onkar bhojane comeback shivali parab vanita kharat reaction : ‘महाराष्ट्राची हास्यजत्रा’ हा कार्यक्रम नेहमीच प्रेक्षकांना हसवण्यासोबतच कलाकारांमधील आपुलकी आणि मैत्रीचं नातं दाखवत आला आहे. अडीच वर्षांच्या मोठ्या विश्रांतीनंतर अभिनेता ओंकार भोजने पुन्हा एकदा या मंचावर परतला आहे, आणि त्याच्या या पुनरागमनाने केवळ चाहत्यांनाच नव्हे तर त्याच्या सहकलाकारांनाही अपार आनंद झाला आहे.
अभिनेत्री Shivali Parab आणि Vanita Kharat यांनी या निमित्ताने त्यांच्या भावना व्यक्त करताना, ओंकारसोबत काम करण्याचा आनंद पुन्हा अनुभवायला मिळाल्याचं सांगितलं. ‘राजश्री मराठी’ला दिलेल्या मुलाखतीत वनिता म्हणाली, “आमच्यातली मैत्री कायमची आहे. आम्ही जेव्हा पुन्हा शूटिंगसाठी एकत्र आलो, तेव्हा जाणवलंच नाही की अडीच वर्षांचा काळ लोटला आहे. जजसुद्धा म्हणाले की ओंकार इतक्या दिवसांनंतर परत आला असं अजिबात वाटत नाही. तो आला की वातावरणच बदलतं.”
वनिता पुढे हसत म्हणाली, “तो जाणार हे समजल्यावर खूप वाईट वाटलं होतं. आता परत आल्यावर आम्ही सगळेच त्याला कोपरापासून दंडवत आहोत — आता पुन्हा जाऊ नकोस असं म्हणत!” तिच्या या संवादातून त्यांच्या गाढ मैत्रीचा आणि एकमेकांबद्दलच्या जिव्हाळ्याचा अंदाज सहज येतो.
दुसरीकडे, Shivali Parab नेही ओंकारच्या पुनरागमनाविषयी आनंद व्यक्त केला. ती म्हणाली, “त्याचा पहिलाच दिवस भन्नाट होता. शूटिंग सुरू झालं आणि संपूर्ण स्टुडिओमध्ये आनंदाचे वातावरण होतं. लाईटवाल्यांपासून ते क्रू मेंबर्सपर्यंत सगळे उत्साहित होते. ओंकारचा प्रेक्षकवर्ग फक्त घराबाहेर नाही, तर आम्ही सगळे त्याचे फॅन्स आहोत. तो स्किट करताना आम्हीही त्याचे प्रेक्षक बनतो.”
या दोन्ही अभिनेत्रींच्या भावना ऐकून स्पष्ट होतं की ‘महाराष्ट्राची हास्यजत्रा’ हा केवळ कार्यक्रम नसून, कलाकारांच्या आयुष्यातील एक कुटुंबासारखा भाग आहे. प्रत्येक सण, प्रत्येक विशेष क्षण ते एकत्र साजरा करतात. सेटवरचं वातावरणही हसतं, गप्पा रंगतात आणि एकमेकांना प्रोत्साहन देणं कधीच थांबत नाही, असं Vanita Kharat ने सांगितलं.
हे पण वाचा.. दीपिका पादुकोण आणि रणवीर सिंग यांनी दिवाळीत दाखवला ‘दुआ’चा चेहरा; चाहत्यांसाठी खास गिफ्ट!
ओंकार भोजनेच्या पुनरागमनाने हास्यजत्रेच्या चाहत्यांसाठी हा नक्कीच ‘दिवाळीचा गिफ्ट’ ठरला आहे. आता प्रेक्षक पुन्हा एकदा ओंकार, Shivali आणि Vanita यांच्या जबरदस्त कॉमेडी तिकडीला हसत-खेळत पाहणार आहेत, हे नक्की.
हे पण वाचा.. दिवाळीचा जल्लोष! ‘काजळमाया’ फेम अक्षय केळकरने पत्नीसह साजरा केला पहिला दिवाळसण
