veen doghatli hi tutena samar swanandi bhandan update : झी मराठीवरील लोकप्रिय मालिका Veen Doghatli Hi Tutena प्रेक्षकांना रोज नवे वळण देत आहे. लग्नानंतर समर आणि स्वानंदीच्या नात्यात सतत गैरसमज आणि वाद निर्माण होत असून त्यांची ही आंबट-गोड गोष्ट चाहत्यांसाठी आकर्षणाचा विषय ठरली आहे. दोघांचे स्वभाव, वाढ, परिस्थिती आणि विचारसरणी परस्परविरोधी असले तरी कुटुंबाच्या प्रेमापोटी त्यांनी एकमेकांचा हात धरला. परंतु हा प्रवास सुरळीत होईल अशी अपेक्षा करत असताना सतत नवी अडचण त्यांच्यात दरी निर्माण करताना दिसते.
समर श्रीमंतीत वाढलेला, तर स्वानंदी साध्या कुटुंबातील. या विषम पार्श्वभूमीमुळे त्यांच्या बोलण्याच्या आणि वागण्याच्या पद्धतीतही मोठा फरक आहे. एवढंच नाही, समरची काकू मल्लिकादेखील त्यांच्या आयुष्यात कट-कारस्थाने करत राहते. तिच्या डावपेचांमुळे समरच्या मनात स्वानंदीबद्दल आणखी गैरसमज निर्माण होत असल्याचं दाखवलं जात आहे. त्यामुळे या दोघांच्या नात्यात सतत टोकाचे प्रसंग घडत असल्याचे प्रेक्षक पाहत आहेत.
आता झी मराठीने शेअर केलेल्या नव्या प्रोमोमुळे हा तणाव आणखी गडद होण्याची चिन्हे दिसत आहेत. प्रोमोमध्ये अधिरा माहेरी येते आणि तिचे समर मनापासून स्वागत करतो. त्याचवेळी स्वानंदीही माहेरी गेली असल्याचे कळते. समरची आजी त्याला स्वानंदीला फोन करण्यास सांगते, परंतु त्याची प्रतिक्रिया पाहून तणावाची झलक लगेच जाणवते. “आजीनं सांगितलं म्हणून फोन करतोय,” असं थेट सांगत समर फोनवर तुसडेपणाने बोलतो.
याचदरम्यान अधिरा हे संभाषण ऐकते आणि समरला सुनावते — “बायकोशी असं बोलतोस? थोडं क्यूट, रोमँटिक बोल ना!” हा प्रसंग पाहताच नेटकरी संतापले असून सोशल मीडियावर त्याच्यावर टीकेची झोड उठवली आहे. काहीजणांनी त्याचं वागणं उद्धट असल्याचं म्हटलं, तर काहींनी पूर्वीची समर–स्वानंदीची केमिस्ट्री आता पूर्ण गायब झाल्याचं म्हणत नाराजी व्यक्त केली.
हे पण वाचा.. साखरपुडा मोडणार! कमळी मालिकेत कमळी उघड करणार कामिनीचा डाव; अन्नपूर्णा आजींचा जोरदार थप्पड ट्विस्ट
Veen Doghatli Hi Tutena मध्ये पुढे या दोघांचं नातं सुधरेल की आणखी गैरसमज वाढतील, हा प्रश्न आता प्रेक्षकांना सतावत आहे. मालिकेतील हा ताजा प्रोमो आगामी भाग अधिकच रोचक बनवणार हे नक्की.
हे पण वाचा.. १६ डिसेंबरचा महाखुलासा! ‘लग्नानंतर होईलच प्रेम’मध्ये बदलणार नात्यांचा रंग पाहा प्रोमो…
