yogita chavan saourabh chaughule separation rumours : मराठी मालिकाविश्वातील चर्चेत असलेली जोडी योगिता चव्हाण सौरभ चौघुले पुन्हा एकदा चर्चेच्या केंद्रस्थानी आली आहे. ‘जीव माझा गुंतला’ या मालिकेतून प्रेक्षकांच्या मनात घर करणाऱ्या या जोडीने मार्च २०२४ मध्ये थाटामाटात लग्न केलं होतं. पण अवघ्या दीड वर्षातच त्यांच्या नात्यात दुरावा निर्माण झाल्याच्या चर्चा सोशल मीडियावर रंगत आहेत.
सुरुवातीला एकमेकांवरील त्यांचं प्रेम आणि केमिस्ट्री पाहून चाहत्यांनी त्यांना ‘आदर्श जोडी’ म्हटलं होतं. पण गेल्या काही आठवड्यांपासून त्यांच्या इन्स्टाग्रामवरील हालचाली वेगळंच चित्र दाखवत आहेत. दोघांनी एकमेकांना अनफॉलो केलं असून, लग्नानंतर शेअर केलेले फोटो आणि रील्स आता त्यांच्या अकाउंटवरून गायब झाले आहेत. हनिमून आणि लग्नसोहळ्याचे फोटो देखील काढून टाकण्यात आले आहेत, ज्यामुळे चर्चांना आणखी जोर आला आहे.
यंदाच्या सण-उत्सवांच्या काळातही Yogita Chavan Saourabh Chaughule एकत्र दिसले नाहीत. गणेशोत्सवाच्या व्हिडिओत योगिता एकटी दिसली, तर दिवाळीत सौरभने आपल्या मित्रांसोबत सेलिब्रेशनचे फोटो पोस्ट केले. योगिताने दिवाळीचे क्षण फक्त मैत्रिणींशी शेअर केले आणि सौरभ त्यात कोठेच नव्हता.
काही दिवसांपूर्वी सौरभ चौघुलेने एक फोटो पोस्ट केला होता, ज्यावर चाहत्यांनी कमेंट करत विचारलं – “योगिता कुठे आहे?” पण त्यावर सौरभने कोणतीही प्रतिक्रिया दिली नाही. याच कारणामुळे चाहत्यांमध्ये या नात्याबाबत विविध चर्चा सुरू झाल्या आहेत.
‘जीव माझा गुंतला’ या मालिकेत काम करताना दोघांची जवळीक वाढली होती. सुरुवातीला मैत्री आणि नंतर प्रेम, अशा प्रवासातून त्यांनी नातं जपलं आणि ३ मार्च २०२४ रोजी विवाहबंधनात अडकले. मात्र आता त्यांच्या नात्यावर संकटाचे ढग दाटले आहेत, असं बोललं जातं.
हे पण वाचा .. प्रवाहाशी मैत्री करायची की नाही?” – शिवानी रांगोळेचा भावनिक व्हिडीओ सोशल मीडियावर व्हायरल!
सध्या दोघांनीही या विषयावर कोणतीही अधिकृत प्रतिक्रिया दिलेली नाही. त्यामुळे नेमकं काय घडलं याबाबत निश्चितपणे सांगता येत नाही. पण सोशल मीडियावरील त्यांच्या पोस्ट्स आणि चाहत्यांच्या निरीक्षणांवरून Yogita Chavan Saourabh Chaughule यांच्यात काहीतरी बिनसलं असल्याचं स्पष्ट दिसतं.
मराठी मनोरंजनविश्वातील ही लोकप्रिय जोडी एकेकाळी प्रेमाचं उदाहरण मानली जात होती. पण आता त्यांच्या नात्यात निर्माण झालेला तणाव आणि सोशल मीडियावरील शांतता पाहता चाहत्यांना मोठं आश्चर्य वाटत आहे. पुढे ते दोघं या अफवांना पूर्णविराम देतात की खरंच आपापल्या वाटा वेगळ्या करतात, हे पाहणं औत्सुक्याचं ठरणार आहे.
हे पण वाचा.. मौनी रॉयच्या ‘बदमाश’ रेस्टॉरंट चेनचा दबदबा; ६ ठिकाणी व्यवसाय, पदार्थांच्या किमती ऐकून होईल आश्चर्य!
