Porsche ने आपल्या 2026 Porsche 911 मॉडेल्सच्या किमती वाढवल्या आहेत. किंमत वाढीचं मुख्य कारण डिलिव्हरी शुल्क वाढणं आणि संभाव्य आयात शुल्क आहे.

Porsche ने त्यांच्या प्रतिष्ठितPorsche 911 मॉडेलच्या किंमती वाढवल्या असून, 2026 च्या मॉडेलसाठी नव्या किमती अधिक जास्त असणार आहेत. डिलिव्हरी शुल्क आणि संभाव्य टॅरिफच्या वाढत्या दबावामुळे ही वाढ झाली आहे.

2025 मध्ये $122,095 किंमत असलेल्या 911 कारेरा कूपेची सुरुवातीची किंमत आता $129,950 झाली आहे, म्हणजेच जवळपास $8,000 चा मोठा फरक. त्याचप्रमाणे, कारेरा कॅब्रिओलेट देखील $135,395 वरून $143,150 पर्यंत वाढली आहे.

कारेरा टी आणि जीटीएस मॉडेल्समध्ये अंदाजे $5,000 ची वाढ झाली आहे, तर कारेरा एस आणि जीटी3/जीटी3 टूरिंग प्रकारांमध्ये किंचित वाढ दिसून येते. किंमत वाढ ही फक्त 911 मॉडेल्सपुरती मर्यादित नाही. पोर्शेच्या इतर गाड्या, जसे की पनामेरा, टायकन, पेट्रोलवर चालणारी मॅकन आणि कॅयेन यांच्याही किमती वाढल्या आहेत.

डिलिव्हरी शुल्कामध्येही वाढ

याशिवाय, पोर्शेने त्यांच्या “डिलिव्हरी, प्रोसेसिंग आणि हँडलिंग फी” मध्येही वाढ केली आहे. 2025 मध्ये हे शुल्क $1,995 होते, जे आता 2026 च्या मॉडेलसाठी $2,250 झाले आहे. त्यामुळे केवळ गाडीची मूळ किंमतच नव्हे, तर अंतिम किंमतही ग्राहकांसाठी अधिक वाढलेली असेल.

Porsche 911 अधिक किंमत, अधिक वैशिष्ट्ये

किंमत वाढली असली तरी पोर्शेने काही नवीन वैशिष्ट्ये देखील दिली आहेत. आता बेस 911 कारेरा मॉडेलमध्ये पूर्वी $2,840 मध्ये उपलब्ध असलेले लेदर पॅकेज स्टँडर्ड दिले जात आहे. त्याचबरोबर नवीन “पेंट टू सॅम्पल” रंग पर्याय आणि डेकल्स उपलब्ध करून देण्यात आले आहेत.

नवीन 992.2 मॉडेलमध्ये सुधारणाही करण्यात आल्या आहेत. नव्याने सुधारित इन्फोटेनमेंट सिस्टममध्ये ऍमेझॉन अलेक्सा इंटिग्रेशन, विस्तारित तृतीय-पक्ष अ‍ॅप समर्थन आणि बोस व बर्मेस्टर साउंड सिस्टमसाठी डॉल्बी अ‍ॅटमॉस तंत्रज्ञान यांचा समावेश आहे.

Porsche 911 ची किंमत 2020 पासून 30% ने वाढली

किंमतीत वार्षिक वाढ होणे ही आता सामान्य गोष्ट झाली आहे. पोर्शेसाठीही हे अपवाद नाही.Porsche 992 जनरेशन Porsche 911 जेव्हा 2020 मध्ये लॉन्च झाले, तेव्हा त्याची किंमत $98,750 होती. आता त्याच मॉडेलची किंमत 30% ने वाढली आहे, आणि ही वाढ आणखी वाढण्याची शक्यता आहे, कारण 25% टॅरिफ लागू होऊ शकते.

स्पोर्ट्स कार प्रेमींसाठी ही बातमी निराशाजनक असली तरी पोर्शेच्या ब्रँड व्हॅल्यूमुळे आणि ग्राहकांच्या प्रीमियम सेगमेंटमधील वाढत्या मागणीमुळे ही किंमत वाढ फारसा फटका देणार नाही, असे तज्ज्ञांचे मत आहे. तथापि, भविष्यात पोर्शेच्या मॉडेल्ससाठी अजून मोठ्या किंमती वाढींची शक्यता नाकारता येत नाही.

हे पण वाचा..Xiaomi ने लाँच केला redmi 13X, दमदार कॅमेरा आणि अपग्रेडेड डिझाइनसह बजेट फोन