, सोशल मीडियावर प्रणितच्या चाहत्यांनी असा दावा केला की गेल्या ‘वीकेंड का वार’ एपिसोडमध्ये प्रणितला फारसं स्क्रीन टाइम मिळालंच नाही. काहींनी तर थेट “झिरो स्क्रीन टाइम” असंही म्हटलं. या मुद्द्यावरच अभिनेत्री अंकिता वालावलकरने आपलं मत मांडत इन्स्टाग्रामवर एक पोस्ट शेअर केली.
तिने लिहिलं, “पहिल्या आठवड्यात मराठी प्रेक्षक प्रणितच्या पाठीशी होते. पण गेल्या आठवड्यात ‘वीकेंडच्या वार’मध्ये त्याला अगदीच कमी दाखवण्यात आलं. या आठवड्यात सुद्धा तशीच परिस्थिती दिसतेय. नंतर मग म्हणतील की तो काही करत नाही. पण मला माहीत आहे, हा सगळा एडिटिंगचा खेळ आहे. त्यामुळे, व्होट फॉर प्रणित! जय महाराष्ट्र.”
अंकिताच्या या पोस्टनंतर सोशल मीडियावर पुन्हा चर्चांना उधाण आलं आहे. अनेकांनी तिच्या मताला पाठिंबा देत ‘बिग बॉस’ टीमवर प्रश्नचिन्ह उपस्थित केलं. Bigg Boss 19 Pranit More
दरम्यान, ‘बिग बॉस मराठी’ फेम धनंजय पोवारनेही अलीकडेच प्रणितला अधिकाधिक मतं देण्याचं आवाहन केलं होतं. शोमधील काही पाहुण्यांनी, त्यात गौहर खानचं नाव विशेष उल्लेखनीय आहे, प्रणितच्या संयमी स्वभावाचं कौतुक केलं.
आता पुढील आठवड्यांत प्रणित मोरे कोणती रणनीती वापरतो आणि या वादानंतर त्याचा गेम कसा वळण घेतो, हे पाहणं नक्कीच उत्सुकतेचं ठरणार आहे. पण एवढं मात्र स्पष्ट आहे की Bigg Boss 19 Pranit More या नावाभोवती प्रेक्षकांची उत्सुकता सध्या शिगेला पोहोचली आहे.
स्टार प्रवाहच्या ‘शुभविवाह’ मालिकेत अपूर्वा नेमळेकरची धडाकेबाज एन्ट्री; मालिकेत येणार ७ वर्षांचा लीप
