smita shewale entry in gharo ghari matichya chuli serial : मराठी मनोरंजन विश्वात सध्या अनेक कलाकारांच्या कमबॅकची चर्चा रंगत आहे. प्रेक्षकांना आवडणारे चेहरे पुन्हा एकदा छोट्या पडद्यावर दिसू लागले आहेत. अशातच आता आणखी एक मोठं नाव या यादीत सामील झालं आहे. लोकप्रिय अभिनेत्री स्मिता शेवाळे तब्बल दोन वर्षांच्या विश्रांतीनंतर पुन्हा एकदा प्रेक्षकांच्या भेटीला येणार आहे.
स्मिता शेवाळे ही मराठी चित्रपटसृष्टीतील एक ओळखलेलं नाव आहे. ‘यंदा कर्तव्य आहे’ या चित्रपटातून तिने प्रेक्षकांच्या मनावर ठसा उमटवला होता. त्या चित्रपटातील “आभास हा…” हे गाणं आजही चाहत्यांच्या ओठांवर आहे. तिच्या अभिनयाची वेगळी छाप प्रेक्षकांना नेहमीच भावली आहे. काही काळापूर्वी ती ‘मुरांबा’ या मालिकेतही महत्त्वपूर्ण भूमिकेत दिसली होती. मात्र, त्या मालिकेतून बाहेर पडल्यापासून ती पडद्यापासून दूर होती.
आता स्मिता शेवाळे ‘घरोघरी मातीच्या चुली’ या लोकप्रिय मालिकेतून पुनरागमन करत आहे. ही मालिका सध्या अत्यंत महत्त्वाच्या टप्प्यावर पोहोचली असून कथानकात मोठे बदल घडताना दिसत आहेत. रणदिवे कुटुंबाभोवती फिरणाऱ्या या कथेत मायाच्या व्यक्तिमत्त्वाचं खरं रूप समोर आल्यानंतर वातावरण अधिकच तापलं आहे. जानकी, ऐश्वर्या आणि अवंतिका या तिघी सुनांनी मायाविरोधात उघडपणे उभं राहण्याचा निर्णय घेतला आहे.
या संघर्षाला आता कायदेशीर वळण मिळणार आहे. मालिकेत लवकरच कोर्टरूम ड्रामा पाहायला मिळणार असून याच ठिकाणी स्मिता शेवाळेची दमदार एन्ट्री होणार आहे. ती ‘गीतांजली सरंजामे’ या अनुभवी आणि यशस्वी वकिलाची भूमिका साकारणार आहे. तिचं पात्र अत्यंत आत्मविश्वासू, हुशार आणि आपल्या कामात पारंगत असं दाखवण्यात आलं आहे. विशेष म्हणजे, तिच्या कारकिर्दीत तिने एकही केस हरलेली नसल्याचं कथेत अधोरेखित केलं आहे.
मायाच्या बाजूने केस लढवण्यासाठी गीतांजली सरंजामे मैदानात उतरणार आहे, तर दुसऱ्या बाजूला जानकी आणि तिच्या कुटुंबासाठी लढणाऱ्या अवंतिकासोबत तिचा थरारक सामना रंगणार आहे. त्यामुळे मालिकेत येणारा कोर्टरूम ट्रॅक प्रेक्षकांसाठी खास आकर्षण ठरणार आहे.
हे पण वाचा.. ८५ दिवसांनंतर घरी परतलेल्या सागर कारंडेला कुटुंबीयांचं खास सरप्राइज
स्मिता शेवाळेच्या या कमबॅकमुळे ‘घरोघरी मातीच्या चुली’ मालिकेला एक वेगळीच ऊर्जा मिळणार असल्याचं मानलं जात आहे. तिच्या अभिनयामुळे कथानकात आणखी रंगत येणार हे नक्की. आता या कायदेशीर लढाईत विजय कुणाचा होणार, याकडे प्रेक्षकांचं लक्ष लागलं आहे.
हे पण वाचा.. मालिकेत मोठा ट्विस्ट, सावली-सारंगच्या नात्यात दुरावा
smita shewale entry in gharo ghari matichya chuli serial
दरम्यान, ही मालिका दररोज रात्री १०:३० वाजता स्टार प्रवाहवर प्रसारित होत असून प्रेक्षकांकडून तिला चांगला प्रतिसाद मिळत आहे.
