bigg boss marathi 6 roshan tanvi vad : बिग बॉस मराठी ६ सध्या चांगलाच चर्चेत आहे. सहाव्या पर्वाची सुरुवात होताच घरातील वातावरण तापलेलं पाहायला मिळत आहे. यंदा एकूण १७ स्पर्धकांनी घरात प्रवेश केला असून प्रत्येक जण आपली भूमिका ठामपणे मांडताना दिसतोय. प्राजक्ता शुक्रे, अनुश्री माने, रोशन भजनकर, तन्वी कोलते, रुचिता जामदार, करण सोनावणे, केश बापट, दिव्या शिंदे, राधा पाटील, ओमकार राऊत, विशाल कोटीयन, दिपाली सय्यद, सागर कारंडे, सचिन कुमावत, सोनाली राऊत, आयुष संजीव आणि प्रभू शेळके उर्फ डॉन हे सर्व स्पर्धक घरात आपलं अस्तित्व सिद्ध करण्यासाठी झटत आहेत.
घरात प्रवेश केल्यानंतर काही दिवसांतच वाद-विवाद, मतभेद आणि गटबाजी सुरू झाल्याचं स्पष्ट दिसत आहे. काही स्पर्धक एकमेकांना भाऊ-बहिणीसारखं मानत असल्याचं बोलून दाखवत आहेत, तर काही जण पाठीमागे बोलण्याचा मार्ग निवडत आहेत. काही वेळा भाषा मर्यादा ओलांडताना देखील दिसली आहे. याच कारणामुळे ‘भाऊच्या धक्क्यावर’ चुकीच्या वागणुकीबद्दल होस्ट रितेश देशमुख यांनी स्पर्धकांची कानउघडणी केल्याचं पाहायला मिळालं.
आता रविवारच्या विशेष एपिसोडकडे सगळ्यांचं लक्ष लागलं आहे. समोर आलेल्या नव्या प्रोमोमध्ये Bigg Boss Marathi 6 चा खेळ आणखी रंगतदार होणार असल्याचे संकेत मिळत आहेत. याआधी ‘चान्स पे डान्स’ या टास्कमध्ये स्पर्धक वेगवेगळ्या गाण्यांवर नाचताना दिसले. प्रभू शेळकेने ‘चंद्रा’ गाण्यावर केलेला डान्स विशेष लक्ष वेधून घेत होता.
मात्र आता आणखी एका टास्कने घरात खळबळ उडवली आहे. प्रोमोमध्ये गोण्यांवर स्पर्धकांचे फोटो लावलेले दिसतात आणि रितेश देशमुख स्पर्धकांना घरात नको असलेले, म्हणजेच ‘टाकाऊ’ सदस्य निवडण्याचं आव्हान देतात. प्रत्येक स्पर्धक आपलं मत मांडत एखाद्या सदस्याचं पोस्टर असलेली गोणी बाजूला काढतो.
टास्कदरम्यान रोशन भजनकरने तन्वी कोलतेचं नाव घेतल्याने वाद उफाळतो. रोशनच्या म्हणण्यानुसार, तन्वीने त्याला भाऊ मानलं होतं, पण महत्त्वाच्या क्षणी पाठिंबा दिला नाही. यावर तन्वी स्पष्टपणे उत्तर देत, “तुझी कॅप्टन्सी विशाल चालवणार असेल, तर मी तुझ्यासाठी खेळणार नाही,” असं म्हणते. या वक्तव्यामुळे रोशन चिडतो आणि गैरसमज झाल्याचं सांगत दुटप्पीपणाचा आरोप करतो.
कलर्स मराठीने हा प्रोमो शेअर करत “नवीन टास्क सगळ्यांची परीक्षा घेणार, कोण टाकाऊ आणि कोण टिकाऊ हे ठरवणार,” अशी कॅप्शन दिली आहे. याआधी झालेल्या कॅप्टन्सी टास्कचा संदर्भ पुन्हा पुढे आल्याने जुन्या जखमा ताज्या झाल्याचं दिसत आहे.
हे पण वाचा.. बिग बॉसचा जुना वाद पुन्हा पेटणार? आर्या जाधव ची ‘The 50’ मध्ये एण्ट्री, निक्कीसोबत आमनेसामने येणार
आता Bigg Boss Marathi 6 मध्ये पुढील दिवसांत समीकरणं कशी बदलणार, कोणाचे खरे मित्र उघड होणार आणि कोण बाहेरचा रस्ता धरू शकतो, हे पाहणं प्रेक्षकांसाठी नक्कीच उत्सुकतेचं ठरणार आहे.
हे पण वाचा.. ठरलं तर मगच्या धावपळीतून ब्रेक! जुई गडकरीची थेट ‘डिस्ने’ सफर, फोटो पाहून चाहते खुश
