tarini kedar bhandan navin twist : झी मराठीवरील लोकप्रिय मालिका Tarini सध्या कथानकातील अनपेक्षित घडामोडींमुळे चर्चेत आली आहे. गुन्हेगारीविरोधात लढणाऱ्या धाडसी अधिकाऱ्याची भूमिका साकारणारी तारिणी आणि तिचा सहकारी केदार यांची जोडी प्रेक्षकांच्या पसंतीस उतरली आहे. त्यांच्या नात्यातील गुंतागुंत आणि कामातील जबाबदारी यांचा समतोल ही मालिकेची खासियत ठरली आहे. आता मात्र या दोघांच्या आयुष्यात मोठा भावनिक वळण येताना दिसत आहे.
मालिकेनुसार तारिणी ही स्पेशल क्राइम युनिटची प्रमुख आहे. समाजात घडणाऱ्या गुन्ह्यांचा तपास करताना ती आणि तिची टीम पडद्यामागे राहून काम करत असते. या युनिटचं अस्तित्व लोकांना माहीत असलं तरी त्यातील सदस्य आणि त्यांची कार्यपद्धती गुप्त ठेवली जाते. अशाच एका महत्त्वाच्या प्रकरणाचा छडा लावण्यासाठी तारिणी आणि केदार सध्या खांडेकर कुटुंबात पती-पत्नी म्हणून राहत आहेत. प्रत्यक्षात त्यांचं लग्न झालेलं नसतानाही परिस्थितीमुळे त्यांनी हे नातं स्वीकारल्याचं दाखवलं गेलं आहे.
आता समोर आलेल्या नव्या प्रोमोमुळे कथानकाला नवा ट्विस्ट मिळाला आहे. खांडेकर कुटुंब त्यांच्या नात्याला खरं रूप देत सर्वांच्या उपस्थितीत लग्न लावून देण्याचा विचार करत असल्याचं दाखवण्यात आलं आहे. ही गोष्ट ऐकून तारिणी स्पष्ट शब्दांत नकार देते. “सारखी तीच चूक केली तर ती घोडचूक ठरते,” असं म्हणत ती लग्नाला तयार नसल्याचं सांगते. तिच्या या भूमिकेमुळे केदार भावनिक होतो आणि “तुझ्यावर प्रेम करण्यात कुठे कमी पडलो?” असा सवाल करतो.
यापुढे दोघांमध्ये तीव्र वाद रंगतो. तारिणी केदारच्या स्वभावावर प्रश्न उपस्थित करते, तर केदारही संतापून “मला तुझ्याबरोबर राहायचं नाही” असं म्हणतो. त्यावर तारिणीही बॅग उचलून घर सोडण्याचा निर्णय घेत असल्याचं दिसतं. कौशिकी त्यांना समजावण्याचा प्रयत्न करते; मात्र भांडण थांबत नाही. मात्र, या सगळ्यामागे खऱ्या लग्नापासून स्वतःला वाचवण्यासाठी दोघं मुद्दाम भांडणाचं नाटक करत असल्याची शक्यता प्रोमोमधून सूचित होते.
हे पण वाचा.. गेल्या ६ ते ८ महिन्यांपासून तणाव आणि चिंता…”प्रियदर्शन जाधव ची भावनिक पोस्ट चर्चेत
Tarini मालिकेच्या या घडामोडींमुळे प्रेक्षकांमध्ये प्रचंड उत्सुकता निर्माण झाली आहे. तारिणी आणि केदार खरंच वेगळे होणार की हा सगळा डाव तपासाचा भाग आहे, याचं उत्तर आगामी भागांत मिळणार आहे. मालिकेच्या अधिकृत सोशल मीडियावर शेअर केलेल्या या प्रोमोला चाहत्यांचा मोठा प्रतिसाद मिळत असून पुढे काय घडणार याकडे सर्वांचे लक्ष लागले आहे. भावनिक ताण, रहस्य आणि नात्यातील संघर्ष यांचा मिलाफ असलेला हा ट्रॅक Tarini मालिकेला आणखी रंजक बनवणार, यात शंका नाही.
हे पण वाचा.. Shiv Jayanti 2026: शिवनेरीच्या पायथ्याशी ‘रुचिरा जाधव’ची शिवगर्जना; व्हिडीओ पाहून अंगावर येतो शहारा
