megha dhade prapti redkar savali maliketil bonding : मराठी टेलिव्हिजनवरील लोकप्रिय मालिका ‘सावळ्याची जणू सावली’ सध्या चर्चेत आहे. या मालिकेत अभिनेत्री प्राप्ती रेडकरने साकारलेली ‘सावली’ ही भूमिका प्रेक्षकांना आवडते आहे. तिच्यासोबतच नकारात्मक भूमिकेत दिसणारी **मेघा धाडे (Megha Dhade)**देखील चर्चेत आहे. अलीकडेच दोघींनी दिलेल्या मुलाखतीत त्यांच्या ऑन-सेट नातेसंबंधांबाबत अनेक मनोरंजक गोष्टी समोर आल्या.
प्राप्ती रेडकरला विचारलं असता की, मेघा तिला कधी ओरडते का? त्यावर तिनं हसत उत्तर दिलं, “हो, ती आम्हाला ओरडते, पण आम्हाला ते कधी वाईट वाटत नाही. कारण तिचं सगळं बोलणं आमच्या चांगल्यासाठी असतं.”
यावर मेघा धाडेने स्पष्ट केलं की, त्या मुली स्वतःकडे लक्ष देत नाहीत, म्हणून ती त्यांना समजावते. “प्राप्ती खूप मेहनत करते पण स्वतःच्या आरोग्याकडे लक्ष देत नाही. म्हणून मी तिला नेहमी सांगते की, त्वचेची आणि केसांची काळजी घे. एक-दोन हिरोईनच्या भूमिका मिळाल्या म्हणून समाधानी व्हायचं नाही. अजून खूप पुढे जायचं आहे. करिअरच्या सुरुवातीच्या टप्प्यात माणूस जर समाधानी झाला, तर त्याची गती थांबते. माझंदेखील मोठं करिअर नाही, पण मी त्यांच्यासाठी मोठी आहे, म्हणून थोडी ‘ताईगिरी’ करावी लागते.”
तिच्या या वक्तव्यामुळे सेटवर तिची आईसारखी भूमिका स्पष्टपणे जाणवते.
हे पण वाचा.. सायलीच्या शाळेत पुराव्यासोबत फेरफार, प्रिया स्वतःच पडली तोंडावर Tharala Tar Mag 25 September
मुलाखतीत मेघाने प्राप्ती आणि भाग्यश्रीबरोबर असलेलं जवळचं नातंही सांगितलं. “आम्ही तिघी मिळून एकमेकांशिवाय ही मालिका करण्याची कल्पनाच करू शकत नाही. आमची मेकअप रुम म्हणजे आमचं घरच आहे. या दोन मुलीमुळेच माझा उत्साह जिवंत राहतो,” असं ती म्हणाली.
दरम्यान, ‘सावळ्याची जणू सावली’ मालिकेत सावली आणि सांरगच्या नात्यात नवे वळण येताना दिसणार आहे. शिवानीच्या आगमनामुळे त्यांच्या आयुष्यात संकटं वाढताना प्रेक्षकांना पाहायला मिळतील.
हे पण वाचा.. नवरात्रीत “अक्षया नाईक” चं बोल्ड फोटोशूट; चाहत्यांचं कौतुक आणि सोशल मीडियावर चर्चा
