kamali Serial sakhrapuda modla kamli gharabaher kadhli : कमळी या लोकप्रिय मालिकेत सध्या कथानक अत्यंत रंजक वळणावर येऊन ठेपलं आहे. प्रेक्षक ज्या साखरपुड्याची आतुरतेने वाट पाहत होते, त्याच सोहळ्यात मोठा गोंधळ उडताना दिसत आहे. कमळी आणि हृषीच्या नात्यावर आता प्रश्नचिन्ह निर्माण झालं असून, घरातील नातेसंबंधही तुटण्याच्या मार्गावर आहेत.
मालिकेच्या नव्या प्रोमोमध्ये साखरपुड्याची रंगतदार तयारी सुरू असल्याचं दाखवलं आहे. अन्नपूर्णा आजी स्वतः पुढाकार घेत कमळीचं लग्न हृषीशी ठरवतात. या निर्णयामुळे घरात आनंदाचं वातावरण असलं तरी काहींच्या मनात नाराजीही दडलेली आहे. विशेषतः हृषीवर एकतर्फी प्रेम करणारी अनिका या निर्णयाने अस्वस्थ होते आणि कामिनीच्या मदतीने साखरपुड्यात अडथळा आणण्याचा कट रचते.
सोहळ्यादरम्यान सर्व काही सुरळीत सुरू असताना अचानक कामिनी हातात लॅपटॉप घेऊन समोर येते आणि समारंभ थांबवते. यानंतर ती एक व्हिडिओ क्लिप दाखवते, ज्यामुळे संपूर्ण वातावरण बदलून जातं. या व्हिडिओमुळे घरातील अनेक लपलेली सत्यं उघडकीस येण्याची चिन्हं दिसतात.
या सगळ्यात सर्वात मोठा धक्का अन्नपूर्णा आजींना बसतो. त्या कमळीला शपथ घ्यायला सांगतात आणि तिच्याकडून सत्य कबूल करून घेतात. मात्र, कमळी स्वतःच या सत्यापासून अनभिज्ञ असल्याने परिस्थिती अधिक गुंतागुंतीची बनते. आजींना आणखी त्रास होऊ नये म्हणून ती जे काही समजतं ते मान्य करते आणि माफी मागते.
कमळीचं हे कबूल करणं अन्नपूर्णा आजींना मान्य होत नाही. त्या संतापाच्या भरात तिला चपराक मारतात आणि घराबाहेर जाण्याचा आदेश देतात. “आजपासून तू या घरात आणि माझ्या आयुष्यात नाहीस,” असं ठामपणे सांगत त्या कमळीला दूर लोटतात. या प्रसंगाने राजनही पूर्णपणे हतबल झालेला दिसतो.
हे पण वाचा.. सावळ्याची जणू सावली’ फेम भाग्यश्री दळवी कोकणात; मराठमोळा अंदाज चर्चेत
शेवटी कमळी अश्रूंनी डोळे भरून घर सोडते. तिच्या आयुष्यातील हा टप्पा अत्यंत वेदनादायक ठरतो. या सगळ्या घटनांमुळे कमळी आणि हृषीचा साखरपुडा देखील मोडतो, ज्यामुळे प्रेक्षकांनाही मोठा धक्का बसला आहे.
दरम्यान, Zee Marathi वर प्रसारित होणाऱ्या या मालिकेच्या प्रोमोवर प्रेक्षकांनी नाराजी व्यक्त केली आहे. कथानक लांबवण्यात येत असल्याची भावना अनेकांनी व्यक्त केली असून, आईच्या भूमिकेवरही प्रश्न उपस्थित केले जात आहेत.
हे पण वाचा.. वीण दोघांतली ही तुटेना मध्ये नवा ट्विस्ट! पूर्वा गोखलेच्या एन्ट्रीच्या चर्चांना उधाण
kamali Serial sakhrapuda modla kamli gharabaher kadhli
आता पुढे या मालिकेत काय घडणार, कमळीचं खरं सत्य कधी समोर येणार आणि तिच्या आयुष्याला नवं वळण मिळणार का, याकडे प्रेक्षकांचं लक्ष लागलं आहे.
