बिग बॉस मराठी’ विजेता Suraj Chavan त्याच्या पहिल्या मराठी चित्रपटाच्या यशासाठी जेजुरीतील खंडोबा मंदिरात दर्शनासाठी गेला. ‘झापुक झुपूक’ चित्रपट लवकरच प्रदर्शित होणार असून सूरजने खंडोबाच्या चरणी प्रार्थना करत विशेष व्हिडीओ शेअर केला आहे.
मराठी मनोरंजन विश्वात सध्या एका नवख्या पण लवकरच सुपरस्टार होण्याच्या मार्गावर असलेल्या कलाकाराची जोरदार चर्चा सुरु आहे. ‘बिग बॉस मराठी’च्या पाचव्या पर्वातून घराघरात पोहोचलेला सूरज चव्हाण आता रुपेरी पडद्यावर आपलं नशीब आजमावण्यास सज्ज झाला आहे.
आपल्या हटके अंदाजासाठी आणि स्पष्टवक्तेपणासाठी ओळखला जाणारा सूरज सध्या त्याच्या पहिल्या चित्रपटामुळे चर्चेत आहे. केदार शिंदे दिग्दर्शित ‘झापुक झुपूक’ या आगामी चित्रपटासाठी सूरजने खूप मेहनत घेतली आहे आणि आता हा सिनेमा प्रेक्षकांच्या भेटीला येण्यापूर्वी सूरजने खंडोबाच्या चरणी साष्टांग नमस्कार केला आहे.
जेजुरीत Suraj Chavan चा भावनिक क्षण
Suraj Chavan नुकताच जेजुरीच्या खंडोबा मंदिरात दर्शनासाठी गेला होता. यावेळी त्याने आपल्या चित्रपटाच्या यशासाठी खंडोबा देवाच्या चरणी प्रार्थना केली. ‘येळकोट येळकोट जय मल्हार’ च्या गजरात त्याचे आगमन झाले आणि त्यानंतर सूरज थेट गाभाऱ्यात जाऊन दर्शन घेताना दिसला. यावेळी त्याच्या हातात त्याच्या ‘झापुक झुपूक’ या चित्रपटाचे पोस्टर होते, जे त्याने खंडोबाच्या चरणी अर्पण केले. सूरज म्हणाला, “खंडोबा पप्पा, तुमच्या दारात आलो आहे. माझा पिक्चर सुपर डुपर हिट करा, हीच प्रार्थना!”
या भावनिक प्रसंगाचा व्हिडीओ केदार शिंदे यांनी त्यांच्या सोशल मीडिया हँडलवर शेअर केला आणि काही क्षणातच तो व्हायरल झाला. या व्हिडीओमध्ये सूरजचा आत्मविश्वास, श्रद्धा आणि चित्रपटाबद्दलची त्याची भावना स्पष्ट दिसून येते.
हे पण वाचा..जुई गडकरीचा हटके अंदाज: शिमगोत्सवानिमित्त ‘गोमूचा नाच’ करत शेअर केला मजेशीर व्हिडिओ Jui Gadkari
सूरज चव्हाणची बिग बॉस ते सिनेसृष्टीपर्यंतची झेप
सूरज चव्हाणचं नाव सोशल मीडियावर आधीपासूनच चर्चेत होतं. त्याचे विनोदी आणि अतरंगी व्हिडीओ नेहमीच लोकांच्या चर्चेचा विषय ठरत होते. मात्र, ‘बिग बॉस मराठी’च्या पाचव्या पर्वाने त्याला खरी ओळख मिळवून दिली. या शोमध्ये त्याने सुरुवातीला काहीशी गोंधळलेली भूमिका केली असली तरी नंतर त्याने स्वतःच्या शैलीत खेळ रंगवला आणि अखेर विजेतेपदही मिळवलं.
विजेतेपद मिळवल्यानंतर त्याच्या आयुष्यात अनेक बदल घडले. त्याच्या हटके स्वभावामुळे आणि प्रामाणिक बोलण्यामुळे त्याला मोठ्या प्रमाणावर फॅन फॉलोइंग मिळाली. आणि त्याच्या या लोकप्रियतेचाच फायदा आता सिनेसृष्टीत मिळतो आहे.
‘झापुक झुपूक’ चित्रपटाची उत्सुकता शिगेला
‘झापुक झुपूक’ या चित्रपटाच्या घोषणा बिग बॉसच्या मंचावरच केदार शिंदे यांनी केली होती. त्यानंतर या चित्रपटाच्या चित्रीकरणाला वेगाने सुरुवात झाली आणि आता चित्रीकरण पूर्ण होऊन तो प्रदर्शनाच्या मार्गावर आहे. या चित्रपटात सूरज चव्हाणची मुख्य भूमिका असून, त्याचं वेगळं आणि रंजक कथानक प्रेक्षकांसमोर येणार आहे, अशी माहिती मिळते.
सूरजचा हा पहिलाच चित्रपट असल्याने त्याच्या चाहत्यांमध्ये विशेष उत्सुकता आहे. ‘झापुक झुपूक’ चा मुहूर्त डिसेंबर २०२४ मध्ये पार पडला होता आणि आता येत्या २५ तारखेला हा सिनेमा प्रदर्शित होणार आहे.
मराठी चित्रपटसृष्टीत पदार्पण करताना सूरजच्या खांद्यावर मोठी जबाबदारी आहे. बिग बॉस विजेता म्हणून प्रेक्षकांची त्याच्याकडून अपेक्षा मोठी आहे. त्याची नैसर्गिक अभिनयशैली, त्याचं प्रेक्षकांशी नातं आणि त्याच्या व्यक्तिमत्त्वाची उर्जा सिनेमात कशी दिसते, याकडे सगळ्यांचे लक्ष आहे.
Suraj Chavan ने जेजुरीत खंडोबाच्या दर्शनानंतर आपल्या सोशल मीडियावरून चाहत्यांचे आभार मानले आहेत. त्याने लिहिले, “तुमच्या आशीर्वादामुळे आणि प्रेमामुळेच मी आज इथपर्यंत आलो आहे. आता फक्त तुमच्या साथीनं माझा पहिला सिनेमा देखील सुपरहिट होईल याची खात्री आहे.”
हे पण वाचा..yuzvendra chahal चा मिश्कील टोला; ‘प्रायव्हसी’वरून चर्चांना उधाण!
खंडोबा दर्शनादरम्यान चाहत्यांचा गराडा
सूरज जेजुरीत पोहचताच त्याच्या भोवती चाहत्यांची गर्दी झाली. अनेकांनी त्याच्यासोबत सेल्फी आणि फोटो काढले. चाहत्यांचा हा उत्साह पाहता सूरजनेही सगळ्यांना मनापासून वेळ दिला आणि त्यांच्या प्रेमाचा स्वीकार केला. त्याच्या गोड वर्तनामुळे त्याला अनेकांनी पुन्हा एकदा मनापासून शुभेच्छा दिल्या.
चित्रपटासाठी मिळतेय प्रेक्षकांची शुभेच्छा
‘झापुक झुपूक’ चित्रपटाबाबत प्रेक्षकांमध्ये प्रचंड उत्सुकता आहे. सोशल मीडियावर प्रेक्षकांनी Suraj Chavan ला आणि टीमला भरभरून शुभेच्छा दिल्या आहेत. चित्रपटाची टीम देखील प्रेक्षकांच्या या प्रेमामुळे अधिक उत्साही झाली आहे.
