laxmichya paulani new twist promo update : छोट्या पडद्यावरील लोकप्रिय मालिका लक्ष्मीच्या पाऊलांनी (Laxmichya Paulani) सध्या एका महत्त्वाच्या आणि भावनिक वळणावर पोहोचली आहे. काही दिवसांपूर्वी घेतलेल्या सहा महिन्यांच्या लीपनंतर मालिकेत अनेक बदल झाले. ईशा केसकरच्या एक्झिटनंतर नक्षत्रा मेढेकरची झालेली एन्ट्री प्रेक्षकांसाठी उत्सुकतेचा विषय ठरली होती. आता या कथानकात आणखी एक मोठा रहस्यांचा धक्का देणारा ट्विस्ट समोर आला असून, चाहत्यांमध्ये याची जोरदार चर्चा सुरू आहे.
स्टार प्रवाहने त्यांच्या अधिकृत सोशल मीडिया पेजवरून लक्ष्मीच्या पाऊलांनी मालिकेचा नवा प्रोमो शेअर केला आहे. या प्रोमोमध्ये अद्वैतच्या जीवनाला हादरा देणारा सत्याचा क्षण दाखवण्यात आला आहे. कालाच्या मृत्यूनंतर चांदेकरांच्या घरी नर्स म्हणून दाखल झालेली सुकन्या, नकळतपणे कलाशी जोडलेली एक महत्त्वाची दुवा ठरते. तिला अचानक पर्समध्ये सापडलेल्या छोट्याशा चिठ्ठीतून संपूर्ण प्रकरणाचे धागेदोरे हाताला लागतात.
चिठ्ठी वाचल्यानंतर अद्वैतसमोर कलाच्या मृत्यूमागचे खरे कारण उघड होतं. राहुल आणि रोहिणीने चांदेकरांची प्रॉपर्टी हडपण्याचा रचलेला डाव आणि त्या डावात कलाला सामोरी लागलेली भीषण परिणती हे पाहून अद्वैत स्तब्ध होतो. “रोहिणीआत्या आणि राहुलनं माझ्या कलाला…,” असं म्हणताना त्याचा आवाज कापतो, तर सुकन्या त्याला या लढाईत ठामपणे सोबत देण्याचं आश्वासन देते.
या निर्णायक क्षणानंतर अद्वैत काय पावलं उचलणार, कलाला न्याय मिळवण्यासाठी तो कसा लढणार आणि राहुल-रोहिणीला कोणती शिक्षा मिळणार, या प्रश्नांभोवती पुढील भाग फिरणार आहेत. प्रोमोच्या शेवटच्या क्षणांमध्ये सुकन्याची त्याच्या पाठीशी उभी राहण्याची तयारीही कथानकाला नवं वळण देणारी ठरते.
हे पण वाचा.. लोणावळ्यात धामधूमीत पार पडला सोहम–पूजाचा राजेशाही सोहळा, फोटो सोशल मीडियावर व्हायरल
५ ते ८ डिसेंबरदरम्यान प्रसारित होणाऱ्या भागांमध्ये या घडामोडींचा परिणाम स्पष्टपणे दिसणार असून, चाहत्यांमध्ये या ट्रॅकबद्दल प्रचंड उत्सुकता आहे. लक्ष्मीच्या पाऊलांनी मालिकेच्या या रहस्यमय आणि भावनिक ट्विस्टमुळे कथा अधिक रंगतदार बनली असून, आगामी भाग प्रेक्षकांना उत्कंठावर्धक अनुभव देणार हे निश्चित.
हे पण वाचा.. प्राजक्ता गायकवाडचा रॉयल विवाहसोहळा चर्चेत; शंभुराजसोबत नव्या आयुष्याची सुंदर सुरुवात!
