bigg boss marathi 6 rakhi prajakta vad bhaucha dhakka : बिग बॉस मराठी ६ मध्ये ड्रामा, वाद आणि भावनिक संघर्ष यांचा सिलसिला काही केल्या थांबत नाहीये. घरात ‘ड्रामा क्वीन’ म्हणून ओळखली जाणारी राखी सावंत हिने वाइल्ड कार्ड एन्ट्री केल्यापासून अनेक स्पर्धकांशी थेट वाद घातले आहेत. तिच्या स्पष्ट आणि आक्रमक बोलण्यामुळे घरातील वातावरण अनेकदा तापलेलं दिसतं. आता भाऊच्या धक्क्यावर होणाऱ्या खास व्हॅलेंटाइन्स स्पेशल अॅक्टिव्हिटीदरम्यान राखी आणि प्राजक्ता शुकरे यांच्यातील वाद चव्हाट्यावर येणार आहे.
समोर आलेल्या नव्या प्रोमोमध्ये भाऊच्या धक्क्यावर स्पर्धकांना त्यांच्या आवडत्या सदस्यांना गुलाब, तर नावडत्यांना काटे देण्याची टास्क देण्यात आली आहे. याच अॅक्टिव्हिटीदरम्यान राखी सावंत प्राजक्ताबद्दल एक वादग्रस्त वक्तव्य करते. “तुझ्यात खूप विष आहे,” असं राखी म्हणताच प्राजक्ताचा संयम सुटतो. ती थेट बिग बॉसला प्रश्न विचारते की, “हे काय पाठवलंय? हे सगळं आम्हाला झेलावं लागतंय.” तिच्या या प्रतिक्रियेमुळे क्षणात वातावरण तंग झाल्याचं दिसतं.
राखी मात्र आपल्या भूमिकेवर ठाम राहते. “मला जे करायचंय ते मी करत राहणार,” असं म्हणत ती प्राजक्ताच्या संतापाकडे दुर्लक्ष करते. यावर प्राजक्तानेही माघार न घेता सडेतोड उत्तर दिलं. “तुझी पर्सनॅलिटी मी नीट ओळखते,” असं ती स्पष्टपणे म्हणते. त्यावर राखी लगेच पलटवार करत, “मला सर्टिफिकेट देऊ नकोस,” असं म्हणते. या शाब्दिक चकमकीमुळे भाऊच्या धक्क्यावरचा भाग अधिकच रंगतदार होणार असल्याचं स्पष्ट आहे.
Bigg Boss Marathi 6 च्या या आठवड्यात आणखी एक मोठी घडामोड म्हणजे डबल एव्हिक्शनची चर्चा. आजच्या भागात घरातून दोन स्पर्धकांचा प्रवास संपणार असल्याचं बोललं जात आहे. गुलाब आणि काट्यांच्या टास्कमधून कोण कोणाच्या बाजूने उभं राहतं, आणि कोणाला घरात नकारात्मक मतं मिळतात, हे पाहणंही तितकंच महत्त्वाचं ठरणार आहे.
हे पण वाचा.. लग्नानंतर होईलच प्रेम : पार्थकडून काव्याचा स्वीकार, रम्याच्या मनात वादळ; कथानकाला नवा वळण
राखी सावंतच्या वादग्रस्त वक्तव्यांमुळे आणि प्राजक्ताच्या ठाम भूमिकेमुळे हा भाग प्रेक्षकांसाठी नक्कीच चर्चेचा ठरणार आहे. भाऊच्या धक्क्यावर नेमकं काय घडणार, आणि डबल एव्हिक्शनमध्ये कोणते चेहरे बाहेर पडणार, याकडे संपूर्ण महाराष्ट्राचं लक्ष लागलं आहे.
हे पण वाचा.. महेश मांजरेकरांची मानलेली लेक मराठी सिनेसृष्टीत का ठरतेय चर्चेचा विषय?
