anushka sarkate meets ujjwal nikam : स्टार प्रवाहवर नुकतीच सुरू झालेली ‘वचन दिले तू मला’ ही मालिका अल्पावधीतच प्रेक्षकांच्या पसंतीस उतरली आहे. न्याय, संघर्ष आणि आत्मविश्वास यांचा सुरेख संगम दाखवणारी ही मालिका संपूर्ण महाराष्ट्रात चर्चेचा विषय ठरत आहे. विशेषतः तरुण, ध्येयवेडी आणि ठाम भूमिका असलेली अॅडव्होकेट ऊर्जा शिंदे ही व्यक्तिरेखा प्रेक्षकांच्या मनात घर करत आहे. ही भूमिका अभिनेत्री Anushka Sarkate साकारत असून, तिच्या अभिनयाचं सर्वत्र कौतुक होत आहे.
मालिकेच्या कथानकात आता एक महत्त्वाचा टप्पा येऊन ठेपला आहे. ऊर्जा शिंदे तिच्या आयुष्यातील पहिली मोठी केस न्यायालयात लढण्यासाठी सज्ज होत आहे. ही केस केवळ व्यावसायिक दृष्ट्या नाही, तर मानसिक आणि भावनिकदृष्ट्याही ऊर्जासाठी खूप महत्त्वाची आहे. न्यायाच्या मार्गावर पहिलं पाऊल टाकण्याआधी ऊर्जाने देशातील सुप्रसिद्ध सरकारी वकील अॅड. उज्ज्वल निकम यांची भेट घेतली. त्यांचे आशीर्वाद आणि मार्गदर्शन मिळणं, हा क्षण ऊर्जासाठी अत्यंत प्रेरणादायी ठरला आहे.
या भेटीबाबत बोलताना Anushka Sarkate हिने आपल्या भावना व्यक्त केल्या. उज्ज्वल निकम यांना भेटून आपल्याला खूप आनंद झाल्याचं तिनं सांगितलं. त्यांनी दिलेला वेळ, प्रेमळ शब्द आणि शुभेच्छा आपल्यासाठी खूप मोलाच्या असल्याचं अनुष्काने नमूद केलं. हा अनुभव आपण आयुष्यभर लक्षात ठेवू, असंही ती भावूकपणे म्हणाली. मालिकेत न्यायासाठी लढणारी वकील साकारणाऱ्या अनुष्कासाठी खऱ्या आयुष्यातील न्यायाच्या प्रतीक असलेल्या व्यक्तीची भेट नक्कीच अविस्मरणीय ठरली आहे.
कथानकाच्या दृष्टीने पाहिलं, तर ऊर्जासमोरचं आव्हानही तितकंच मोठं आहे. निष्णात आणि अनुभवी वकील हर्षवर्धन जहागिरदार यांच्या विरोधात ऊर्जा पहिल्यांदाच न्यायालयात उभी राहणार आहे. ही केस साधा खटला न राहता, न्यायासाठीचा एक निर्णायक संघर्ष ठरणार आहे. या लढाईत ऊर्जा स्वतःला कशी सिद्ध करते, हे पाहण्यासाठी प्रेक्षकांमध्ये प्रचंड उत्सुकता आहे.
हे पण वाचा.. बिग बॉस मराठी ६ वादात अडकला महेश मोटेच्या व्हिडीओवर जान्हवी किल्लेकरची परखड प्रतिक्रिया
Anushka Sarkate आणि मिलिंद गवळी यांची जोडीही या मालिकेत पहिल्यांदाच एकत्र दिसत आहे. त्यांची ऑनस्क्रीन केमिस्ट्री कथेला अधिक प्रभावी बनवत आहे. ‘वचन दिले तू मला’ ही मालिका दररोज रात्री ९.३० वाजता स्टार प्रवाहवर प्रसारित होत असून, आगामी भागांमध्ये ऊर्जाच्या न्यायलढ्यामुळे मालिकेची रंगत आणखी वाढणार, यात शंका नाही.
हे पण वाचा.. नवरी मिळे हिटलरला फेम राकेश बापटची बिग बॉस मराठी ६ मध्ये दमदार एन्ट्री; सहकलाकाराकडून खास शुभेच्छा
