Saurabh Chaughule Marathwada Flood : मराठवाड्यासह सोलापूर, अहिल्यानगर आणि जळगाव जिल्ह्यांमध्ये गेल्या काही दिवसांपासून झालेल्या मुसळधार पावसाने हाहाकार माजवला आहे. नद्यांना आलेल्या पुरामुळे अनेक गावांचा संपर्क तुटला असून हजारो शेतकरी पूरग्रस्त झाले आहेत. घरे उद्ध्वस्त झाली, पिकांचं मोठं नुकसान झालं आणि अनेक कुटुंबे अक्षरशः रस्त्यावर आली आहेत. या भीषण परिस्थितीत शासनाकडून मदतीची कामे सुरू असली तरी, शेतकरी बांधवांच्या पाठीशी उभं राहण्यासाठी आता मराठी कलाकारही पुढे सरसावले आहेत.
अभिनेता सौरभ चौघुले याने नुकताच सोशल मीडियावर एक व्हिडीओ शेअर करत चाहत्यांना भावनिक आवाहन केलं आहे. “आज मराठवाड्यातील शेतकरी बांधवाला आपली खूप मोठी गरज आहे. त्यांच्या संसाराला, शेतीला प्रचंड फटका बसला आहे. या संकटाच्या काळात आपण सर्वांनी मिळून मदतीचा हात पुढे करायला हवा,” असं सौरभनं सांगितलं. Saurabh Chaughule Marathwada Flood
कमल हासनचा त्रिशाला Video Call; आईला दिला खास सल्ला, भरभरून कौतुक Kamal Haasan Treesha Thosar
अखिल भारतीय नाट्य परिषद कल्याण शाखेतर्फे ऋतुराज फडके आणि प्रसाद दाणे यांच्या मार्गदर्शनाखाली मदत मोहीम सुरू करण्यात आली आहे. २५ ते ३० सप्टेंबरदरम्यान अत्रे मंदिर, कल्याण येथे सायंकाळी ४ ते ८ दरम्यान जीवनावश्यक वस्तू गोळा केल्या जाणार आहेत. या काळात सर्व कलाकार तेथे उपस्थित राहून नागरिकांना मदत करण्याचं आवाहन करत आहेत. “तुम्हाला जे शक्य आहे तेवढी मदत नक्की करा, कारण आज आपल्या शेतकऱ्यांना आपणच आधार द्यायचा आहे,” असं सौरभ चौघुलेनं स्पष्ट केलं.
दरम्यान, राज्य सरकारतर्फेही पूरग्रस्तांसाठी तातडीच्या उपाययोजना सुरू आहेत. मुख्यमंत्री देवेंद्र फडणवीस यांनी स्वतः पूरग्रस्त भागाचा दौरा करून पाहणी केली आहे. त्यांनी केंद्र सरकारशी चर्चा करताना पंतप्रधान नरेंद्र मोदी यांच्याकडून मदतीचं आश्वासन मिळवलं आहे. केंद्र व राज्य सरकारसोबतच स्थानिक स्वयंसेवी संस्था आणि कलाकारांचा सहभाग मिळाल्याने पूरग्रस्तांना थोडासा दिलासा मिळण्याची शक्यता आहे.
सध्या सर्वसामान्य नागरिकांपासून ते कलाकारांपर्यंत सर्वजण या मदत मोहिमेत सहभागी होत आहेत. परंतु, खरी ताकद जनतेच्या एकजुटीत आहे. कारण Saurabh Chaughule Marathwada Flood या आवाहनातून उघड झाल्याप्रमाणे, संकटाच्या काळात समाजातील प्रत्येक घटकाने मदतीसाठी एकत्र येणं हीच खरी गरज आहे.
