navri mile hitlerla vallari viraj bhavuk pratikriya : मराठी मालिकाविश्वात कमी कालावधीत स्वतःची खास ओळख निर्माण करणाऱ्या अभिनेत्रींपैकी एक म्हणजे वल्लरी विराज. तिच्या अभिनयाने आणि स्क्रीनवरील सहजतेने प्रेक्षकांची मनं जिंकली. ‘नवरी मिळे हिटलरला’ ही तिच्या कारकिर्दीतील पहिली मालिका होती. या मालिकेमुळे तिला अपार प्रसिद्धी मिळाली. मात्र, प्रेक्षकांच्या मनात घर करणारी ही मालिका बंद होणार असल्याचं समजताच वल्लरी भावनिक झाली.
‘नवरी मिळे हिटलरला’ ही मालिका प्रेक्षकांमध्ये प्रचंड लोकप्रिय ठरली होती. या मालिकेत अभिनेता राकेश बापट आणि वल्लरी विराज यांनी प्रमुख भूमिका साकारल्या होत्या. अभिनेत्री शर्मिष्ठा राऊत यांनी या मालिकेची निर्मिती केली होती. मार्च २०२४ मध्ये सुरू झालेली ही मालिका तब्बल एक वर्ष प्रेक्षकांचं मनोरंजन करत राहिली. मात्र २५ मे २०२५ रोजी मालिकेचा शेवटचा भाग प्रसारित झाला आणि या प्रवासाला पूर्णविराम मिळाला.
या मालिकेच्या शेवटीच्या दिवसांची आठवण काढताना वल्लरीनं नुकत्याच दिलेल्या मुलाखतीत आपली भावना व्यक्त केली. तिनं सांगितलं की, तिला मालिका संपणार असल्याचं समजलं तेव्हा ती गाडी चालवत होती. तिची सहकलाकार आणि जिवलग मैत्रीण आलापिनी निसळ हिनं तिला फोन करून ही बातमी दिली. “ती म्हणाली की फोन स्पीकरवर ठेव, मला आई-बाबांशीही बोलायचं आहे. मग तिनं सांगितलं की शर्मिष्ठा मॅडम आल्या होत्या आणि त्यांनी सांगितलं की मालिका संपत आहे,” असं वल्लरीनं सांगितलं.
वल्लरीनं पुढे सांगितलं की, “त्या क्षणी मी सुन्न झाले. कारण ही माझी पहिली मालिका होती. पहिल्या प्रोजेक्टशी जडलेलं नातं वेगळंच असतं. शूटिंग सेट, सहकलाकार, तांत्रिक टीम — सगळ्यांशी भावनिक नातं तयार झालं होतं. त्यामुळे ही बातमी ऐकून मन हेलावलं.”
या मालिकेचं यश आणि लोकप्रियता प्रेक्षकांमध्ये मोठी ठरली होती. सोशल मीडियावर वल्लरी आणि आलापिनीचे अनेक व्हिडीओ व रील्स व्हायरल होत होते. त्यामुळे मालिकेच्या शेवटानंतर प्रेक्षकांनाही निराशा वाटली.
हे पण वाचा.. रात्री उशिरा प्रसारण असूनही कमालीची TRP! या आठवड्यातील टॉप-५ मराठी मालिका Marathi Serial TRP
अभिनयाची सुरुवात छोट्या पडद्यावरून करणाऱ्या वल्लरी विराज हिनं आता प्रेक्षकांच्या मनात स्वतःचं एक खास स्थान निर्माण केलं आहे. मालिकेचा शेवट जरी झाला असला तरी तिचं या प्रवासाशी असलेलं भावनिक नातं कायम राहील, हे स्पष्टपणे तिच्या बोलण्यातून जाणवलं.
हे पण वाचा.. मंचावर मिलिंद शिंदे यांचा रोमँटिक अंदाज; पत्नीला दिलं गुलाबाचं फुल, प्रेक्षक झाले भावूक
