tharala tar mag mahipati 22 years accident mystery : ‘ठरलं तर मग’ही लोकप्रिय मालिका सध्या एका नव्या वळणावर पोहोचली आहे. अनेक वर्षांपासून धूसर राहिलेलं एक गूढ नुकतंच सायली आणि अर्जुनच्या हातात येऊ लागलं असून या दोघांनी काढलेली नवी चाल पुढील भागांमध्ये मोठा खुलासा घडवू शकते. २२ वर्षांपूर्वी घडलेला रविराज आणि प्रतिमा आत्यांचा अपघात निव्वळ योगायोग नव्हता, तर त्यामागे कुणीतरी पक्कं डाव खेळला होता, हे संकेत आता स्पष्टपणे दिसत आहेत. या सगळ्यामध्ये महिपत शिखरेचं नाव वारंवार पुढे येत असल्याने मिस्टर अँड मिसेस सुभेदारांनी या रहस्याच्या मागचे प्रत्येक धागे नीट जोडण्यासाठी एक वेगळाच प्लॅन आखला आहे.
सायलीला मंदिरात प्रतिमा आत्यासोबत असताना महिपत दिसताच तिला अचानक चक्कर आली. त्या क्षणाने सायलीच्या मनातल्या शंकांना नवी धार मिळाली. घरात परतल्यावर तिने संपूर्ण घटना अर्जुन आणि रविराजसमोर मांडली. त्यानंतर तिने प्रतिमेला पुन्हा महिपतचा फोटो दाखवल्यावर प्रतिमा घाबरल्याशिवाय राहू शकली नाही. तिच्या त्या प्रतिक्रियेमुळे सायली-अर्जुनला खात्री झाली की २२ वर्षांपूर्वीचा अपघात आणि महिपत यांच्यात काहीतरी खोल संबंध आहे.
हे सत्य उघड करण्यासाठी या दोघांनी एक वेगळं पाऊल उचलण्याचं ठरवलं. ज्याठिकाणी अपघात झाला, त्याच ठिकाणी महिपतला निनावी फोन करून बोलावण्यात आलं. अर्जुनने त्याला २२ वर्षांपूर्वीच्या घटनेचे पुरावे देण्याचे आमिष दाखवले. लोकेशनवर पोहोचताच महिपतच्या नजरेस एका मोठ्या बॅनरवर ट्रक ड्रायव्हर बाबूचा फोटो दिसला—याच व्यक्तीने कधी रविराज यांच्या गाडीला धडक दिली होती. हा फोटो पाहताच महिपत क्षणभर दचकला आणि तेवढ्यात अर्जुनला त्याच्या शंकेची शंभर टक्के खात्री पटली.
या घडामोडींमुळे महिपतचा अपघाताशी असलेला संबंध आता जवळजवळ सिद्ध होत चालला आहे. मात्र अजूनही या दोघांना महिपत आणि किल्लेदार कुटुंबातील जुना दुवा नक्की काय होता, हे शोधायचं आहे. येत्या भागांमध्ये अर्जुन-सायली या कोड्याचं उत्तर शोधताना अनेक दडलेले सत्य उघड करणार आहेत.
हे पण वाचा.. यामुळे लक्ष्मीच्या पावलांनी मालिकेतून ईशा केसकरने घेतला निरोप! सांगितलं खरं कारण
Tharala Tar Mag प्रेक्षकांसाठी आता खरी उत्कंठा या प्रश्नाभोवती फिरते—या शोधात सायली-अर्जुनला तिच्या स्वतःच्या भूतकाळाचा धागा मिळणार का? आणि नागराजची या सगळ्यातील भूमिका अखेर कधी उघडकीस येणार? येणाऱ्या भागांमध्ये या रहस्याला उकल मिळण्याची मोठी शक्यता आहे.
हे पण वाचा.. अभिनेत्री पूजा बिरारीच येड लागलं प्रेमाचं मालिकेच्या सेटवर पार पडलं केळवण
