tharala tar mag sachin priya sayli new twist : स्टार प्रवाहवरील लोकप्रिय मालिका Tharala Tar Mag सध्या जबरदस्त वळणावर पोहोचली असून ५ जानेवारीच्या भागाने प्रेक्षकांना एकामागून एक धक्के दिले. एका बाजूला सायली आणि प्रियामधील तणाव अधिक तीव्र होताना दिसला, तर दुसरीकडे सचिनने केलेल्या कृत्यामुळे त्याच्या स्वभावावर पुन्हा एकदा प्रश्नचिन्ह उभं राहिलं आहे.
अस्मिताची प्रकृती सुधारावी म्हणून सायलीने घरात गेट टुगेदरचं आयोजन करण्याचा निर्णय घेतला. संपूर्ण घर त्याच्या तयारीला लागलेलं असताना सायली मात्र अर्जुनकडे दुर्लक्ष करत अस्मिताची विशेष काळजी घेताना दिसली. याच दरम्यान पूर्णा आजींनी प्रियाच्या मनमानी वागण्यावर चांगलाच लगाम घातला. कोणालाही न सांगता बाहेर जाणं, खोटं बोलणं आणि घरात वाद निर्माण करणं, या सगळ्याबद्दल आजींनी प्रियाला स्पष्ट शब्दांत सुनावलं. शिक्षेचा भाग म्हणून गेट टुगेदरपूर्वी संपूर्ण घर स्वच्छ करण्याची जबाबदारी प्रियावर टाकण्यात आली, ज्यामुळे ती प्रचंड चिडली.
दरम्यान, प्रियाच्या आयुष्यातील गुपित हळूहळू उघड होऊ लागलं. साफसफाई करत असताना नागराजचा फोन आल्यानंतर ती बागेत जाऊन महिपतविषयी बोलताना सायलीच्या कानावर पडते. महिपतला पकडण्याच्या प्लॅनमध्ये आपण सगळ्यात जास्त मेहनत घेतल्याचं आणि तरीही आपल्याला बाजूला काढल्याचं प्रिया बोलून दाखवते. फुलं तोडण्यासाठी आलेली सायली हे सगळं ऐकते आणि प्रियाला थेट जाब विचारते. मात्र प्रिया वेळ मारून नेण्याचा प्रयत्न करते. तरीही सायली स्पष्ट शब्दांत इशारा देते की, घराच्या शत्रूशी संबंध ठेवणं खपवून घेतलं जाणार नाही.
Tharala Tar Mag च्या या भागात सचिनचा खरा चेहराही पुन्हा एकदा समोर आला. अस्मिताशी खोटेपणा करत असतानाच तिला मनवण्यासाठी पैसे नसल्याचं कारण पुढे करत तो साक्षीला फोन करतो. भावनिक नाटक करत तो तिच्याकडून थेट एक लाख रुपये उकळतो आणि त्यावर समाधान मानतो. बायकोसाठी गिफ्ट घेण्यासाठी गर्लफ्रेंडकडून पैसे घेण्याइतका निर्लज्जपणा सचिन करू शकतो, हे पाहून प्रेक्षकही संतप्त झाले आहेत.
हे पण वाचा.. सावळ्याची जणू सावली’मधील सावलीची मोहिनी कायम; सोशल मीडियावर प्राप्ती रेडकरचा लाल ड्रेसमधील व्हिडीओ चर्चेत
याचवेळी नागराजच्या कैदेत असलेला महिपत सुटण्याचा डाव आखत असून, त्याच्या हालचालींमुळे सुमन, रविराज आणि प्रतिमाला नागराजवर अधिकच संशय येतो. पुढील भागात हा संशय कुठल्या दिशेने जाणार आणि सायली प्रियाचं सत्य सगळ्यांसमोर आणणार का, हे पाहणं प्रेक्षकांसाठी उत्सुकतेचं ठरणार आहे. Tharala Tar Mag सध्या नाट्यमय वळणांमुळे चर्चेत असून पुढील भागांमध्ये आणखी मोठे खुलासे होण्याची शक्यता आहे.
