वनप्लसच्या चाहत्यांसाठी मोठी बातमी! कंपनी लवकरच ‘oneplus 13t’ हा दमदार स्मार्टफोन सादर करू शकते. या नवीन डिव्हाइसमध्ये प्रीमियम फिचर्स असूनही किंमत तुलनेत स्वस्त असण्याची शक्यता आहे.
Table of Contents
मुंबई | प्रतिनिधी
स्मार्टफोन वापरकर्त्यांमध्ये ‘कॉम्पॅक्ट फ्लॅगशिप’ फोनसाठी खास क्रेझ पाहायला मिळते. आकाराने लहान पण कामगिरीत जबरदस्त असलेले हे फोन अनेकदा लोकांच्या पसंतीस उतरतात. त्यामुळे अनेक जण हे फोन लाँच होण्याची उत्सुकतेने वाट पाहत असतात. याच पार्श्वभूमीवर वनप्लस लवकरच आपला नवा फ्लॅगशिप फोन ‘oneplus 13t’ सादर करण्याच्या तयारीत आहे.
अलीकडील रिपोर्ट्सनुसार, वनप्लस 13T हा फोन सॅमसंग गॅलेक्सी S25 आणि अॅपलच्या iPhone 16E शी थेट टक्कर देणारा असणार आहे. विशेष म्हणजे, हा फोन वनप्लस 13 पेक्षा तुलनेत कमी किमतीत आणला जाण्याची शक्यता असूनही त्यामध्ये बऱ्याचशा प्रीमियम फिचर्स मिळणार आहेत.
oneplus 13t डिझाईन आणि डिस्प्ले:
oneplus 13t मध्ये 6.3-इंचाचा 1.5K AMOLED डिस्प्ले असू शकतो जो 120Hz रिफ्रेश रेटसह येईल. स्क्रीनच्या चारही बाजूंनी अल्ट्रा नॅरो बेझल्स असतील, जे डिव्हाइसचा लुक अधिक आकर्षक बनवतील. फोनला ग्लास सॅंडविच डिझाईनसह मेटल फ्रेम मिळेल, ज्यामुळे तो हातात घेतल्यावर एक प्रीमियम फील देतो.
नवा बदल: अलर्ट स्लायडर नाही!
oneplus ने आपल्या नवीन डिव्हाइससाठी एक मोठा बदल केला आहे – कंपनीचा पारंपरिक ‘अलर्ट स्लायडर’ यावेळी हटवण्यात आला आहे. याऐवजी ‘क्विक की’ नावाची नवी बटण देण्यात आली आहे, जी अॅपलच्या ‘ॲक्शन की’सारखीच आहे. ही बटण वापरून वापरकर्ते साउंड प्रोफाइल्स (जसे की सायलेंट, रिंगिंग इ.) सहज बदलू शकतील. याशिवाय, काही अतिरिक्त शॉर्टकट्स आणि AI फिचर्ससाठीही या बटणाचा वापर होऊ शकतो.
oneplus चे संस्थापक पीट लाऊ यांनी या बदलाबद्दल भाष्य करताना सांगितले की, “अलर्ट स्लायडर ही एक हार्डवेअर-आधारित सोय होती, जी तिच्या स्थिर रचनेमुळे लिमिटेड वापरासाठीच होती. मात्र नवीन बटण अधिक फंक्शनल आणि फ्लेक्सिबल आहे.”
हे पण वाचा ..Kia ची EV Pickup ट्रक अमेरिकन बाजारात येणार; 90,000 विक्रीचे वार्षिक लक्ष्य
प्रोसेसर, बॅटरी आणि चार्जिंग:
oneplus 13t मध्ये Qualcomm चा नवीनतम Snapdragon 8 Elite चिपसेट मिळणार असल्याचं सांगितलं जात आहे, जो सध्या टॉप टियर फ्लॅगशिप फोन्समध्ये वापरला जातो. या फोनमध्ये 6200mAh क्षमतेची बॅटरी मिळू शकते, जी 80W फास्ट चार्जिंग सपोर्ट करेल. काही रिपोर्ट्सनुसार, फोनमध्ये 50W वायरलेस चार्जिंग सपोर्टही दिला जाऊ शकतो.
oneplus 13t कॅमेरा
फोटोग्राफीच्या दृष्टीने फोनमध्ये 50MP चा प्रायमरी कॅमेरा दिला जाऊ शकतो, जो OIS (ऑप्टिकल इमेज स्टॅबिलायझेशन) सह येईल. यासोबत 50MP चा 2x टेलीफोटो लेन्सही असणार आहे. मात्र, यावेळी कंपनी अल्ट्रा-वाइड लेन्स स्किप करेल अशी शक्यता वर्तवली जात आहे. फ्रंट कॅमेराबाबत मात्र अद्याप कोणतीही माहिती अधिकृतरीत्या समोर आलेली नाही.
फिंगरप्रिंट सेन्सर आणि अन्य फिचर्स:
oneplus 13t मध्ये कंपनीने आपला पारंपरिक अल्ट्रासॉनिक फिंगरप्रिंट सेन्सर काढून टाकून ऑप्टिकल फिंगरप्रिंट सेन्सर देण्याचा विचार केला आहे. हा बदल उत्पादन खर्च कमी करण्यासाठी असू शकतो.
भारतात लाँच होणार?
सध्या तरी oneplus 13t चा अधिकृत लाँच चीनमध्ये होणार असल्याचं समोर आलं आहे. भारतात त्याचं आगमन कधी होईल याबाबत स्पष्ट माहिती नाही. मात्र काही तज्ञांचे म्हणणे आहे की, भारतात हा फोन ‘वनप्लस 13 मिनी’ या नावाने सादर केला जाऊ शकतो.
oneplus 13t किंमत काय असेल?
चीनमध्ये या फोनची किंमत CNY 4000 ते 4500 दरम्यान असू शकते. म्हणजेच भारतीय चलनात अंदाजे ₹47,000 ते ₹53,000 च्या दरम्यान या फोनची किंमत असू शकते. हे लक्षात घेतलं तर oneplus 13t हा तुलनेत स्वस्त असूनही ‘वनप्लस 13’ प्रमाणेच अनेक फ्लॅगशिप फिचर्ससह सुसज्ज असणार आहे.
हे पण वाचा ..upi payments अडचणींमुळे देशभरातील व्यवहार ठप्प
