Abhijeet Chavan fake death news : सोशल मीडियावर काही दिवसांपासून खोट्या आणि भ्रामक बातम्या पसरवल्या जात असल्याच्या घटना वाढल्या आहेत. नुकत्याच “अभिजीत चव्हाण यांच्या मृत्यूची खोटी बातमी” मुळे मराठी मनोरंजनविश्वात मोठा गदारोळ माजला आहे. लोकप्रिय अभिनेता अभिजीत चव्हाण याने स्वतः फेसबुक पोस्टद्वारे ही बाब उघड करत संताप व्यक्त केला.
अलीकडेच एका युट्यूब चॅनेलने थंबनेल तयार करत, “मराठी सिनेविश्वातील दोन कलाकार गमावले” असा मजकूर लिहिला. या थंबनेलमध्ये दिवंगत अभिनेत्री प्रिया मराठे हिचा फोटो आणि तिच्या शेजारी अभिजीत चव्हाण यांचा फोटो लावण्यात आला. व्हिडिओमध्ये मात्र प्रत्यक्षात आशिष वारंग यांच्या निधनाची बातमी सांगण्यात आली. क्लिकबेटच्या माध्यमातून लोकांचं लक्ष वेधून घेण्यासाठी केलेली ही कृती पाहून अभिजीत चव्हाण हादरला आणि संतप्त झाला.
अभिजीतने आपल्या फेसबुक पोस्टमध्ये लिहिलं, “माझ्या मृत्यूची बातमी मला पाहायला मिळाली… अजून काय पाहिजे? आता काय करायचं यांचं?” त्याच्या या पोस्टवर अनेक चाहत्यांनी तसेच सहकलाकारांनी प्रतिक्रिया दिल्या. अनेकांनी या कृतीवर रोष व्यक्त करत कठोर कारवाईची मागणी केली.
अभिनेते मोहन जोशी यांच्याबाबतीत काही दिवसांपूर्वी असाच अनुभव आला होता. त्यांच्या निधनाची खोटी बातमी व्हायरल झाली होती आणि त्यावर स्वतः मोहन जोशींनी माध्यमांशी संवाद साधत ते ठणठणीत असल्याचं स्पष्ट केलं होतं. त्यामुळे “अभिजीत चव्हाण यांच्या मृत्यूची खोटी बातमी” ही दुसरी गंभीर घटना ठरली आहे.
हे पण वाचा.. पंजाबच्या पुरपरिस्थितीत सलमान खानचा मदतीचा हात ‘बिग बॉस 19 ’च्या मंचावर व्यक्त केली भावना..
या प्रकरणावर अभिनेत्री विशाखा सुभेदारने देखील कमेंट करत, “कारवाई करा.. आणि तुझं आयुष्य वाढलं बाबा” असं लिहिलं. अनेक मराठी कलाकारांनी अभिजीतला पाठिंबा देत सोशल मीडियावर अफवा पसरवणाऱ्यांविरुद्ध आवाज उठवला.
आजच्या डिजिटल युगात सोशल मीडिया ही माहिती देण्याची ताकदवान साधनं ठरली आहेत. पण त्याच वेळी जबाबदारीशून्य वर्तन, खोट्या बातम्या आणि क्लिकबेटचा पायंडा पडल्याने कलाकारांच्या भावनांवर आणि त्यांच्या कुटुंबीयांवर विपरीत परिणाम होतो. एका जिवंत व्यक्तीचा मृत्यू जाहीर करणं ही मानवीयतेविरुद्धची कृती असल्याचं अभिजीतच्या पोस्टमधून स्पष्ट दिसून आलं.
सध्या अभिजीत चव्हाण ‘सुंदर मी होणार’ या नाटकात महत्त्वाची भूमिका साकारत असून, यापूर्वी तो ‘मुरांबा’ मालिकेतही झळकला होता. त्याच्या कलागुणांमुळे प्रेक्षकांच्या मनात त्याला विशेष स्थान मिळालं आहे. त्यामुळेच “अभिजीत चव्हाण यांच्या मृत्यूची खोटी बातमी या घटनेनंतर चाहत्यांमध्ये चिंता आणि संताप दोन्ही उमटले आहेत.
हे पण वाचा.. जुई गडकरीची पंढरपूर वारी विठुरायाच्या दर्शनानंतर सोशल मीडियावर व्यक्त केल्या भावना
