soham bandekar wedding first kelvan marathi news : आदेश आणि सुचित्रा बांदेकर यांचा लाडका मुलगा, अभिनेता आणि निर्माता सोहम बांदेकर (soham bandekar) सध्या त्याच्या लग्नाच्या तयारीमुळे चर्चेत आहे. बांदेकरांच्या घरी लग्नाचा जल्लोष सुरू झाला असून नुकतंच सोहमच्या आयुष्यातील पहिलं केळवण मोठ्या थाटामाटात पार पडलं. या खास सोहळ्याला मराठी मनोरंजन विश्वातील अनेक प्रसिद्ध चेहरे उपस्थित होते.
‘ठरलं तर मग’ मालिकेत ‘प्रतिमा आत्या’ची भूमिका साकारलेली अभिनेत्री शिल्पा नवलकर, सुकन्या मोने, पूर्वा गोखले आणि अभिजीत केळकर हे सगळे कलाकार सोहमच्या आनंदात सहभागी झाले. यावेळी आदेश आणि सुचित्रा बांदेकर यांनी पाहुण्यांचं मनापासून स्वागत केलं. पारंपरिक पद्धतीने सजवलेल्या नामांकित हॉटेलमध्ये हा कार्यक्रम पार पडला.
सोहम बांदेकरच्या केळवणासाठी खास मराठमोळा आणि सात्विक बेत ठेवण्यात आला होता. सुकन्या मोने यांनी सोशल मीडियावर या प्रसंगाचे काही फोटो शेअर करत सुंदर आठवणी सांगितल्या. त्या म्हणाल्या, “सोहम हा आमचा लाडका आणि सगळ्यांच्या शुभेच्छांचा मानकरी आहे. आम्ही सगळ्या मावशांनी मिळून त्याचं केळवण केलं. पारंपरिक मराठी पद्धतीत औक्षण, फुलांनी स्वागत आणि स्वादिष्ट भोजनाने हा कार्यक्रम संस्मरणीय झाला.”
या केळवणात वडा, कोथिंबीर वडी, मसालेभात, पुरी, कढी, मोदक, श्रीखंड, बासुंदी, खरवस आणि दुधी हलवा अशा रुचकर पक्वान्नांचा समावेश होता. पाहुण्यांनी पोटभर जेवणाचा आनंद घेत समाधानाने आहेर देऊन सोहमला शुभेच्छा दिल्या.
दरम्यान, सोहम बांदेकर आणि ‘येड लागलं प्रेमाचं’ फेम अभिनेत्री पूजा बिरारी यांच्या नात्याबद्दल सध्या सोशल मीडियावर चर्चा रंगल्या आहेत. पूजाला काही काळापूर्वी बांदेकरांच्या घरच्या गणपती महाआरतीला पाहिलं गेलं होतं, तसेच सोहमच्या पोस्टवर तिच्या खास कमेंट्सनं चाहत्यांचं लक्ष वेधलं होतं. तरीही दोघांनी त्यांच्या नात्याबद्दल अधिकृत घोषणा केलेली नाही.
हे पण वाचा.. तेजश्री प्रधानचा नवा लूक प्रेक्षकांच्या पसंतीस; सोशल मीडियावर ‘दिया’ म्हणून दिली नव्या भूमिकेची झलक
आता सर्वांचं लक्ष सोहमच्या लग्नाच्या तारखेकडे लागलं आहे. तो लवकरच विवाहबंधनात अडकणार असून बांदेकरांच्या घरी सध्या आनंदाचा उत्सव सुरू आहे. मराठी कलाविश्वातील ही लग्नसोहळ्याची बातमी सध्या सोशल मीडियावर प्रचंड व्हायरल झाली आहे.
हे पण वाचा.. शेवटचा सीन.. अशोक सराफ यांच्या ‘अशोक मा.मा.’ मालिकेतून संयमीची एक्झिट; म्हणाली
