मराठी मनोरंजन विश्वात दर आठवड्याला प्रेक्षकांचे लक्ष वेधून घेणारी गोष्ट म्हणजे Marathi Serial TRP यादी. छोट्या पडद्यावर नव्या मालिकांची धूम सुरू असतानाच, जुन्या लोकप्रिय मालिकांनीही आपली जागा मजबूत ठेवली आहे. गेल्या काही दिवसांपासून विविध वाहिन्यांवर नव्या कथा, दमदार पात्रं आणि लोकप्रिय कलाकारांच्या पुनरागमनामुळे TRP मध्ये चांगलाच रंगतदार मुकाबला पाहायला मिळतो आहे.
गेल्या आठवड्याच्या टीआरपी अहवालानुसार, ‘ठरलं तर मग’ या मालिकेने पुन्हा एकदा पहिलं स्थान कायम ठेवत आपली लोकप्रियता सिद्ध केली आहे. दमदार अभिनय, आकर्षक कथा आणि भावनिक वळणं यामुळे या मालिकेने ५.४ टीआरपी मिळवत पहिलं स्थान पटकावलं आहे. तर दुसऱ्या स्थानावर दोन मालिका एकत्र झळकत आहेत — ‘घरोघरी मातीच्या चुली’ आणि ‘कोण होतीस तू काय झालीस तू’, दोघींनाही समान ४.५ टीआरपी रेटिंग मिळालं आहे.
तिसऱ्या स्थानावर आदिनाथ कोठारेच्या मुख्य भूमिकेतली ‘नशीबवान’ ही मालिका ४.१ टीआरपीसह झळकली आहे, ज्यामुळे तिच्या लोकप्रियतेचा अंदाज येतो. Marathi Serial TRP.
यादीत चौथ्या क्रमांकावर ‘लक्ष्मीच्या पाऊलांनी’ ही मालिका ४.० रेटिंगसह स्थिरावली असून, तिच्याच जवळ ‘तू ही रे माझा मितवा’ ने ३.८ रेटिंगसह टॉप-५ मध्ये स्थान मिळवलं आहे. विशेष म्हणजे ही मालिका रात्री साडेदहा वाजता प्रसारित होते, तरीही तिचा प्रेक्षकवर्ग वाढत चालल्याचं स्पष्ट दिसतंय. पण या आठवड्याचा सर्वाधिक चर्चेचा विषय ठरली ती ‘अबोली’ मालिका. रात्री तब्बल ११:३० वाजता प्रसारित होऊनही या मालिकेने २.१ टीआरपी मिळवत सर्वांना आश्चर्यचकित केलं आहे. इतक्या उशिराच्या वेळेतही प्रेक्षकांनी या मालिकेला दिलेलं प्रेम हेच तिच्या यशाचं खरं रहस्य आहे.
दरम्यान, ‘येड लागलं प्रेमाचं’ आणि ‘लग्नानंतर होईलच प्रेम’ या दोन्ही मालिकांना ३.५ टीआरपी मिळाल्याचं दिसून आलं आहे. या सर्व आकडेवारीवरून स्पष्ट होतं की, प्रेक्षक आता वेळ पाहून नाही तर कथा आणि पात्रांवर आधारित मालिका निवडत आहेत. एकूणच, या आठवड्याच्या Marathi Serial TRP यादीत पुन्हा एकदा रंगतदार स्पर्धा रंगली असून, रात्री उशिराच्या मालिकांनीही आपली पकड मजबूत केली आहे. प्रेक्षकांच्या मनावर राज्य करणाऱ्या या मालिकांमुळे मराठी टेलिव्हिजन विश्वात नवा उत्साह निर्माण झाला आहे.
