deepali sayyad on rakhi sawant big boss marathi 6 controversy : “‘बिग बॉस मराठी 6’”चा यंदाचा सीझन संपल्यानंतरही घरातील वाद आणि चर्चांना अजूनही उधाण आलेलं दिसत आहे. या सीझनमध्ये टॉप-५ स्पर्धकांमध्ये स्थान मिळवलेल्या दिपाली सय्यद यांनी नुकत्याच दिलेल्या मुलाखतीत राखी सावंत हिच्या वक्तव्यांवर स्पष्ट आणि ठाम प्रतिक्रिया दिली आहे.
सीझनदरम्यान राखी सावंतने दिपाली आणि राकेश बापट यांच्याबद्दल केलेल्या वक्तव्यांमुळे मोठा वाद निर्माण झाला होता. दिपाली विवाहित असूनही तिचं राकेशसोबत अफेअर असल्याचा आरोप राखीने केला होता. या आरोपांवर आता दिपालीने आपली बाजू मांडताना नाराजी व्यक्त केली आहे.
माध्यमांशी संवाद साधताना दिपाली म्हणाल्या की, राखीला त्या आधीपासून ओळखत होत्या आणि तिचा त्यांच्या कुटुंबाशीही संबंध आहे. अशा परिस्थितीत केवळ खेळ जिंकण्यासाठी एखाद्याबद्दल चुकीचं बोलणं योग्य नसल्याचं त्यांनी स्पष्ट केलं. “मी घरात प्रत्येकाला आपलंसं मानलं, पण माझं आणि राकेशचं नातं पाहून राखीने ज्या पद्धतीने प्रतिक्रिया दिली, ती खूप खालच्या पातळीची होती,” असं त्या म्हणाल्या.
दिपाली पुढे म्हणाल्या की, शोमध्ये दाखवण्यात आलेल्या भागांपेक्षा राखीने अधिक काही बोललं होतं, जे प्रेक्षकांपर्यंत पोहोचलं नाही. “ती जे बोलली ते ऐकल्यावर कोणालाही प्रश्न पडेल की मी इतकं कसं सहन केलं,” असंही त्यांनी नमूद केलं.
या सगळ्या प्रसंगादरम्यान स्वतःकडूनही एक अपशब्द निघाल्याचं त्यांनी मान्य केलं. मात्र, त्याबद्दल त्यांनी राखीकडे माफीही मागितल्याचं सांगितलं. “माझा संयम तुटला होता, पण मला तसं बोलायचं नव्हतं,” असं त्या स्पष्टपणे म्हणाल्या.
हे पण वाचा.. राखी सावंत”बद्दल विशाल कोटियनचं मोठं वक्तव्य; झोपल्यानंतर आणि सकाळी उठण्याआधीच…
आपल्या वैयक्तिक आयुष्याबद्दल बोलताना दिपाली म्हणाल्या की, त्यांनी २७ वर्षांचा संसार सांभाळला आहे आणि तो टिकवणं सोपं नाही. त्यामुळे अशा प्रकारचे आरोप त्यांना सहन झाले नाहीत. “एका स्त्रीसाठी तिचा संसार खूप महत्त्वाचा असतो, आणि त्यावर प्रश्नचिन्ह उभं करणं खूप वेदनादायक असतं,” असं त्यांनी सांगितलं.
शेवटी त्यांनी सांगितलं की, राखीने नंतर माफी मागितली खरी, पण ती स्वतःहून यायला हवी होती. “स्त्रीने स्त्रीचा आदर केला पाहिजे. आपणच एकमेकांना समजून घेतलं नाही, तर इतरांकडून काय अपेक्षा ठेवायची?” असा सवालही त्यांनी उपस्थित केला.
हे पण वाचा.. महाराष्ट्रात मराठीच चालेल! – रिक्षाचालक वडिलांचा ठाम आवाज; अक्षय केळकरचा व्हिडिओ चर्चेत
deepali sayyad on rakhi sawant big boss marathi 6 controversy
‘बिग बॉस मराठी 6’ संपल्यानंतरही या वादामुळे प्रेक्षकांमध्ये चर्चा सुरूच असून, दिपाली सय्यद यांच्या या प्रतिक्रियेनंतर या प्रकरणाला नव्याने वळण मिळालं आहे.
